完整藏文原文 · 德格版页 当前仅加载第 63 函德格 293b 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་ཕ་རོལ་ལ་ལྟ་བར་གནས་པར་གྱུར་ཏོ། །སེམས་དཀོན་མཆོག་གསུམ་ལ་དད་ཅིང་། བཀུར་སྟི་དང་། བླ་མར་བྱེད་པ་དང་། རི་མོར་བྱེད་པ་དག་ཐོབ་པར་གྱུར་ཏོ། །སེམས་དུད་འགྲོར་སྐྱེ་བའི་རང་གི་སྡིག་པའི་ལས་དག་རབ་ཏུ་འཆགས་པ་དང་། སེམས་ཐེག་པ་
D230.063.0293b01.01ཆེན་པོ་བླ་ན་མེད་པ་ལ་འཇུག་པར་གནས་པར་གྱུར་ཏོ། །ཀླུ་དང་། ཀླུ་ཆེན་པོ་དེ་དག་ཐམས་ཅད་ཀྱི་ནང་ནས་མཐུ་ཅི་ཡོད་པ་དང་། ཅི་ནུས་པ་དག་གིས་དེ་ན་བཅོམ་ལྡན་འདས་ལ་མཆོད་པ་བྱ་བའི་ཕྱིར། ཁ་ཅིག་ནི་གསེར་མང་པོའི་ཆར་མངོན་པར་འབེབས་སོ། །ཁ་
D230.063.0293b02.01ཅིག་ནི་དངུལ་དང་། ཨ་ག་རུ་དང་། རྒྱ་སྤོས་དང་། གོ་ཤིརྵ་དང་། ཙན་དན་སྦྲུལ་གྱི་སྙིང་པོའི་ཕྱེ་མ་དང་། ཏ་མ་ལའི་ལོ་མའི་ཆར་དག་མངོན་པར་འབེབས་པ་ནས། ཁ་ཅིག་ནི་ཨུཏྤ་ལ་དང་། མེ་ཏོག་སྣ་ཚོགས་དང་། རས་བཅོས་བུ་སྣ་ཚོགས་དང་། གདུགས་
D230.063.0293b03.01དང་། རྒྱལ་མཚན་དང་། བ་དན་སྣ་ཚོགས་དང་། གསེར་སྐུད་དང་། མུ་ཏིག་གི་དོ་ཤལ་གྱི་བར་དག་གི་ཆར་མངོན་པར་འབེབས་སོ། །དེ་ནས་ཀླུ་དང་། ཀླུ་ཆེན་པོ་དེ་དག་ཐམས་ཅད་ཀྱིས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་
D230.063.0293b04.01ཚིག་འཐུན་པར་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ད་ལྟར་བདག་ཅག་ནི་དཀོན་མཆོག་གསུམ་ལ་སེམས་ཤིན་ཏུ་ལེགས་པར་རབ་ཏུ་ཞུགས་པ་ལགས་སོ། །བཙུན་པ་བཅོམ་ལྡན་འདས་ཀྱི་སྤྱན་སྔར་བདག་ཅག་འདི་རྣམས་ཀྱིས་དམ་བཅའ་བར་བགྱི་
D230.063.0293b05.01བ་ནི་བཙུན་པ་བཅོམ་ལྡན་འདས་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་གང་དང་གང་དག་ན་དཔལ་མེ་ཏོག་སར་པ་ཞེས་བགྱི་བའི་གཟུངས་ཆེན་པོ་འདི་རབ་ཏུ་སྒྲོགས་པ་དང་། དེ་བཞིན་དུ་གཟུངས་ལྷག་མ་ཆུ་ཁྱིམ་སྙིང་པོ་ཞེས་བགྱི་བ་དང་། མཚོན་
D230.063.0293b06.01ཆའི་སྟོབས་ཞེས་བགྱི་བ་དང་། གདུགས་དང་། རྒྱལ་མཚན་གྱི་སྨོན་ལམ་གྱི་ཚུལ་ཞེས་བགྱི་བ་དང་། ནང་གུ་དཔལ་རྡུལ་ཞེས་བགྱི་བ་དང་། དཔལ་མེ་ཏོག་སར་པ་ཞེས་བགྱི་བའི་གཟུངས་ཆེན་པོ་རྣམས་དང་། རྒྱལ་པོ་ཆེན་པོ་བཞིས་བཤད་པའི་གཟུངས་
D230.063.0293b07.01