完整藏文原文 · 德格版页 当前仅加载第 56 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་དངོས་པོ་མྱུར་དུ་མ་ལུས་པར་ཟད་པར་འགྱུར་ཞིང་། བླ་ན་མེད་པའི་མྱ་ངན་ལས་འདས་པ་ཆེན་པོའི་བར་དུ་རང་གི་སྨོན་ལམ་མ་གཏོགས་པར་བུད་མེད་དུ་སྐྱེ་བ་འཛིན་པར་མི་འགྱུར་བའི་རྣམ་གྲངས་ཡོད་དོ། །ཆེ་ཞེ་དེ་ལ་རྣམ་གྲངས་གང་གིས་བུད་མེད་མྱུར་དུ་སྐྱེས་པར་འགྱུར་ཞིང་།
D138.056.0202a01.01སྔོན་འཕངས་པའི་བུད་མེད་ཀྱི་དངོས་པོ་མྱུར་དུ་མ་ལུས་པར་ཟད་པར་འགྱུར་བའི་རྣམ་གྲངས་དེ་གང་ཞེ་ན། ཆེ་ཞེ་དེ་ལ་རིན་པོ་ཆེ་ཏོག་ཅེས་བྱ་བའི་གཟུངས། རྫུ་འཕྲུལ་ཆེན་མོ། ཕན་ཡོན་ཆེན་མོ། མཐུ་ཆེན་མོ་འདི་ལྟ་སྟེ། བུད་མེད་ཀྱི་དངོས་པོ་ཐམས་ཅད་ཟད་པར་བྱེད་ཅིང་ལུས་དང་། ངག་
D138.056.0202a02.01དང་། སེམས་ཀྱི་གནས་ངན་ལེན་གྱི་སྡུག་བསྔལ་རྣམ་པར་སྨིན་པ་མ་ལུས་པར་ཟད་པར་བྱེད་དོ། །རིན་པོ་ཆེའི་ཏོག་གི་གཟུངས་འདི་ཐོས་མ་ཐག་ཏུ་བུད་མེད་རྣམས་ཀྱི་བུད་མེད་ཀྱི་དངོས་པོ་མ་ལུས་པར་འགྱུར་ཏེ། བུད་མེད་ཀྱི་དབང་པོ་མི་སྣང་ཞིང་སྐྱེས་པའི་དབང་པོར་སྐྱེ་བར་འགྱུར། སྐྱེས་པ་
D138.056.0202a03.01གཟུགས་བཟང་པོ་ཡན་ལག་ཐམས་ཅད་ཚང་བར་འགྱུར། དྲང་ཞིང་ཞིབ་པ་ཤེས་པ་ལ་མཁས་པར་འགྱུར། ལུས་དང་། ངག་དང་། ཡིད་ཀྱིས་ལེགས་པར་བྱས་པའི་ལས་ཀྱི་མཐའ་དང་ལྡན་ཞིང་ལེགས་པར་སྤྱད་པ་སྤྱོད་པ་དང་། དགྲ་ཐམས་ཅད་ཐུལ་བར་འགྱུར་རོ། །གང་གི་ཚེ་འདི་དང་ཚེ་
D138.056.0202a04.01རབས་ཕྱི་མ་ལ་ལུས་དང་། ངག་དང་། ཡིད་ཀྱི་སྡུག་བསྔལ་བ་མྱོང་བར་འགྱུར་བའི་ཉེས་པར་བྱས་པའི་ལས་ཀྱི་འབྲས་བུ་རྣམ་པར་སྨིན་པ་དེ་ཡོངས་སུ་ཟད་པར་འགྱུར་ཏེ། མཚམས་མེད་པ་བྱེད་པ་དང་། དམ་པའི་ཆོས་སྤོང་བ་དང་། འཕགས་པ་ལ་སྐུར་པ་འདེབས་པ་དག་མ་གཏོགས་པར་དེ་དག་གི་
D138.056.0202a05.01བུད་མེད་ཀྱི་དངོས་པོའི་ལྷག་མ་ལུས་དེ་ཉིད་ལ་ཡོངས་སུ་ཟད་པར་འགྱུར་རོ། །ལུས་དང་། ངག་དང་། ཡིད་ཀྱི་གནས་ངན་ལེན་གྱི་རྣམ་པར་སྨིན་པ། ཚེ་གཞན་ལ་བུད་མེད་ཀྱི་དངོས་པོ་འགྲུབ་པར་བྱེད་པའི་ས་བོན་སྡུག་བསྔལ་རྣམ་པར་སྨིན་པ་མྱོང་བར་འགྱུར་བའི་ལས་ཀྱི་སྒྲིབ་པའི་ས་བོན་གྱི་རྒྱུ་
D138.056.0202a06.01འཐུན་པ་རི་རབ་ཙམ་ཡང་མ་ལུས་པར་ཡོངས་སུ་ཟད་པར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟ་སྟེ། སེམས་ཅན་རྣམས་ཀྱི་སྡུག་བསྔལ་རྣམ་པར་སྨིན་པའི་ལས་ཡོངས་སུ་ཟད་པར་བྱ་བ་དང་། དགེ་བའི་རྩ་བ་རྣམ་པར་སྤེལ་བའི་ཕྱིར་འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་
D138.056.0202a07.01