完整藏文原文 · 德格版页 当前仅加载第 56 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོབས་དང་ལྡན་པ། བསོད་ནམས་དང་ལྡན་པ། ཤེས་པ་དང་ལྡན་པ། དབང་ཕྱུག་དང་ལྡན་པ་ཁྱོད་ཁོ་བོའི་གྲོགས་གྱིས་དང་། ཤཱཀྱའི་བུ་དམངས་དེ་སྲོག་དང་དབྲལ་ལོ། །དེ་ལ་སེམས་ཅན་གང་དག་སྐྱབས་སུ་སོང་བ་དེ་དག་ཐམས་ཅད་ཀྱང་རྣམ་པར་གཞིག་པར་བྱའོ། །དགེ་སྦྱོང་གཡོ་སྒྱུ་
D138.056.0208b01.01ཅན་ནག་པོའི་ཕྱོགས་ཕམ་པར་བྱས་ཏེ། བདུད་ཀྱི་ཕྱོགས་དཀར་པོ་སྣང་བར་བྱས་ལ། དེ་ཕྱིན་ཆད་བདེ་བ་ལ་རེག་པར་གནས་པར་བྱའོ། །དེ་ནས་བདུད་མེ་འོད་ཅེས་བྱ་བས་འཛམ་བུའི་གླིང་འདི་གང་ན་དེ་བཞིན་གཤེགས་པ་བཞུགས་ཤིང་ཆོས་འཆད་པ་ལ་བལྟས་པ་དང་། དེ་ནས་བདུད་མེ་འོད་ཀྱིས་
D138.056.0208b02.01བཅོམ་ལྡན་འདས་ཀྱི་སྐུ་མཐོང་། སྒྲ་དབྱངས་དང་ལྡན་པའི་ཆོས་སྟོན་པ་ཐོས་སོ། །མཐོང་ནས་དེ་སྤུ་ཟིང་ཞེས་བྱེད་ཅིང་དངངས་པར་གྱུར་ཏེ། དེ་ནས་དེས་བདུད་སྡིག་ཅན་དེ་ལ་འདི་སྐད་ཅེས་སྨྲས་སོ། །མ་ལུས་ཞིང་ན་འདི་ནི་གཟུགས་བཟང་མཆོག །བསོད་ནམས་ཤེས་པས་རིང་ནས་གནས་
D138.056.0208b03.01གཙང་སྟེ། །ཉོན་མོངས་རྣམ་གྲོལ་ལམ་ལྡན་ཡུན་རིང་ལོན། །སྲིད་པ་ཀུན་ཟད་མྱ་ངན་རྣམས་ལས་ཐར། །ཁྱོད་ཀྱང་མི་རིགས་ཁྲོ་བའི་དབང་མ་འགྲོ། །གཙོ་མཆོག་འདི་ནི་སྲིད་པ་གསུམ་ན་སྐྱབས། །འདི་ལ་ཞེ་སྡང་ཅུང་ཟད་སུ་སྐྱེད་པ། །དེ་ནི་རྨོངས་ཤིང་བདེ་བ་ཉམས་པར་འགྱུར། །
D138.056.0208b04.01དེ་ནས་གཞན་ཡང་བདུད་མུ་ཁྱུད་བཟང་པོ་ཞེས་བྱ་བས་བདུད་སྡིག་ཅན་ལ་འདི་སྐད་ཅེས་སྨྲས་སོ། །དེ་ནི་འཕྲུལ་ཆེན་བསོད་ནམས་རབ་ཀྱི་མཚན། །མི་གནས་འགྲོ་བ་ཀུན་ལས་རབ་ཏུ་ཐར། །སྡུག་བསྔལ་མ་ལུས་ཟད་པའི་ལམ་སྟོན་པ། །བདུད་བརྒྱ་ཀུན་གྱིས་གཙེ་བར་བྱ་མི་ནུས། །སྡིག་ཅན་
D138.056.0208b05.01གྱིས་སྨྲས་པ། ང་ཡི་སྐྱེ་བོ་དག་ལ་དབང་བྱས་ཏེ། །ཁྱོད་ཀྱི་སྐྱེ་བོ་འདི་ཡང་དེ་དབང་འགྲོ། །དེ་ཡིས་རིང་པོར་མི་ཐོགས་ཡུལ་སྟོངས་བྱེད། །འུ་བུ་ཅག་ཀྱང་གང་དུ་འགྲོ་བར་འགྱུར། །དེ་ནས་བདུད་ནགས་ཀྱི་རྒྱལ་པོ་ཞེས་བྱ་བ་དེས་འདི་སྐད་ཅེས་སྨྲས་སོ། །ཁྱོད་ནི་རབ་ཏུ་འབྱོར་པར་གྱུར་པའི་ཚེ། །
D138.056.0208b06.01དེ་ན་ཁྱོད་ཀྱིས་རང་གི་དཔའ་བ་བསྟན། །ད་ནི་རབ་ཏུ་དཔུང་ཉམས་རེ་ཆད་ན། །དེ་རིང་ཅི་ཕྱིར་ཐམས་ཅད་མཁྱེན་ལ་སྡོ། །བདུད་རལ་གྲི་ཟླ་བ་ཞེས་བྱ་བ་དེས་འདི་སྐད་ཅེས་སྨྲས་སོ། །དེ་ནི་སུ་ལའང་ཡིད་ཀྱི་ཁྲོ་བ་མེད། །མི་གནས་དེ་ནི་བསམ་པ་ཉིད་ཀྱིས་གཙང་། །ཁམས་གསུམ་དག་ལས་
D138.056.0208b07.01