完整藏文原文 · 德格版页 当前仅加载第 63 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་རྣམས་ཀྱི་ལོངས་སྤྱོད་དང་། ཡོ་བྱད་དེ་ལྟ་བུ་དག་འབྱུང་བ་ནི་སྔར་ཇི་སྐད་གསུངས་པ་ཡིན་ནོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་སྨོན་ལམ་འདི་ལྟ་བུར་འདེབས་པར་བྱེད་དེ། འདི་ལྟར་བདག་ཡུན་ཇི་སྲིད་དུ་ཏིང་ངེ་འཛིན་དེ་ལྟ་བུ་དང་ལྡན་པ་དེ་སྲིད་ཀྱི་
D230.063.0273a01.01བར་དུ་ཚད་བཟུང་སྟེ། སེམས་ཅན་རྣམས་ཀྱི་ལུས་ཀྱི་ནད་རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། འདུས་པ་ལས་གྱུར་པ་དང་། དེ་བཞིན་དུ་སེམས་ཀྱི་ནད་འདོད་ཆགས་དང་། ཞེ་སྡང་དང་། གཏི་མུག་ལ་སོགས་པ་དག་རབ་ཏུ་ཞི་བར་གྱུར་ཅིག །
D230.063.0273a02.01མི་དང་མི་མ་ཡིན་པའི་གནོད་པ་ལས་འབྱུང་བའི་ནད་དག་རབ་ཏུ་ཞི་བར་གྱུར་ཅིག །དགེ་བ་བཅུའི་ལས་ཀྱི་ལམ་དག་ལ་གནས་པར་གྱུར་ཅིག་ཅེས་སྨོན་ལམ་བཏབ་ནས། དེའི་རྗེས་ལ་ཏིང་ངེ་འཛིན་ལ་འཇུག་པར་བྱེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་འདི་ལྟར་ཡུན་ཇི་སྲིད་
D230.063.0273a03.01དུ་ཏིང་ངེ་འཛིན་དེ་ལྟ་བུ་དང་ལྡན་པ་དེ་སྲིད་ཀྱི་བར་དུ་ཚད་བཟུང་བའི་སེམས་ཅན་རྣམས་ཀྱི་ལུས་དང་། སེམས་ཀྱི་སྡུག་བསྔལ་གྱི་ནད་དེ་ལྟ་བུ་དག་རབ་ཏུ་ཞི་བར་བྱེད་དོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ད་སྨོན་ལམ་འདི་ལྟ་བུར་འདེབས་པར་བྱེད་དེ། བདག་ཡུན་ཇི་སྲིད་
D230.063.0273a04.01དུ་ཏིང་ངེ་འཛིན་དེ་ལྟ་བུ་དང་ལྡན་པར་གནས་པ་དེ་སྲིད་ཀྱི་བར་དུ་སེམས་ཅན་དམྱལ་བ་རྣམས་དང་། དུད་འགྲོ་རྣམས་དང་། གཤིན་རྗེའི་འཇིག་རྟེན་པ་རྣམས་ཀྱི་སྡུག་བསྔལ་དང་། བཀྲེས་པ་དང་། སྐོམ་པ་དང་། ཚ་བ་དང་། གྲང་བ་དང་། མི་སྡུག་པ་དང་ཕྲད་པ་དང་། སྡུག་པ་དང་བྲལ་བ་དང་། ངལ་
D230.063.0273a05.01བའི་སྡུག་བསྔལ་དང་། ཚོལ་ཁྲོའི་སྡུག་བསྔལ་དག་རབ་ཏུ་ཞི་བར་གྱུར་ཅིག །ཡུན་ཇི་སྲིད་དུ་ཏིང་ངེ་འཛིན་དེ་ལྟ་བུ་དང་ལྡན་པ་དེ་སྲིད་ཀྱི་བར་དུ་སེམས་ཅན་རྣམས་བརྩོན་འགྲུས་དང་ལྡན་པར་གྱུར་ཅིག །དགེ་བའི་ཆོས་ཐམས་ཅད་དང་བྲལ་བ་རྣམས་དགེ་བའི་ཆོས་ཐམས་ཅད་ལ་བརྩོན་པར་
D230.063.0273a06.01གྱུར་ཅིག །ཡུན་ཇི་སྲིད་དུ་ཏིང་ངེ་འཛིན་དེ་ལྟ་བུ་དང་ལྡན་པ་དེ་སྲིད་ཀྱི་བར་དུ་སེམས་ཅན་རྣམས་སེམས་ཅན་གཞན་དག་ལ་བྱམས་པའི་སེམས་དང་ལྡན་པ་དང་། ཕན་པའི་སེམས་དང་ལྡན་པ་དང་། མི་འཁྲུགས་པའི་སེམས་དང་ལྡན་པ་དང་། ཁོན་མེད་པའི་སེམས་དང་ལྡན་པ་དང་།
D230.063.0273a07.01