完整藏文原文 · 德格版页 当前仅加载第 56 函德格 211b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་སོ། །རེག་པ་བྱས་པས་ཤིན་ཏུ་ཆོག །རེག་པ་བྱས་པས་བདག་ཅག་བསླུས། །རེག་པ་བྱས་པས་གསོད་པ་སྟེ། །རེག་པ་བདག་གིས་མཐར་དབྱུང་ངོ་། །བདག་པོ་དག་གིས་ཤིན་ཏུ་ཆོག །བདག་པོ་དག་གིས་བདག་ཅག་བསླུས། །བདག་པོ་དག་ནི་གསོད་པ་སྟེ། །བདག་པོ་
D138.056.0211b01.01བདག་གིས་མཐར་དབྱུང་ངོ་། །འཁོར་བ་དག་གིས་ཤིན་ཏུ་ཆོག །འཁོར་བ་དག་གིས་བདག་ཅག་བསླུས། །འཁོར་བ་དག་ནི་གསོད་པ་སྟེ། །འཁོར་བ་དག་གིས་མཐར་དབྱུང་ངོ་། །སྲིད་པ་ཀུན་གྱིས་ཤིན་ཏུ་ཆོག །སྲིད་པ་ཀུན་གྱིས་བདག་ཅག་བསླུས། །སྲིད་པ་ཀུན་ནི་གསོད་
D138.056.0211b02.01པ་སྟེ། །སྲིད་པ་ཀུན་ནི་ངས་མཐར་དབྱུང་། །འདོད་པའི་དགའ་བས་ཤིན་ཏུ་ཆོག །འདོད་པའི་དགའ་བས་བདག་ཅག་བསླུས། །འདོད་པའི་དགའ་བས་གསོད་པ་སྟེ། །འདོད་པའི་དགའ་བ་ངས་མཐར་དབྱུང་། །གྲོགས་དག་ཚེ་འདི་མྱུར་འགྲོ་སྟེ། །རི་གཟར་ཆུ་དྲག་མགྱོགས་འདྲ་ན། །
D138.056.0211b03.01བྱིས་པའི་སྐྱེ་བོས་མི་ཤེས་ཏེ། །མི་མཁས་གཟུགས་ཀྱི་དྲེགས་པས་མྱོས། །དེ་བཞིན་དུ་སྦྱར་ཏེ། མི་མཁས་སྒྲ་ཡི་དྲེགས་པས་མྱོས། །མི་མཁས་དྲི་ཡི་དྲེགས་པས་མྱོས། །མི་མཁས་རོ་ཡི་དྲེགས་པས་མྱོས། །མི་མཁས་རེག་གི་དྲེགས་པས་མྱོས། །གྲོགས་དག་ཚེ་འདི་མྱུར་འགྲོ་སྟེ། །
D138.056.0211b04.01རི་གཟར་ཆུ་དྲག་མགྱོགས་འདྲ་ན། །བྱིས་པའི་སྐྱེ་བོས་མི་ཤེས་ཏེ། །མི་མཁས་ཆོས་ཀྱི་དྲེགས་པས་མྱོས། །མི་མཁས་ཕུང་པོའི་དྲེགས་པས་མྱོས། །མི་མཁས་ཁམས་ཀྱི་དྲེགས་པས་མྱོས། །མི་མཁས་ལོངས་སྤྱོད་དྲེགས་པས་མྱོས། །མི་མཁས་བདེ་བའི་དྲེགས་པས་མྱོས། །
D138.056.0211b05.01མི་མཁས་རིགས་ཀྱི་དྲེགས་པས་མྱོས། །མི་མཁས་འདོད་པའི་དྲེགས་པས་མྱོས། །གྲོགས་དག་ཚེ་འདི་མྱུར་འགྲོ་སྟེ། །རི་གཟར་ཆུ་དྲག་མགྱོགས་འདྲ་ན། །བྱིས་པའི་སྐྱེ་བོས་མི་ཤེས་ཏེ། །མི་མཁས་ཀུན་གྱི་དྲེགས་པས་མྱོས། །འདི་ལྟ་སྟེ། ཁརྒ་བ། ཁརྒ་བ། ཁརྒ་བ། མུན་ཉི་ནི།
D138.056.0211b06.01ཨཱ་བརྟ། བི་བརྟ། ཁ་བརྟེ། པྲ་མ་ཨརྛ། ཛྱོ་ཏི་ར་བརྟ་སྭ་ཧཱ། ཚེ་དང་ལྡན་པ་བྱམས་མའི་བུ་གང་པོ་རྒྱུག་ཅིང་གླུའི་དབྱངས་ཀྱིས་བདུད་ཀྱི་བུ་རྣམས་ལ་ཚིགས་སུ་བཅད་པ་འདི་དག་དང་། གསང་སྔགས་ཀྱི་ཚིག་འདི་དག་སྨྲས་པ་དང་། དེ་ནས་བདུད་གཞོན་ནུ་ལྔ་བཅུ་པོ་དེ་དག་ཤིན་ཏུ་དགའ་སྟེ།
D138.056.0211b07.01