完整藏文原文 · 德格版页 当前仅加载第 56 函德格 231b 版页；藏文 NFD、目录标记与异常页序保留在来源切片中，重复版页行以稳定序号区分。
མཐུས་རིན་པོ་ཆེ་སྣ་བདུན་གྱི་ཐེམ་སྐས་མེ་ཏོག་གིས་ཀུན་ཏུ་གཡོགས་པ་མངོན་པར་སྤྲུལ་སྟེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདི་སྐད་ཅེས་གསོལ་ཏོ། །ཐམས་ཅད་མཁྱེན་པ་རྒ་ཤི་མྱ་ངན་གྱི། །འདམ་དུ་བྱིང་བའི་འཇིག་རྟེན་ཐམས་ཅད་ལ། །རབ་ཏུ་གཟིགས་ཏེ་མི་
D138.056.0231b01.01རྒྱུ་རྒྱུར་བཅས་ཀྱི། །འཇིག་རྟེན་དུ་ནི་ཆོས་ཀྱི་ཟམ་པ་ཐོགས། །ཐལ་མོ་སྦྱར་བའི་སེམས་ཅན་རྒྱ་ཆེན་བརྒྱས། །རབ་ཏུ་བལྟམ་པའི་ཞིང་ལ་གཟིགས་ནས་སུ། །ཆོས་ཀྱི་མཆོད་སྦྱིན་རབ་ཏུ་བགོ་བར་གསོལ། །རང་གི་མཐུ་རྩལ་རབ་ཏུ་བསྟན་དུ་གསོལ། །མཚུངས་པ་མེད་པའི་པད་མ་མངོན་འཛེགས་
D138.056.0231b02.01ཏེ། །མགོན་པོ་ཤེས་རབ་དང་ནི་ཐབས་རྣམས་ཀྱིས། །ཆོས་ཆུ་སྤྲིན་གྱིས་ཆར་པ་རབ་ཕོབ་ལ། །ཉོན་མོངས་གཟིར་བའི་མི་ལ་བསྟན་དུ་གསོལ། །ཕྱོགས་བཅུ་དག་གི་སངས་རྒྱས་ཐམས་ཅད་དང་། །དྲང་སྲོང་ཆེན་པོ་ཤེས་རབ་ལྡན་པ་གཞན། །ཁྱོད་ཀྱི་དཔང་དུ་དེ་དག་ཀུན་བཞུགས་ཀྱིས། །ཐུབ་
D138.056.0231b03.01པའི་དཔང་པོ་བདུད་རྣམས་ཕམ་པར་མཛོད། །ཆོས་རྣམས་སྟོང་པ་ནམ་མཁའ་ལྟ་བུ་དང་། །ངོ་བོ་ཉིད་ཀྱིས་ཡ་མ་བརླར་མཁྱེན་ནས། །སྔོན་གྱི་དམ་བཅས་རྣམས་ནི་དགོངས་མཛོད་ལ། །བླ་མེད་འཁོར་ལོ་དམ་པ་བསྐོར་དུ་གསོལ། །ཆུ་བོ་བཞི་དབུས་འཁོར་བའི་སེམས་ཅན་རྣམས། །མི་ཡི་སེང་གེ་
D138.056.0231b04.01དེ་རིང་བསྒྲལ་དུ་གསོལ། །ཁྱོད་ཀྱིས་ཆོས་རྣམས་ཤིན་ཏུ་ཐུགས་སུ་ཆུད། །སྲིད་གསུམ་མཚོ་ལས་འཇིག་རྟེན་བསྒྲལ་དུ་གསོལ། །ཤིན་ཏུ་རླབས་ཆེན་ཐུགས་མངའ་བཅོམ་ལྡན་འདས། །བདེ་བར་གཤེགས་ཀྱི་ལམ་ནི་བདེ་བ་ལ། །འགྲོ་བ་གཟུད་མཛོད་མཚུངས་མེད་ཆོས་ཀྱང་སྟོན། །འཇིག་རྟེན་
D138.056.0231b05.01ཉེས་པའི་དྲི་མ་བསལ་དུ་གསོལ། །དེ་ནས་བཅོམ་ལྡན་འདས་ཀྱིས་ཇི་ལྟ་བུར་སྤྲུལ་པའི་ཐེམ་སྐས་དེ་ལས་པད་མའི་ཁྲི་ལ་མངོན་པར་འཛེགས་ཏེ། པད་མའི་སྙིང་པོ་ལ་བཞུགས་སོ། །དེ་ནས་བཅོམ་ལྡན་འདས་ཀྱིས་ཕྱོགས་བཅུ་ཐམས་ཅད་དུ་རྣམ་པར་གཟིགས་ནས་བདུད་སྡིག་ཅན་ལ་བཀའ་སྩལ་པ། བདུད་
D138.056.0231b06.01སྡིག་ཅན་ཇི་ལྟར་ཁྱོད་ཀྱི་རྐྱེན་གྱིས་དེང་འདིར་འདུས་པ་ཆེན་པོའི་ཆོས་ཀྱི་རྣམ་གྲངས་བཤད་པས་སེམས་ཅན་གྲངས་མེད་དཔག་ཏུ་མེད་པ་དག་མངལ་ན་གནས་པ་དང་། རྒ་ཤིས་གཙེས་པ་རྣམས་ལས་རྣམ་པར་གྲོལ་བར་འགྱུར་རྣམ་པར་ཐར་བར་འགྱུར། ཆུ་བོ་བཞི་ལས་ཡང་དག་པར་རྒལ་བར་འགྱུར།
D138.056.0231b07.01