完整藏文原文 · 德格版页 当前仅加载第 56 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་བུ་དམ་པ་བདུད་ཀྱི་ཞགས་པས་མི་ཟིན་ཅིང་བདུད་ཀྱི་ལམ་ལས་ཐར་ཏེ། གསུམ་གང་ཞེ་ན། འདི་ལྟ་སྟེ། སེམས་ཅན་ཐམས་ཅད་ལ་མི་ཁྲོ་ཞིང་ཀླན་ཀ་མི་ཚོལ་བ་ཡིན། སེམས་ཅན་ཐམས་ཅད་ལ་མཚུངས་པར་སྦྱིན་གནས་སུ་འདུ་ཤེས་པ་ཡིན། ཆོས་ཐམས་ཅད་ལ་ཚུལ་གཅིག་ཏུ་
D138.056.0201b01.01ཡོངས་སུ་རྟོག་སྟེ། འདི་ལྟར་ཆོས་ཐམས་ཅད་ནམ་མཁའ་དང་མཚུངས་ཤིང་བཅོས་སུ་མེད་པ། ཐ་དད་པ་མ་ཡིན་པ། མ་སྐྱེས་པ། མ་བྱུང་བ། མ་འགག་པ་སྟེ། ཆོས་ཐམས་ཅད་ནམ་མཁའ་ལྟ་བུར་རྫས་ཀྱི་མཚན་ཉིད་དང་བྲལ་བར་མི་དམིགས་པའི་ཚུལ་གྱིས་རབ་ཏུ་རྟོག་པའོ། །
D138.056.0201b02.01རྒྱལ་པོ་ཆེན་པོ་ཆོས་གསུམ་པོ་དེ་དག་དང་ལྡན་ན་སྐྱེས་བུ་དམ་པ་བདུད་ཀྱི་ཞགས་པས་མི་ཟིན་ཅིང་བདུད་ཀྱི་ལམ་ལས་ཐར་པ་ཡིན་ནོ། །དེ་ནས་དེའི་ཚེ་རྒྱལ་པོ་ཨུད་པ་ལའི་གདོང་གི་བཙུན་མོ་དམ་པ་ལྷ་མཛེས་ཞེས་བྱ་བ་བུད་མེད་བརྒྱད་ཁྲི་བཞི་སྟོང་གིས་ཡོངས་སུ་བསྐོར་ཞིང་མདུན་དུ་བདར་ནས་དེ་
D138.056.0201b03.01བཞིན་གཤེགས་པ་འོད་ཞི་སྤོས་སྣང་དཔལ་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་དེ་བཞིན་གཤེགས་པ་འོད་ཞི་སྤོས་སྣང་དཔལ་དེ་ལ་མེ་ཏོག་སྣ་ཚོགས་ཀྱིས་གཏོར་ཏེ། ཚིགས་སུ་བཅད་པ་འདི་དག་གསོལ་ཏོ། །མི་མཉམ་ཡོན་ཏན་འཛིན་པ་རབ་རིབ་མེད་མཛད་པ། །ཇི་ལྟར་
D138.056.0201b04.01བུད་མེད་ལས་ནི་ངན་སོང་སྤངས་པ་ཡི། །སྐྱེས་པར་འདིར་འགྱུར་འཆི་འཕོ་སེལ་བ་བཀའ་སྩོལ་ཅིག །རབ་མཆོག་ཕན་པ་མཛད་པ་མྱུར་དུ་ཡིད་ཀྱང་ཐུལ། །དམ་པའི་འགྲོས་བཞུད་བདེ་གཤེགས་རབ་ཞི་དགའ་མཛད་པ། །བཅོམ་ལྡན་ཇི་ལྟ་བུར་ན་བུད་མེད་སྐྱེས་པར་འགྱུར། །འདུལ་མཆོག་གཞན་
D138.056.0201b05.01ལ་ཕན་མཛད་མྱུར་དུ་བཤད་པར་གསོལ། །བདག་གི་བློ་གྲོས་ཐིབས་པོ་འདིར་ནི་བསལ་བར་གསོལ། །འཇིག་རྟེན་འདི་ན་མི་མཉམ་མཉམ་པ་དགེ་སྦྱོང་མཆོག །རབ་གྲགས་ཡོན་ཏན་མང་པོ་དྲན་དང་འདུལ་བ་འཛིན། །ཅི་ནས་འདི་ཉིད་དུ་ནི་སྐྱེས་པར་བདག་འགྱུར་བར། །རབ་རིབ་མི་མངའ་བདེ་འགྲོ་
D138.056.0201b06.01འཆི་མེད་ལམ་མྱུར་གསུངས། །རིགས་ཀྱི་བུ་དག་དེ་སྐད་ཅེས་གསོལ་པ་དང་། དེ་བཞིན་གཤེགས་པ་འོད་ཞི་སྤོས་སྣང་དཔལ་དེས་བཙུན་མོ་དམ་པ་ལྷ་མཛེས་ལ་འདི་སྐད་ཅེས་བཀའ་སྩལ་ཏོ། །ཆེ་ཞེ་རྣམ་གྲངས་གང་གིས་བུད་མེད་དག་བུད་མེད་ཀྱི་དངོས་པོ་མྱུར་དུ་བརྗེས་ཏེ་སྔོན་འཕངས་པའི་བུད་མེད་
D138.056.0201b07.01