完整藏文原文 · 德格版页 当前仅加载第 56 函德格 222a 版页；藏文 NFD、目录标记与异常页序保留在来源切片中，重复版页行以稳定序号区分。
ནོར་བུ་དང་། མུ་ཏིག་དག་གིས་ཀྱང་ནམ་མཁའི་དཀྱིལ་ཐམས་ཅད་བརྒྱན་ཏོ། །གྲོང་ངམ། གྲོང་ཁྱེར་གྱི་ཕྱི་རོལ་ན་ཡང་ལྷ་དང་མི་རྣམས་བཅོམ་ལྡན་འདས་ལ་མཆོད་པ་བྱ་བའི་ཕྱིར་ལམ་མཛེས་པར་བྱེད་དོ། །གྲོང་ཁྱེར་གྱི་ནང་ན་བདུད་དམ་བདུད་ཀྱི་འཁོར་རྣམས་ཀྱིས་ཀྱང་བཅོམ་ལྡན་
D138.056.0222a01.01འདས་ལ་མཆོད་པ་བྱ་བའི་ཕྱིར་བཀོད་པ་དག་བཀོད་པ་བྱས་སོ། །དེ་ནས་དེའི་ཚེ་བཅོམ་ལྡན་འདས་དཔའ་བར་འགྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཏིང་ངེ་འཛིན་དེ་ལ་སྙོམས་པར་ཞུགས་བཞིན་དུ་ལམ་དུ་གཤེགས་སོ། །ཡང་དེའི་ཚེ་བཅོམ་ལྡན་འདས་སྐུའི་གཟུགས་དང་། རྟགས་དང་།
D138.056.0222a02.01སྤྱོད་ལམ་རྣམ་པ་སྣ་ཚོགས་ཀྱིས་ལམ་དེར་ཞུགས་ཏེ། དེ་ན་སེམས་ཅན་གང་དག་ཚངས་པ་ལ་དད་ཅིང་ཚངས་པས་འདུལ་བ་དེ་དག་གིས་ནི་བཅོམ་ལྡན་འདས་ཚངས་པའི་གཟུགས་སུ་ལམ་ནས་གཤེགས་པར་མཐོང་བ་ནས། གང་དག་བརྒྱ་བྱིན་གྱིས་འདུལ་བའི་བར་དང་། གང་དག་སྲེད་མེད་ཀྱི་བུས་འདུལ་བ་དང་།
D138.056.0222a03.01གང་དག་དབང་ཕྱུག་ཆེན་པོས་འདུལ་བ་དང་། གང་དག་རྒྱལ་ཆེན་བཞིའི་རིས་ཀྱིས་འདུལ་བ་དང་། གང་དག་འཁོར་ལོས་སྒྱུར་བས་འདུལ་བ་དང་། གང་དག་ཁམས་ཀྱི་རྒྱལ་ཕྲན་གྱིས་འདུལ་བ་དང་། གང་དག་རྫུ་འཕྲུལ་ཆེན་པོས་འདུལ་བ་དང་། གང་དག་དགེ་སྦྱོང་གིས་འདུལ་བ་དང་། གང་དག་གཞོན་
D138.056.0222a04.01ནུས་འདུལ་བ་དང་། གང་དག་བུད་མེད་ཀྱིས་འདུལ་བ་དང་། གང་དག་སེང་གེས་འདུལ་བ་དང་། གང་དག་གླང་པོ་ཆེས་འདུལ་བ་དང་། གང་དག་ཀླུས་འདུལ་བ་དང་། གང་དག་ལྷ་མ་ཡིན་གྱིས་འདུལ་བ་ནས། གང་དག་རི་བོང་ལ་དད་ཅིང་རི་བོང་གིས་འདུལ་བའི་བར་དེ་དག་གིས། བཅོམ་ལྡན་འདས་རི་བོང་
D138.056.0222a05.01གི་གཟུགས་དང་རྟགས་དང་། སྤྱོད་ལམ་གྱིས་ལམ་ནས་གཤེགས་པར་མཐོང་ངོ་། །སེམས་ཅན་གང་དག་སངས་རྒྱས་ཀྱིས་འདུལ་བ་དེ་དག་གིས་ནི། བཅོམ་ལྡན་འདས་སངས་རྒྱས་ཀྱི་གཟུགས་དང་། རྟགས་དང་། སྤྱོད་ལམ་གྱིས་ལམ་ནས་གཤེགས་པར་མཐོང་སྟེ། སེམས་ཅན་དེ་དག་ཐམས་
D138.056.0222a06.01ཅད་ཀྱང་ཐལ་མོ་སྦྱར་ནས་མངོན་པར་བསྟོད་ཅིང་ཕྱག་འཚལ་ཏེ། ཞབས་འབྲིང་དུ་འབྲང་ཞིང་དོང་ངོ་། །ཡང་དེའི་ཚེ་གངས་ཀྱི་རི་དང་ཉེ་བ་ན་གནས་པ་དྲང་སྲོང་སྐར་མ་ལ་དགའ་བ་ཞེས་བྱ་བ་བདུད་སྡིག་ཅན་གྱིས་བཏང་ནས། དེ་གཡོག་ལྔ་བརྒྱ་དང་རྒྱལ་པོའི་ཁབ་ཀྱི་གྲོང་ཁྱེར་ཆེན་པོའི་སྒོའི་དྲུང་ན་སྡོད་པས་
D138.056.0222a07.01