完整藏文原文 · 德格版页 当前仅加载第 63 函德格 295a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཐམས་ཅད་ཀྱིས་དགོངས་པ་དང་། བྱིན་གྱིས་བརླབས་པར་ཡང་བརྗོད་པར་བྱའོ། །འདོད་ཆགས་དང་བྲལ་བའི་ས་ལ་ཤིན་ཏུ་གནས་པར་ཡང་བརྗོད་པར་བྱའོ། །དེ་ནས་བརྒྱ་བྱིན་གཟི་བརྗིད་དྲི་མ་མེད་པ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་
D230.063.0295a01.01བཏུད་ནས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཅིའི་སླད་དུ་འཚོ་བའི་འཇིག་རྟེན་འདིར་ཀླུ་དང་། ཀླུ་ཆེན་པོ་རྣམས་སེམས་ཅན་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་དག་ལ་གནོད་པར་བགྱིད་ལགས། བཀའ་སྩལ་པ། ལྷའི་དབང་པོ་རྒྱུ་དང་།
D230.063.0295a02.01རྐྱེན་གཉིས་ཀྱིས་འཚོ་བའི་འཇིག་རྟེན་འདིར་ཀླུ་དང་། ཀླུ་ཆེན་པོ་རྣམས་སེམས་ཅན་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་དག་ལ་གནོད་པར་བྱེད་དོ། །གཉིས་གང་ཞེ་ན། འདོད་ཆགས་ཀྱི་དབང་དང་། ཁྲོ་བའི་དབང་གིས་དུས་མ་ཡིན་པའི་སྤྲིན་དག་
D230.063.0295a03.01འབྱུང་བར་བྱེད་ཅིང་རྫི་ཆར་དང་། སེར་དྲག་དག་འབེབས་པར་བྱེད་དོ། །ལྷགས་པ་དང་། ཚ་བ་དག་འབྱུང་བར་བྱེད་དོ། །དེས་ན་འདིར་སེམས་ཅན་རྣམས་ཀྱི་ས་བོན་དང་། མྱུ་གུ་དང་། འདབ་མ་དང་། མེ་ཏོག་དང་། འབྲས་བུ་དང་། འབྲུ་དང་། སྨན་དང་། རོ་
D230.063.0295a04.01དག་ཚིག་པར་བྱེད་དོ། །སྐེམས་པར་བྱེད་དོ། །འབྲུལ་བར་བྱེད་དོ། །མ་རུངས་པར་བྱེད་དོ། །དེས་ན་སེམས་ཅན་རྣམས་ལོངས་སྤྱོད་དང་། ཡོངས་སུ་སྤྱོད་པ་དང་མི་ལྡན་པས་ལུས་དང་། ངག་དང་། ཡིད་ཀྱིས་སྡིག་པའི་ལས་མི་བཟད་པ་རྣམ་པ་སྣ་
D230.063.0295a05.01ཚོགས་དག་ཀུན་ཏུ་སྤྱོད་པར་བྱེད་དོ། །ལས་ཀྱི་སྒྲིབ་པ་མི་བཟད་པ་དེས་ན་སྔོན་དགེ་བའི་རྩ་བ་བསྐྱེད་པ་ཐམས་ཅད་ཀྱང་སྲེག་པར་བྱེད་དོ། །སྐེམས་པར་བྱེད་དོ། །ཐལ་བར་རློག་པར་བྱེད་དོ། །དགེ་བའི་བཤེས་གཉེན་དག་སྤོང་ཞིང་ངན་སོང་གསུམ་པོ་དག་
D230.063.0295a06.01ལ་གཞོལ་བར་བྱེད་དོ། །ཁ་ཅིག་གོས་དང་། བཟའ་བ་དང་། བཏུང་བ་ཙམ་གྱི་ཕྱིར་ཚེ་གཅིག་གིས་དེ་ལྟ་བུར་སྡིག་པའི་ལས་མཚམས་མེད་པ་དག་གི་བར་དུ་ཀུན་ཏུ་སྤྱོད་པར་བྱེད་དེ། དེ་བསྐལ་པ་མང་པོ་ཞིག་གི་བར་དུ་ཕྱིར་མིར་སྐྱེ་བ་འཐོབ་པར་མི་འགྱུར་
D230.063.0295a07.01