完整藏文原文 · 德格版页 当前仅加载第 56 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཡུལ་འཁོར་དང་། ཕོ་བྲང་འཁོར་གང་དག་ཏུ་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པའི་གཟུངས་ཀྱི་ཕྱག་རྒྱའི་ཆོས་ཀྱི་རྣམ་གྲངས་འདི་འཆང་ངམ། ཐ་ན་གླེགས་བམ་ལ་བྲིས་ཏེ། འཆང་ངམ། ཀློག་གམ། མཆོད་དམ། བསྟི་སྟང་བགྱིད་ཅིང་།
D138.056.0265a01.01འཆང་བ་དེ་དག་ཏུ་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་འབྱུང་བ་དེ་དག་ཀྱང་། བདག་ཅག་གིས་བསྲུང་བར་བགྱི། ཡོངས་སུ་བསྐྱང་བར་བགྱི། དེ་དག་ལ་གནོད་པ་བསལ་བར་བགྱི། ཕན་པ་བསྒྲུབ་པར་བགྱིའོ། །ལྟད་མོ་དང་། བཀྲ་མི་ཤིས་པ་དང་། ལྟ་བ་ངན་པ་དང་།
D138.056.0265a02.01བྱེད་པ་ངན་པ་དང་། བྱིན་རླབས་ངན་པ་དང་། སྨོན་ལམ་ངན་པ་དང་། སྐྱབས་ངན་པ་དང་། ཚུལ་འཆོས་པ་དང་། ཁ་གསག་དང་། གཡོ་དང་། སྒྱུ་དང་། {བརྫུན་,རྫུན་}དུ་སྨྲ་བ་དང་། ཕྲག་དོག་དང་། ཁྲོ་བ་དང་། སེར་སྣ་ཐམས་ཅད་རབ་ཏུ་ཞི་བར་བགྱིའོ། །ཡང་དག་པའི་ལྟ་བའི་
D138.056.0265a03.01ལམ་དྲང་པོ་དང་། དད་པ་དང་། དུལ་བ་དང་། ཀུན་སྡོམ་པ་དང་། ངོ་ཚ་ཤེས་པ་དང་། ཁྲེལ་ཡོད་པ་ལ་གཟུད་པར་བགྱིའོ། །དེ་བཞིན་དུ་བཙུན་མོ་དམ་པ་རྣམས་དང་། བཙུན་མོའི་འཁོར་རྣམས་དང་། བློན་པོ་དང་། རྩིས་པ་ཆེན་པོ་དང་། གྲོང་རྡལ་པ་ང་། ཞོ་ཤས་འཚོ་བ་
D138.056.0265a04.01དང་། ལྗོངས་ཀྱི་མི་རྣམས་དང་། རིགས་བཞི་རྣམས་དང་། བུད་མེད་དང་། སྐྱེས་པ་དང་། ཁྱེའུ་དང་། བུ་མོ་རྣམས་ཀྱང་བསྲུང་ཞིང་བསྐྱང་བར་བགྱི་བ་ནས་ངོ་ཚ་ཤེས་པ་དང་། ཁྲེལ་ཡོད་པའི་བར་ལ་གཟུད་པར་བགྱིའོ། །ཐ་ན་ཡུལ་དེ་དག་ཏུ་རྐང་བཞི་པ་རྣམས་ཀྱང་བསྲུང་
D138.056.0265a05.01བར་བགྱིའོ། །གང་ན་ཆོས་ཀྱི་རྣམ་གྲངས་འདི་འཆད་པར་འགྱུར་བ་ནས་གླེགས་བམ་ལ་བྲིས་ཏེ། བཞག་པའི་བར་དུ་བགྱིད་ན། སེམས་ཅན་དེ་དག་ལ་བདག་ཅག་གིས་དེ་འདྲ་བའི་ནན་ཏན་ཆེན་པོ་དང་རྟུལ་བ་ཆེན་པོས་ཡོངས་སུ་བསྐྱང་བར་བགྱིའོ། །ཆོས་ཀྱི་ཚུལ་ཡང་
D138.056.0265a06.01དག་པར་བསྟན་པའི་སླད་དུ། བསྐལ་པ་མཐའ་ཡས་པར་ནན་ཏན་ཆེར་བགྱིའོ། །དེ་ནས་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་སྐྱེས་བུ་དམ་པ་དེ་དག་ལ་ལེགས་སོ་ཞེས་བྱ་བ་བྱིན་ཏེ། བཞིན་{བཟངས་,བཟང་}དག་ལེགས་སོ་ལེགས་སོ། །ཁྱེད་ཀྱིས་དེ་བཞིན་
D138.056.0265a07.01