完整藏文原文 · 德格版页 当前仅加载第 97 函德格 357a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་བ་མཚན་མའི་རྣལ་འབྱོར་ཅན་དེ་ཤེས་རབ་ཀྱི་ཚིག་མེད་པར་སྤྱི་ཡུད་ཙམ་ལ་ལྟོས་ནས། རྣལ་འབྱོར་གྱི་ཚུལ་བཟུང་བས། དེའི་དབང་གིས་ལོག་པའི་ཁམས་སུ་ལྟུང་བ་དེ་བཞིན་དུ་ཤེས་པར་བྱའོ། །རིགས་ཀྱི་
D830.097.0357a01.01བུ་དེ་བས་ན་ཤིན་ཏུ་གསང་བའི་ཆོས་འདི་ནི་ཤིན་ཏུ་གོལ་ས་ཆེ་བས། མཉམ་པ་ཉིད་ཀྱི་དོན་ལ་གོམས་པའི་སྒོ་ནས་སྤྱོད་ཅིག་ཅེས་གསུངས་སོ། །དེ་ནས་དེའི་ཚེ་འདུས་པའི་འཁོར་ཚོགས་རྣམས་ངོ་མཚར་བར་གྱུར། རྨད་དུ་གྱུར་ཏེ། རྨད་དུ་བྱུང་བའི་ཆོ་
D830.097.0357a02.01འཕྲུལ་རྣམ་པ་དུ་མ་སྟོན་ཅིང་། ཉེས་ལེགས་ཀྱི་ཁྱད་པར་དེ་དག་ལ་རབ་ཏུ་ངོ་མཚར་ནས། མགྲིན་གཅིག་ཏུ་འདི་སྐད་ཅེས་དམ་པའི་གླུ་འདི་བླངས་སོ། །ཨེ་མའོ་ངོ་མཚར་རྨད་ཀྱི་སྟོན་པ་གསང་མཆོག་ཀུན་དུ་བཟང་། །གསང་བ་ཀུན་གྱི་མངའ་བདག་ཡེ་
D830.097.0357a03.01ཤེས་རོལ་པའི་མཛོད། །ཀུན་ནས་ཀུན་གྱི་དབང་བསྐུར་དམ་པའི་བདག་ཁྱོད་བཞུགས། །ཡིད་དང་འཐད་པའི་བླ་མ་ཁྱོད་ལ་ཕྱག་འཚལ་འདུད། །གསང་སྔགས་ཡོན་ཏན་རྒྱ་མཚོ་གྲངས་མང་བསམ་ཡས་ཀྱང་། །གཞུང་དང་འགལ་
D830.097.0357a04.01བྱས་སྣོད་ངན་སྐྱོན་ཉིད་ལྷུང་གནས་མང་པོ་བརྗོད་མི་ལང་། །ལེགས་དང་ཉེས་པའི་འབྲས་བུ་རྣམ་སྨིན་དེ་ཉིད་ཀྱིས་རབ་གསུངས་པ། །བདག་ཅག་འཁོར་ཚོགས་དགའ་སྤྲོ་གསང་ཉིད་དོན་ལ་འཇུག་ཅེས་དམ་པར་གྱུར། །ཨ་ལ་ལ་ཧོ་ཞེས་
D830.097.0357a05.01བྱ་བའི་གླུ་འདིས་མཉེས་པར་བྱས་སོ། །དེ་ནས་སྨྲ་བའི་སེང་གེས་ཕྱག་རྣལ་འབྱོར་གྱི་ལུགས་སུ་བྱས་ཏེ། མཆོད་པ་རྒྱས་པ་དེ་ཁོ་ན་ཉིད་ཀྱིས་མཆོད་དེ། གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
D830.097.0357a06.01གསང་བ་མཆོག་གི་བདག་པོ། གསང་བའི་ཐེག་པ་འདི་བདག་ཅག་འཁོར་དང་བཅས་པ་རྣམས་ལ་བསྒོ་བར་གསོལ། ཅི་ནས་ཀྱང་མ་འོངས་པའི་གང་ཟག་རྣལ་འབྱོར་པ་རྣམས་ལ་ཕན་གདགས་པའི་ཕྱིར་ནན་ཏན་བགྱི་བ་བསྒོ་བར་གསོལ།
D830.097.0357a07.01