完整藏文原文 · 德格版页 当前仅加载第 56 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
བྱད་ཀྱིས་མི་བྲེལ་བར་བདག་གིས་རིམ་གྲོ་བགྱི་ན། བདག་གི་བསམ་པ་རྣམས་ཡོངས་སུ་རྫོགས་པར་དངོས་གྲུབ་སྩལ་དུ་གསོལ། དེ་ནས་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་འདི་སྐད་ཅེས་བཀའ་སྩལ་ཏོ། །སྐྱེས་བུ་དམ་པ་ཁྱོད་འདི་ལྟར་སེམས་མངོན་
D138.056.0252b01.01པར་དད་པས་སྦྱིན་པ་ཆེ་ཞིང་མཐོ་བ་བྱས་པ་དང་། སངས་རྒྱས་ཐམས་ཅད་ལ་ཁྱོད་ཀྱིས་མཆོད་པ་བྱས་པ་ལེགས་སོ་ལེགས་སོ། །ཁྱོད་ཀྱི་བྲེ་བོ་མེ་ཏོག་དང་། འབྲས་བུས་ཡོངས་སུ་གང་བ་འདི་ཡང་བཞེས་སོ། །ཁྱོད་ཀྱང་མེ་ཏོག་དང་། འབྲས་བུ་དང་། འབྲུ་དང་། ལོ་
D138.056.0252b02.01ཏོག་ལ་སོགས་པ་ཇི་ལྟར་འདོད་པ་དང་། ཇི་ཙམ་འདོད་པ་དང་། གང་གི་ཕྱིར་འདོད་པ་རྙེད་པར་གྱུར་ཅིག །ཁྱོད་ཀྱི་རེ་བ་ཡིད་ཀྱི་བརྣག་པ་ཡོངས་སུ་རྫོགས་པར་གྱུར་ཅིག །མེ་ཏོག་དང་། འབྲས་བུ་དང་། འབྲུ་ཕུན་སུམ་ཚོགས་པ་གྲུབ་པར་གྱུར་ཅིག །འབྱོར་པ་ཡང་ཕུན་སུམ་
D138.056.0252b03.01ཚོགས་པར་གྱུར་ཅིག །དེ་ནས་བདུད་དགེ་སྦྱོང་མེ་ཏོག་གིས་ཡང་གསོལ་པ། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། རི་བྲགས་གང་དག་ན་བདུད་ཀྱི་ཚོགས་ཀྱིས་མི་ཐུབ་པའི་གཟུངས་འདི་འཆང་ངམ། སྟོན་ཏམ། འཆད་དམ། གླེགས་བམ་ལ་བྲིས་ཏེ། བསྟི་
D138.056.0252b04.01སྟང་བགྱི་བའི་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། རི་བྲགས་དེ་དག་ཏུ་བདག་གནས་པར་བགྱིའོ། །དེ་དང་དེ་དག་ཏུ་ཤིང་ལྗོན་པ་རྣམས་ཀྱི་མེ་ཏོག་དང་། འབྲས་བུ་ནས་འབྲུ་དང་། ལོ་ཏོག་གི་བར་དུ་བསྒྲུབ་པར་བགྱིའོ། །དེ་དག་ཐམས་ཅད་ན་མེ་ཏོག་དང་།
D138.056.0252b05.01འབྲས་བུ་འཚལ་བའི་སེམས་ཅན་རྣམས་ཀྱང་ཚིམ་པར་བགྱིའོ། །བཅོམ་ལྡན་འདས་དེ་བས་ན། ཚེ་བས་པ་མ་གཏོགས་པར་གལ་ཏེ་དེ་ན་སེམས་ཅན་མེ་ཏོག་དང་། འབྲས་བུའི་ཟས་འཚལ་བ་འགའ་ཞིག་མེ་ཏོག་དང་འབྲས་བུའི་ཟས་མ་འཚལ་བའི་སླད་དུ། འགུམ་པའི་དུས་བགྱིད་
D138.056.0252b06.01པར་གྱུར་ན། དུས་གསུམ་དུ་གཤེགས་པའི་སངས་རྒྱས་བཅོམ་ལྡན་འདས་ཐམས་ཅད་དང་། འདུས་པ་ཆེན་པོ་མ་ལུས་པ་འདི་བདག་གིས་བསླུས་པར་གྱུར་གྱིས་བདག་ཀྱང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་མ་གྱུར་ཅིག །གང་
D138.056.0252b07.01