完整藏文原文 · 德格版页 当前仅加载第 56 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དེ་ན་སེམས་ཅན་རྣམས་མེ་ཏོག་དང་། འབྲས་བུ་འཚལ་བ་དེ་ནི་བདག་གི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པའི་རྒྱུར་འགྱུར་རོ། །བཅོམ་ལྡན་འདས་དེ་ན་མེ་ཏོག་དང་འབྲས་བུ་དེ་དག་འཚལ་ནས་གང་སེམས་ཅན་དེ་དག་གཅིག་ལ་གཅིག་ཕན་པ་དང་།
D138.056.0253a01.01མཉེན་པ་དང་། སྙིང་རྗེ་བའི་སེམས་སུ་འགྱུར་བ་དེ་ནི་བདག་གི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པའི་རྒྱུར་འགྱུར་རོ། །གང་མེ་ཏོག་དང་། འབྲས་བུ་འཚལ་ནས། བརྩོན་འགྲུས་དང་ལྡན་པར་འགྱུར་བ་དེ་ནི། དེ་དག་གི་བརྩོན་
D138.056.0253a02.01འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པའི་རྒྱུར་འགྱུར་རོ། །གང་སེམས་དང་སེམས་ལས་བྱུང་བ་དག་ལ་མི་རྟག་པའི་འདུ་ཤེས་འཇུག་པ་དེ་ནི་བདག་གིས་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པའི་རྒྱུར་འགྱུར་རོ། །གང་མེ་ཏོག་དང་། འབྲས་བུ་འཚལ་
D138.056.0253a03.01ནས་ཐ་ན་བྱ་དང་{རི་དགས་,རི་དྭགས་}ཀྱང་ཆོས་འཚལ་བར་གྱུར་ཅིང་སྟོང་པ་ཉིད་ལ་གནས་ན་དེ་ནི་བདག་གི་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པའི་རྒྱུར་འགྱུར་རོ། །གཞན་ཡང་ཆོས་ཀྱི་རྣམ་གྲངས་འདི་གང་དུ་འབྱུང་བ་དེར་སེམས་ཅན་རྣམས་ཀྱི་འབྲས་དང་། གྲོ་དང་། ནས་དང་། ཏིལ་
D138.056.0253a04.01དང་། མོན་སྲན་སྡེའུ་དང་། མོན་སྲན་གྲེའུ་དང་། རྒྱ་སྲན་དང་། སྲན་ཆུང་དང་། སྲན་མ་དང་། གང་དག་ལོ་ཏོག་ཏུ་གྱུར་པ་དེ་དག་འཚལ་བའི་སླད་དུ་བདག་གིས་ནན་ཏན་ཆེར་བགྱིའོ། །འབྲུ་དང་ལོ་ཏོག་མང་པོ་དག་གིས་ཀྱང་མཛོད་དང་། བང་བ་ཐམས་ཅད་ཡོངས་སུ་བལྟམ་པར་བགྱིའོ། །
D138.056.0253a05.01དེ་ན་སེམས་ཅན་གང་ཐ་ན་བྱ་དང་{རི་དགས་,རི་དྭགས་}དག་གིས་ཀྱང་འཚལ་བར་གྱུར་ན། དེ་ནི་བདག་གི་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པའི་རྒྱུར་འགྱུར་རོ། །དེར་བདག་གི་བུ་རམ་ཤིང་དང་། རྒུན་འབྲུམ་དང་། བལ་པོ་སེའུའི་ཁུ་ཤུགས་ཤིན་ཏུ་མང་པོ་བསྒྲུབ་པར་བགྱིའོ། །དེར་
D138.056.0253a06.01བདག་གིས་སེམས་ཅན་རྣམས་ཀྱི་རྫ་མ་དང་། བུམ་པ་དང་། བྱ་སྐྱོགས་རྣམས་ཡོངས་སུ་བལྟམ་པར་བགྱིའོ། །གང་དེ་ལ་ཐ་ན་བྱ་དང་{རི་དགས་,རི་དྭགས་}ལ་སོགས་པས་འཚལ་ན་ཡང་དེ་ནི་བདག་གིས་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་ཡོངས་སུ་རྫོགས་པའི་རྒྱུར་འགྱུར་ཏེ། དེ་ལྟར་བདག་གི་ཕ་རོལ་ཏུ་
D138.056.0253a07.01