完整藏文原文 · 德格版页 当前仅加载第 63 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
མཁྱེན་པ་ཉིད་ཀྱི་ཡེ་ཤེས་ལ་གནས་པར་བྱེད་དམ། དེ་ལ་དཔལ་ལྷ་མོ་ཆེན་མོས་འདི་སྐད་ཅེས་སྨྲས་སོ། །སྐྱེས་བུ་ཆེན་པོ་དམ་པས་ཇི་སྐད་སྨྲས་པ་དེ་ལྟར་ལགས་ཏེ། སྔོན་བྱུང་བ་འདས་པའི་དུས་བསྐལ་པ་དཔག་ཏུ་མེད་པ་དག་འདས་པ་ན་གང་གི་ཚེ་བྱང་ཆུབ་སེམས་དཔའ་ཤཱཀྱ་ཐུབ་པ་དེ་བྱང་
D230.063.0275b01.01ཆུབ་སེམས་དཔའི་སྤྱད་པ་སྤྱོད་པ་ན། འདི་ལྟར་བདག་དང་གཅིག་ལ་གཅིག་དམ་ཚིག་བཅས་པ་གང་གི་ཚེ་ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བ་དེའི་ཚེ། བདག་གླིང་ཆེན་པོ་བཞི་པ་དེར་དཔལ་ལྷ་མོ་ཆེན་མོའི་གོ་འཕང་ཐོབ་པར་ཤོག་ཤིག་པ་དང་།
D230.063.0275b02.01དེ་ན་སེམས་ཅན་རྣམས་ལ་བཟའ་བ་དང་། བཏུང་བའི་ཡོ་བྱད་ཐམས་ཅད་ཀྱིས་སྦྱིན་པ་བྱེད་པར་འགྱུར་བར་བགྱིས་ལགས་སོ། །རིགས་ཀྱི་བུ་ཁྱོད་བདག་ལས་གསོན་ཅིག་དང་། སྔོན་བྱུང་བ་འདས་པའི་དུས་བསྐལ་པ་དཔག་ཏུ་མེད་པ་འདས་པ་གང་དེའི་ཚེ་དེའི་དུས་ན་དེ་བཞིན་གཤེགས་
D230.063.0275b03.01པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དབང་པོའི་ཏོག་གི་རྒྱལ་མཚན་རྒྱལ་པོ་ཞེས་བྱ་བ་ཞིག་བྱུང་བར་གྱུར་ཏོ། །སྐྱེ་དགུའི་ཚེ་ལོ་སྟོང་ཞེས་བྱ་བ་ནས་དེའི་ཚེ་དེའི་དུས་ན་དགེ་བསྙེན་སྐར་མ་དྲི་མེད་དཔལ་ཞེས་བྱ་བ་དུལ་བ། གསལ་བ། འཇིགས་པ་མེད་པ། ཐོས་པ་མང་བ། འཁོར་
D230.063.0275b04.01བཞི་པོ་དག་ལ་ཆོས་སྟོན་པ། འཁོར་མང་བ། འཁོར་ཕུན་སུམ་ཚོགས་པ་ཞིག་བྱུང་བར་གྱུར་ཏོ་ཞེས་བྱ་བའི་བར་དུ་སྟེ། དེའི་བུ་ཐུ་བོ་དྲི་མེད་དཔལ་ཞེས་བྱ་བ་ཞིག་བྱུང་བ་དེས་རང་གི་ཕ་ལ་ཚིགས་སུ་བཅད་པས་སྨྲས་པ། ཡབ་ཅིག་ཅི་སླད་རང་གི་ལུས་སྲོག་བཏང་ནས་ཀྱང་། །ཞུམ་པ་
D230.063.0275b05.01མེད་པའི་སེམས་ཀྱིས་བརྩོན་ཞིང་རྩོལ་བར་མཛད། །ཡབ་ཅིག་ཚེ་འདིས་མྱ་ངན་འདས་པར་མི་གཤེགས་པར། །སེམས་ཅན་རྣམས་ལ་མཆོག་ཏུ་སྲུང་མཛད་ཤིན་ཏུ་བརྩོན། །དེས་རང་གི་བུ་དྲི་མེད་དཔལ་ལ་ཚིགས་སུ་བཅད་པས་ལན་སྨྲས་པ། སེམས་ཅན་འཁོར་བའི་སྡུག་བསྔལ་
D230.063.0275b06.01དག་གིས་རྨོངས་པ་དང་། །ལམ་ངན་ཞུགས་ཤིང་ཉོན་མོངས་པ་ཡི་མེ་འབར་བ། །རྟག་ཏུ་སྡུག་བསྔལ་དག་གིས་ཉོན་མོངས་ངས་མཐོང་ནས། །ཉོན་མོངས་པ་ཡི་མེ་དག་གསད་ཕྱིར་ང་བརྩོན་བྱེད། །ཤེས་རབ་རྣམ་པར་ཉམས་ཤིང་མཐའ་ལས་འདས་པ་དང་། །ལམ་ལས་
D230.063.0275b07.01