完整藏文原文 · 德格版页 当前仅加载第 56 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་རྣམ་པར་སྣང་བྱེད་ཀྱིས་གསོལ་པ། བཅོམ་ལྡན་འདས་གང་ན་ཐོབ་པའི་མཚན་ཉིད་ཀྱང་མ་མཆིས། མ་ཐོབ་པའི་མཚན་ཉིད་ཀྱང་མ་མཆིས། མངོན་པར་རྟོགས་པ་ཡང་མ་མཆིས། མངོན་དུ་བགྱི་བ་ཡང་མ་མཆིས། ཞི་བ་ཡང་མ་མཆིས། རབ་ཏུ་ཞི་བ་ཡང་མ་མཆིས།
D138.056.0198b01.01དུས་གསུམ་ཡང་མ་མཆིས། ཐེག་པ་གསུམ་ཡང་མ་མཆིས། སྨོན་ལམ་དང་ཡང་མཉམ་པའི་རློམ་སེམས་ཀྱང་མ་མཆིས་པ་འདི་ནི་མངོན་པར་རྫོགས་པར་འཚང་རྒྱ་བའོ། །བྱང་ཆུབ་སེམས་དཔའ་གཟུངས་ཀྱི་བློ་གྲོས་ཀྱིས་གསོལ་པ། བཅོམ་ལྡན་འདས་གང་ཁམས་གསུམ་
D138.056.0198b02.01ཡང་མ་མཆིས། ཀུན་ཏུ་སྦྱོར་བ་གསུམ་ཡང་མ་མཆིས། རིག་པ་གསུམ་ཡང་མ་མཆིས། ཐེག་པ་གསུམ་ཡང་མ་མཆིས། ཕུང་པོ་དང་། ཁམས་དང་། སྐྱེ་མཆེད་ལ་རྟོག་པ་ཡང་མ་མཆིས། རྣམ་པར་རྟོག་པ་ཡང་མ་མ་མཆིས། བྲི་བར་ཡང་མ་མཆིས། འཕེལ་བར་ཡང་
D138.056.0198b03.01མ་མཆིས་ལ། ཉམས་པར་ཡང་མི་བགྱིད་པ་འདི་ནི་མངོན་པར་རྫོགས་པར་འཚང་རྒྱ་བའོ། །བྱང་ཆུབ་སེམས་དཔའ་རྡོ་རྗེ་བློ་གྲོས་ཀྱིས་གསོལ་པ། གང་སོ་སོའི་སྐྱེ་བོའི་ཆོས་དང་། འཕགས་པའི་ཆོས་དང་། སློབ་པའི་ཆོས་དང་། མི་སློབ་པའི་ཆོས་དང་། ཉན་ཐོས་ཀྱི་ཆོས་དང་།
D138.056.0198b04.01རང་སངས་རྒྱས་ཀྱི་ཆོས་རྣམས་ལ་མི་རྟོག་རྣམ་པར་མི་རྟོག་སྟེ། མཉམ་པར་ཡང་མི་བགྱིད་པ་འདི་ནི་མངོན་པར་རྫོགས་པར་འཚང་རྒྱ་བའོ། །བྱང་ཆུབ་སེམས་དཔའ་སྲ་བའི་བློ་གྲོས་ཀྱིས་གསོལ་པ། གང་དབེན་པའི་ཚུལ་གྱིས་དེ་བཞིན་ཉིད་ལ་རྣམ་པར་དཔྱོད་ཅིང་མངོན་པར་མི་ཞེན་པ་འདི་ནི་
D138.056.0198b05.01མངོན་པར་རྫོགས་པར་འཚང་རྒྱ་བའོ། །བྱང་ཆུབ་སེམས་དཔའ་ལག་ན་རིན་པོ་ཆེས་གསོལ་པ། གང་ཆོས་ཐམས་ཅད་མི་སྐྱེ་བའི་མཚན་ཉིད་ཐོབ་པར་བགྱིད་པ་དང་། མངོན་པར་རྟོགས་པར་བགྱི་བའི་སླད་དུ་མི་རྟོག་པ་འདི་ནི་མངོན་པར་རྫོགས་པར་འཚང་རྒྱ་བའོ། །བྱང་ཆུབ་སེམས་དཔའ་
D138.056.0198b06.01བློ་གྲོས་བསམ་གྱིས་མི་ཁྱབ་པས་གསོལ་པ། གང་ཁམས་གསུམ་ལ་རྣམ་པར་སྤྱོད་ཅིང་སེམས་ཉིད་སེམས་ལ་འཇུག་པར་བགྱིད་དེ། སེམས་གཉི་ག་ལ་སེམས་ཀྱིས་རྣམ་པར་དཔྱོད་ན་མི་དམིགས་པ་འདི་ནི་མངོན་པར་རྫོགས་པར་འཚང་རྒྱ་བའོ། །བྱང་ཆུབ་སེམས་དཔའ་དགྲ་ལས་རྣམ་པར་
D138.056.0198b07.01