完整藏文原文 · 德格版页 当前仅加载第 56 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
ཅི་ཞིག་དེ་རིང་འགྲོ་བ་ཞུགས་ཀྱིས་འཁྲུགས་གྱུར་ཏམ། །འོན་ཏེ་འདི་ན་ཁྱོད་དགྲ་སྟོབས་ཆེན་འགའ་ཞིག་མཆིས་ལགས་སམ། །ཅི་ཡི་སླད་དུ་ཁྱེད་ནི་དགྱེས་པར་མི་བཞུགས་ཐུགས་ངན་མཛད། །བདུད་ཀྱིས་སྨྲས་པ། ང་ལ་དགྲ་ཡོད་པ་ནི་སྟོབས་ལྡན་སེམས་ཐུལ་བ། །ས་སྟེངས་
D138.056.0192b01.01ཤཱཀྱའི་བུ་ཕོ་སྒྱུ་མ་བསླབས་པའི་བློ། །དེ་ནི་ཅི་ནས་གལ་ཏེ་བརླག་པར་མ་གྱུར་ན། །དེ་ཡིས་ང་ཡི་འདོད་ཁམས་འདི་ནི་སྟོངས་པར་བྱེད། །ལྷའི་བུ་མོས་སྨྲས་པ། གཙོ་བོ་སྲིད་གསུམ་བཅིངས་སྲེད་རྒྱ་མཚོ་མཐའ་{རིངས་,རིང་}ལ། །ཟད་བགྱིད་ནུས་པའི་སྟོབས་དང་ལྡན་པ་སུ་ཞིག་མཆིས། །
D138.056.0192b02.01བདག་པོ་ཐབས་སྟོབས་བརྩོན་འགྲུས་རྩལ་རྣམས་གང་གིས་ཀྱང་། །དེ་ལ་དེ་རིང་མ་ལུས་བགྱིད་པར་ནུས་མ་མཆིས། །བདུད་ཀྱིས་སྨྲས་པ། སྦྱིན་དང་བརྟུལ་ཞུགས་བསམ་པ་སྨོན་ལམ་སྙིང་རྗེའི་ཞགས་པ་ཅན། །སྟོང་པ་མཚན་མ་མེད་པའི་མཚོན་ཆ་མཆོག་དང་གཞུ་ཐོགས་ཏེ། །འཁོར་
D138.056.0192b03.01བ་ལས་བྱུང་རབ་ཏུ་ཞི་བའི་ལམ་དང་འཐུན་གྱུར་ནས། །སྲིད་པ་མ་ལུས་བཟློག་པ་ཉེ་བར་བསྟན་པར་བྱེད་པ་པོ། །དེ་ཡི་སློབ་མ་བསམ་གཏན་ལ་ནི་མངོན་པར་བརྩོན་ཡིད་ཀྱིས། །དབེན་པར་རྒྱུ་ཞིང་ཉེས་པ་ཟད་པར་བྱ་ཕྱིར་ཁོར་ཟུག་ཏུ། །ཆོ་ག་བཞིན་དུ་ཞུགས་ནས་གྲོང་དང་གྲོང་ཁྱེར་སྟོང་པ་དང་། །
D138.056.0192b04.01ནགས་ཀྱི་ནང་དག་དང་ནི་རི་ཡི་སྨན་ལྗོངས་རྣམས་ན་གནས། །རྫུ་འཕྲུལ་དང་ནི་སྟོབས་དང་སྙིང་རྗེའི་གྲོགས་དང་ལྡན་པ་ཡི། །དམ་པ་ཉེ་རྒྱལ་པང་ནས་སྐྱེས་གཉིས་ཐུབ་པས་བཏུལ་བར་འགྱུར། །རབ་དུལ་ཆོས་ཅན་འཇིག་རྟེན་གསུམ་ཀུན་ཆོ་ག་བཞིན་དུ་བཏུལ། །དེས་ནི་ང་ཡི་འདོད་ཁམས་
D138.056.0192b05.01འདི་དག་སྟོངས་པར་བྱེད་པར་འགྱུར། །དེ་ནས་བདུད་ཀྱི་བུ་མོ་ལྔ་བརྒྱ་པོ་དེ་དག་གིས་བདུད་སྡིག་ཅན་ལས་བཅོམ་ལྡན་འདས་ཀྱི་ཡོན་ཏན་གྱི་བསྔགས་པ་ཐོས་ནས་ཐམས་ཅད་ཀྱིས་བྱང་ཆུབ་སེམས་དཔའི་ཏིང་ངེ་འཛིན་རྣམ་པ་དང་བྲལ་བའི་གློག་ཅེས་བྱ་བ་ཐོབ་བོ། །དེ་ནས་བདུད་ཀྱི་བུ་མོ་ལྔ་བརྒྱ་པོ་དེ་དག་
D138.056.0192b06.01གིས་བཅོམ་ལྡན་འདས་ལ་མཆོད་པ་བྱ་བའི་ཕྱིར་ལྷའི་སིལ་སྙན་དང་། ལྷའི་མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། ལྷབ་ལྷུབ་དང་། སྤུད་པ་དང་། རྒྱན་དེ་དག་བཅོམ་ལྡན་འདས་ག་ལ་བ་དེ་ལོགས་སུ་གཏོར་བ་དང་། ལྷའི་མེ་ཏོག་དང་། སིལ་སྙན་ནས་རྒྱན་གྱི་
D138.056.0192b07.01