完整藏文原文 · 德格版页 当前仅加载第 63 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་འབྲུ་དང་། རྩི་སྨན་ཡིན་ཞིང་སྡུག་བསྔལ་ཐམས་ཅད་རབ་ཏུ་ཞི་བར་བྱེད་པའོ། །བདེ་བར་སྦྱར་བ་ཐམས་ཅད་སྦྱིན་པར་བྱེད་དོ། །སྙིང་རྗེ་ཆེན་པོ་ཀུན་ནས་སློང་བ་དང་མཚུངས་པར་ལྡན་པའོ། །མཚོན་ཆའི་སྟོབས་ཞེས་བྱ་བའི་གཟུངས་ཆེན་པོ་ཤིན་ཏུ་ཟབ་པ་དེ་ལྟ་བུ་སྟོན་
D230.063.0282b01.01པ་ཡིན་ནོ། །གཟུངས་ཆེན་པོ་དེས་ནི་འདི་ན་སེམས་ཅན་རྣམས་ཀྱི་སའི་བཅུད་ཀྱི་མདངས་དང་། ས་བོན་དང་། མྱུ་གུ་དང་། འདབ་མ་དང་། མེ་ཏོག་དང་། རོ་དང་། འབྲུ་དང་། སྨན་རྣམས་མི་ཉམས་ཤིང་སྐྱོན་མེད་ལ་འཕེལ་ཞིང་འབྱོར་པར་བྱེད་དོ། །སེམས་ཅན་གང་དག་
D230.063.0282b02.01གིས་ཟོས་པ་དེ་དག་གི་རྒྱུད་ལ་རྩོད་པའི་རྙོག་པ་ཐམས་ཅད་ཞི་བར་བྱེད་དོ། །འདིར་སེམས་ཅན་རྣམས་དགེ་བའི་ཆོས་ཐམས་ཅད་ལ་སྤྱོད་པར་འགྱུར་རོ། །གླིང་བཞི་པ་འདིར་དུས་མ་ཡིན་པའི་རླུང་དང་། ཉི་མས་གདུངས་པ་དང་། ཚ་བ་དང་། གྲང་བ་དང་། ཆར་མོ་ཆེ་དང་།
D230.063.0282b03.01ཐན་ཆེན་དང་། ཟླ་བ་དང་། ཉི་མ་དང་། གཟའ་དང་། རྒྱུ་སྐར་དང་། ཉིན་མཚན་དང་། ཟླ་བ་དང་། ཟླ་བ་ཕྱེད་པ་དང་། ལོ་དང་། དུས་ཚིགས་ལོག་པ་ཐམས་ཅད་ཉེ་བར་ཞི་བར་བྱེད་དོ། །གཟུངས་ཆེན་པོ་བསྟན་པ་དེས་ནི་ངའི་དཀོན་མཆོག་གསུམ་གྱི་གདུང་དང་། ཆོས་ཀྱི་
D230.063.0282b04.01ཚུལ་ཡུན་རིང་དུ་གནས་པར་འགྱུར་རོ། །གལ་ཏེ་འདིར་མུན་པ་ཅན་སྐལ་བ་ཆུང་བ། རྒྱགས་པ་དང་། དྲེགས་པས་ཁེངས་ཤིང་དགེ་བའི་རྩ་བ་མ་བསྐྱེད་པ། རྒྱལ་རིགས་གདོལ་པ་དང་། བློན་པོ་གདོལ་པ་དག་གིས་འདི་ལྟར་ངའི་བསྟན་པ་དཀའ་བས་བསྒྲུབས་པ་དང་། ངའི་
D230.063.0282b05.01དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དག་ལ་འཚེ་བར་བྱེད་པ་ནས་རྒྱུ་དེས་ན་ལྷ་དང་། ཀླུ་དང་། གནོད་སྦྱིན་དག་འཁྲུག་པར་མི་བྱེད་པའི་བར་དུའོ། །དེ་བཞིན་དུ་སེམས་ཅན་རྣམས་ལ་བདེ་བར་སྦྱར་བ་ཐམས་ཅད་འབྱུང་བ་ནི་སྔར་ཇི་སྐད་གསུངས་པ་བཞིན་ནོ། །འདུས་
D230.063.0282b06.01པ་ཆེན་པོ་ཐེག་པ་ཆེན་པོའི་མདོ་བཅོ་ལྔ་པ་རིའི་སྙིང་པོའི་ལེའུ་ལས་ཐན་ཆེན་རབ་ཏུ་ཞི་བར་བྱེད་པའི་མཚོན་པ་སྟེ་གསུམ་པ་རྫོགས་སོ།། །།དེ་ནས་བཅོམ་ལྡན་འདས་ཀྱིས་དཔལ་ལྷ་མོ་ཆེན་མོ་ལ་འདི་སྐད་ཅེས་བཀའ་སྩལ་ཏོ། །དཔལ་ལྷ་མོ་ཆོ་ག་ཤེས་སྔོན་དེ་བཞིན་
D230.063.0282b07.01