完整藏文原文 · 德格版页 当前仅加载第 56 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
བརྟེ། ཨ་ས་ར་ཁཱ་བ་སྭཱ་ཧཱ། གསང་སྔགས་འདི་ལས་གང་འདའ་ཞིང་། །མང་པོ་ཚོགས་པར་མི་སྤྱོད་ན། །མིག་མི་མཐོང་ཞིང་མགོ་ཡང་འགས། །ཡན་ལག་ཐ་དད་འཇིག་པར་འགྱུར། །འདི་ལྟ་སྟེ། ཨ་ཙ་ཙ་ཨ་བ་ཧ། ཙ་ཙ་ཙུ། ཁྲ་ཁ་ཤ་ཙ་ཊ་ཊ་ཁ་ཙ་ཙཱ་ན། ཁ་ག་ཙ་ཙ་ཙ་ཙ་ཙ་
D138.056.0245b01.01ཙ་ན་ཙ་ཧ། མཱུ་ལ་ཙ་ཙ་ཙ། མཱུ་ལ་ཙ་ཙ། ཧ་མཱུ་མུ་ལ་ཙ་ཙ་ཧ་མཱུ་ཧ་མུ། བ་ཨུ་བ་ཧ་སྭ་ཧཱ། དེ་ནས་ཚངས་པའི་དབང་པོ་ཐམས་ཅད་ནས་ཤ་ཟའི་དབང་པོའི་བར་གྱིས་ལེགས་སོ་ཞེས་བྱ་བ་བྱིན་ཏེ། འདི་སྐད་ཅེས་ཀྱང་སྨྲས་སོ། །སྟོབས་ཆེན་སྟོབས་ཀྱི་ཤུགས་ཤིན་ཏུ་འཇོམས་པའི་གསང་སྔགས་ཀྱི་ཚིག་
D138.056.0245b02.01འདི་བཤད་དེ། ཕན་པ་མ་ཡིན་པར་སེམས་པའི་འབྱུང་པོ་ཐམས་ཅད་ལ་ཞགས་པ་འདིས་བཏབ་ན་དེ་དག་འཚོ་བར་ག་ལ་འགྱུར། ཚངས་པ་ཕུན་སུམ་ཚོགས་པའི་དབང་ཕྱུག་གིས་འདི་སྐད་ཅེས་སྨྲས་སོ། །འབྱུང་པོ་གང་དག་སྡང་བའི་བསམ་པ་ཅན། སྙིང་རྗེ་མེད་པ་བྱས་པ་མི་གཟོ་བ། སེམས་
D138.056.0245b03.01ཅན་ལ་འཚེ་བ་རྣམས་སམ། བདུད་དམ། བདུད་ཀྱི་འཁོར་གླགས་ལྟ་ཞིང་སྐབས་ཚོལ་བ་རྣམས་སངས་རྒྱས་ཀྱི་བསྟན་པ་ལ་མངོན་པར་དད་པའི་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་རྣམས་ལ་སྐབས་ཚོལ་དུ་ཉེ་བར་འོང་བ་དང་། བཙུན་མོ་དམ་པ་དང་། བུ་དང་བུ་མོ་དང་། བཙུན་མོའི་འཁོར་
D138.056.0245b04.01རྣམས་དང་། བློན་པོ་དང་། ཤོར་བ་དང་། དཔུང་དམ་པ་དང་། འཁོར་རྣམས་དང་། གཞན་ཡང་སངས་རྒྱས་ཀྱི་བསྟན་པ་ལ་དད་པ་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་རྣམས་དང་། དགེ་བསྙེན་དང་། དགེ་བསྙེན་མ་དང་། ཆོས་སྨྲ་བ་དང་། ཆོས་ཉན་པ་རྣམས་དང་། དགེ་སློང་
D138.056.0245b05.01དང་། དགེ་སློང་མ་དང་བསམ་གཏན་དང་། ཁ་ཏོན་ལ་འགྲུས་པ་རྣམས་དང་། ཞལ་ཏ་བྱེད་པ་ལ་བརྩོན་པ་རྣམས་ལ་སྐབས་ཚོལ་དུ་འོང་ཞིང་ཐ་ན་སེམས་ཀྱི་སྐད་ཅིག་གཅིག་ལ་སྤུའི་ཁུང་བུ་གཅིག་ཙམ་ལ་འཚེའམ། གནོད་པར་བྱེད་དམ། འཇིགས་པར་བྱེད་དམ། མདངས་འཕྲོག་གམ། ལུས་
D138.056.0245b06.01ལ་དབུགས་གཏོང་ངམ། སྡང་བའི་སེམས་ཀྱིས་བལྟ་ན། བདུད་ནས་མི་དང་མི་མ་ཡིན་པའི་བར་ལུས་དྲི་ང་བ་དེ་དག་གི་མགོ་ཚལ་པ་བདུན་དུ་འགས་སོ། །དེ་དག་གི་མིག་ཀྱང་ལོང་བར་འགྱུར། སྙིང་ཡང་སྐམས་པར་འགྱུར། ཤ་བཀྲ་ཅན་དུ་འགྱུར། ལུས་རུལ་ཅིང་དྲི་ང་བ་དང་། རྫུ་འཕྲུལ་
D138.056.0245b07.01