完整藏文原文 · 德格版页 当前仅加载第 56 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིན་པ་དྲུག་པོ་དེ་དག་ཡོངས་སུ་རྫོགས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བགྱིས། སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ཀྱིས་བདག་གི་བྱང་ཆུབ་སེམས་དཔའི་
D138.056.0253b01.01སྤྱོད་པ་འདི་ལྟ་བུ་འདི་ལ་རྗེས་སུ་དགྱེས་པར་མཛད་དུ་གསོལ། དེ་ནས་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་ཅང་མི་གསུང་བར་གྱུར་པས་གནང་བ་མཛད་དོ། །དེ་ནས་དེ་བཞིན་གཤེགས་པ་ཡེ་ཤེས་ཏོག་ཅེས་བྱ་བས་འདི་སྐད་ཅེས་བཀའ་སྩལ་ཏོ། །སྐྱེས་བུ་དམ་པ་
D138.056.0253b02.01ཁྱོད་འདི་ལྟ་བུའི་མཐུ་ཆེན་པོ་བྱེད་ནུས་ཀྱིས། སྐྱེས་བུ་དམ་པ་ཁྱོད་ཀྱི་སྟོབས་དང་། བརྩོན་འགྲུས་དང་། སྤྲོ་བ་དང་། རྟུལ་བ་དེ་ལྟ་བུས་སེམས་ཅན་ཐམས་ཅད་གཉེར་བར་གྱིས་ཤིག །དེ་ནས་བདུད་དགེ་སྦྱོང་མེ་ཏོག་གིས། དེ་བཞིན་གཤེགས་པ་ཡེ་ཤེས་ཏོག་དེ་ལས་དབུགས་
D138.056.0253b03.01འབྱིན་པ་དེ་ཐོས་ནས་འདི་སྐད་ཅེས་གསོལ་ཏོ། །སངས་རྒྱས་བཅོམ་ལྡན་འདས་རྣམས་བདག་ལ་དགོངས་སུ་གསོལ། གང་ལ་ལ་ཞིག་ན། ཆོས་ཀྱི་རྣམ་གྲངས་འདི་མི་སྤྱོད་པ་དེར་བ་དག་མི་གནས་ཀྱི། གང་ལ་ལར་ཆོས་ཀྱི་རྣམ་གྲངས་འདི་སྤྱོད་པ་དེར་བ་དག་གནས་ཏེ། ས་ཕྱོགས་
D138.056.0253b04.01དེ་ན་འབྲུ་དང་། སྨན་དང་། འབྲས་བུ་དང་། མེ་ཏོག་གང་དག་འབྱུང་བ་དེ་དག་སེམས་ཅན་རྣམས་ཀྱི་ལོངས་སྤྱོད་དང་། ཀུན་སྤྱོད་པའི་སླད་དུ། རབ་ཏུ་སྣུམ་བག་ཅན་དང་། ཤིན་ཏུ་ཆེ་བ་དང་། ཤིན་ཏུ་མང་བ་དང་། ཤིན་ཏུ་རོ་བདའ་བ་དང་། ཤིན་ཏུ་ཡོངས་སུ་ཁ་དོག་དང་ལྡན་པར་བསྒྲུབ་པར་
D138.056.0253b05.01བགྱི། སེམས་ཅན་དེ་དག་ཀྱང་བཟའ་བ་དང་། བཏུང་བས་ཚིམ་པར་བགྱི། སེམས་ཅན་རྣམས་ཀྱི་མཛོད་དང་། བང་བ་དང་། བུམ་པ་དང་། རྫ་མ་དང་། བྱ་སྐྱོགས་རྣམས་ཤིན་ཏུ་ཡོངས་སུ་བལྟམ་པར་བགྱི། ཐ་ན་གང་བྱ་དང་། {རི་དགས་,རི་དྭགས་}ཀྱིས་དེ་ལ་འཚལ་ཀྱང་། དེ་ནི་བདག་གི་ཤེས་རབ་ཀྱི་
D138.056.0253b06.01ཕ་རོལ་ཏུ་ཕྱིན་པ་ཡོངས་སུ་རྫོགས་པའི་རྒྱུར་འགྱུར་བ་དང་། བདག་གིས་སངས་རྒྱས་ཀྱི་ཞིང་འདིར་བསྐལ་པ་སྟོང་ཐམས་ཅད་དུ། སེམས་ཅན་རྣམས་ལ་ཟས་དང་སྐོམ་གྱི་ལོངས་སྤྱོད་འདི་ལྟ་བུ་དག་གིས་ཚིམ་པར་བགྱི། དེ་བཞིན་དུ་སངས་རྒྱས་ཀྱི་ཞིང་ཀུན་ནས་ཉོན་མོངས་པ་ཅན་དུ་གྱུར་པ་སྙིགས་
D138.056.0253b07.01