完整藏文原文 · 德格版页 当前仅加载第 97 函德格 313a 版页；藏文 NFD、目录标记与异常页序保留在来源切片中，重复版页行以稳定序号区分。
ཞགས་པའི་རྒྱ། །མཛུབ་གཉིས་འཁྱུད་པ་ལུ་གུ་རྒྱུད། །བསྐྱོད་པར་གྱུར་པ་འབེབས་མའོ། །པི་བང་ལེན་པ་ལྷ་ཡི་རྒྱ། །མི་ཡི་གསེག་པར་འཛིན་པ་སྟེ། །ལྷ་མིན་ཕྱག་རྒྱ་གོ་ཆ་ཡིན། །ཆོས་ཀྱི་དཀྱིལ་འཁོར་བྱོལ་སོང་རྒྱ། །ཟ་མ་ཏོག་ནི་ཡི་
D830.097.0313a01.01དགས་རྒྱ། །མེ་ཆུ་གཉིས་ནི་དམྱལ་བའི་རྒྱ། །ཡབ་ཀྱི་སྤྱི་རྒྱ་ཀུན་བཟང་གིའོ། །ཡུམ་གྱི་སྤྱི་རྒྱ་བཟང་མོར་བཤད། །ཡང་ན་ཀུན་བཟང་ཡབ་ཡུམ་གྱི། །རྡོ་རྗེ་ཐལ་མོ་གཉིས་སུ་བཤད། །བདེར་གཤེགས་རྣམས་ལ་རྫོགས་དཀྱིལ་ལོ། །སེམས་དཔའ་
D830.097.0313a02.01རྣམས་ལ་སེམས་དཔའི་དཀྱིལ། །འཇོམས་དང་ཐུབ་པ་ལངས་ཏེ་བཅིང་། །ཞེས་གསུངས་སོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་ཕྱག་རྒྱའི་མཚན་ཉིད་བཤད་པའི་ལེའུ་སྟེ་བརྒྱད་པའོ།། །།དེ་
D830.097.0313a03.01ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་གསང་བ་མཆོག་གི་བདག་པོ་ཧེ་རུ་ཀ་རྣམས་ཀྱི་དཀྱིལ་འཁོར་ཇི་ལྟ་བུ་ལགས་པ་བདག་ཅག་རྣམས་ལ་བཤད་དུ་གསོལ། གསང་བ་མཆོག་གི་བདག་
D830.097.0313a04.01པོས་བཤད་དུ་གསོལ་ཞེས་གསོལ་བ་བཏབ་པ་ལས། བཅོམ་ལྡན་འདས་གསང་བ་མཆོག་གི་བདག་པོ་དེས་དེ་བཞིན་གཤེགས་པ་ཐམས་ཅད་ཀྱི་ཁྲོ་བོ་རྣམ་པར་འཕྲོ་བའི་རྒྱལ་པོ་ཡེ་ཤེས་རྔམ་པ་གློག་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ།
D830.097.0313a05.01ཉིད་ཀྱི་སྐུ་ཁྲོ་བོ་ཆེན་པོར་འདུ་མཛད་དེ། དེ་ཅིའི་ཕྱིར་ཞེ་ན། འཇིག་རྟེན་ན་དྲེགས་པ་ཆེན་པོ་ལ་སོགས་པ་གདུག་པའི་དབང་དུ་འགྲོ་བ་རྣམས་གྱུར་ཏེ། ཁམས་གསུམ་འདི་ན་དེ་བཞིན་གཤེགས་པ་གསུང་རབ་ཟེར་བར་སྟོན་པ་དང་། འཇུག་པ་དང་། བསྟན་པ་
D830.097.0313a06.01ལ་གནས་ཤིང་དཀོན་མཆོག་གསུམ་ལ་འཇུག་པ་ནི་འགའ་ཡང་མེད། ཁྲོས་པས་གཏུམ་པོ་རབ་ཏུ་གདུག་པའི་སེམས་དང་། འདོད་ཆགས་ཞེ་སྡང་གཏི་མུག་གིས་བསྒྲིབས་པ་གཏུམ་ཞིང་འཁྲུག་པ་དང་། གཞན་གྱི་སྲོག་དང་སེམས་འཕྲོག་པ་དང་། མི་དགེ་བ་
D830.097.0313a07.01