完整藏文原文 · 德格版页 当前仅加载第 14 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
བྱུག་པ་དང་། ལྷ་རྫས་ཀྱི་ཕྱེ་མ་དང་། ལྷ་རྫས་ཀྱི་བྱུག་སྤོས་དང་། ལྷ་རྫས་ཨུ་དཔལ་དང་། པདྨོ་དང་། ཀུ་མུ་ད་དང་། པུན་ད་རི་ཀ་དང་། ན་ལི་ན་དང་། སོའུ་གན་དྷི་དང་། ལྷ་རྫས་ཀྱི་མེ་ཏོག་ཀེ་ས་ར་དང་། ཏ་མ་ལའི་ལོ་མ་དང་། ལྷ་རྫས་ཀྱི་ན་བཟའ་དང་།
D8.014.0011b01.01ལྷ་རྫས་ཀྱི་རྒྱན་དང་། ལྷ་རྫས་ཀྱི་གདུགས་དང་། ལྷ་རྫས་ཀྱི་རྒྱལ་མཚན་དང་། ལྷ་རྫས་ཀྱི་བ་དན་མང་པོ་ཐོགས་ནས། བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས། མེ་ཏོག་དང་། ཕྲེང་བ་དང་། སྤོས་དང་། བྱུག་པ་དང་། ཕྱེ་མ་དང་། བྱུག་སྤོས་
D8.014.0011b02.01དང་། ཨུ་དཔལ་དང་། པདྨོ་དང་། ཀུ་མུ་ད་དང་། པུན་ད་རི་ཀ་དང་། ན་ལི་ན་དང་། སོའུ་གན་དྷི་དང་། མེ་ཏོག་ཀེ་ས་ར་དང་། ཏ་མ་ལའི་ལོ་མ་དང་། ན་བཟའ་དང་། རྒྱན་དང་། གདུགས་དང་། རྒྱལ་མཚན་དང་། ལྷའི་བ་དན་དག་གིས་བཅོམ་ལྡན་འདས་ལ་གཏོར་
D8.014.0011b03.01ཏོ། །མངོན་པར་གཏོར་ཏོ། །རབ་ཏུ་གཏོར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན། འདུལ་བ་དང་། སྣོད་དུ་གྱུར་པའི་མི་ཇི་སྙེད་ཅིག་ཡོད་པ་དེ་དག་ཀྱང་། མེ་ཏོག་ཆུ་ལས་སྐྱེས་པ་དང་། ཐང་ལས་སྐྱེས་པ་མང་པོ་ཁྱེར་ནས།
D8.014.0011b04.01བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས། བཅོམ་ལྡན་འདས་ལ་མཆོད་པ་བྱེད་པར་གྱུར་ཏོ། །མེ་ཏོག་དང་། ཕྲེང་བ་དང་། སྤོས་དང་། བྱུག་པ་དང་། ཕྱེ་མ་ལ་{སྩོགས་,སོགས་}པ་དང་། ན་བཟའ་དང་། རྒྱན་དང་། གདུགས་དང་། རྒྱལ་མཚན་དང་།
D8.014.0011b05.01བ་དན་དེ་དག་ཐམས་ཅད་ཀྱང་དེ་མ་ཐག་ཏུ་བཅོམ་ལྡན་འདས་ཀྱི་བྱིན་གྱི་བརླབས་ཀྱིས། བཅོམ་ལྡན་འདས་ཀྱི་དབུའི་སྟེང་གི་ནམ་མཁའ་ལ་མེ་ཏོག་ལ་{སྩོགས་,སོགས་}པའི་ཁང་པ་བརྩེགས་པ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཙམ་དུ་
D8.014.0011b06.01གནས་པར་གྱུར་ཏོ། །ཁང་པ་བརྩེགས་པ་དེ་ལས་ཀྱང་། ལྷ་རྫས་ཀྱི་མེ་ཏོག་དང་། དར་གྱི་ལྡ་ལྡི་མང་པོ་འཕྱང་བར་གྱུར་ཏོ། །མངོན་པར་འཕྱང་བར་གྱུར་ཏོ། །རབ་ཏུ་འཕྱང་བར་གྱུར་ཏོ། །མེ་ཏོག་དང་དར་གྱི་ལྡ་ལྡི་དེ་དག་གིས་སྟོང་གསུམ་གྱི་སྟོང་ཆེན་
D8.014.0011b07.01