完整藏文原文 · 德格版页 当前仅加载第 97 函德格 324a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ཟླ་གམ་ནི། །ནམ་མཁའི་དབྱིངས་ཀྱི་དབུས་སུ་བསམ། །རྡོ་རྗེ་ཆོས་མཆོག་གཟུགས་སུ་བསམ། །སྙིང་གར་ཟླ་བའི་དཀྱིལ་འཁོར་ལ། །ཉིད་ཀྱི་སྙིང་པོ་བསམ་པར་བྱ། །རྒྱལ་བ་སྲས་དང་བཅས་རྣམས་ཀྱིས། །མཁའ་དབྱིངས་
D830.097.0324a01.01ཐམས་ཅད་གང་བར་བསྒོམ། །འོད་ཟེར་སྣ་ལྔ་འཕྲོས་པ་ཡིས། །འདོད་པ་ལ་ནི་དབབ་པར་བྱ། །དེ་ནས་བསྡུས་ཏེ་བདག་ཉིད་ཀྱིས། །སྐུ་གསུང་ཐུགས་ཀྱི་བྱིན་བསྡུས་ན། །སངས་རྒྱས་ཉིད་ཀྱང་དབང་འདུ་ན། །འགྲོ་བ་དབང་མེད་སྨོས་ཅི་དགོས། །ཞེས་གསུངས་སོ། །
D830.097.0324a02.01དེ་ལ་འདི་ནི་རྡོ་རྗེ་དྲག་པོ་བསྒྲུབ་པའི་ཐབས་སོ། །ནམ་མཁའ་དབྱིངས་ཀྱི་དབུས་སུ་ནི། །ཉི་མའི་དཀྱིལ་འཁོར་སྟེང་དུ་ནི། །ཁྲོས་པའི་གཟུགས་རྣམས་བསྒོམ་བྱ་སྟེ། །བསྐལ་པའི་མེ་དཔུང་འཕྲོས་པ་ལས། །ཁྲོས་པའི་རྡོ་རྗེ་སྲིན་པོ་དང་། །སྣ་ཚོགས་ཝ་དང་བྱ་
D830.097.0324a03.01རོག་དང་། །བྱ་རྒོད་ཁྱི་ལ་སོགས་པ་ཡི། །ཕྲ་མེན་བསམ་ཡས་མི་བཟད་པས། །མཁའ་དབྱིངས་གང་བར་བསྒོམས་ནས་སུ། །སངས་རྒྱས་ཀུན་ལ་གནོད་བྱེད་ན། །དངོས་སམ་ཡང་ན་བསམས་ནས་ཀྱང་། །མཚོན་ཆ་ཐོགས་པ་དེ་དག་གིས། །སྙིང་དང་
D830.097.0324a04.01ནང་གྲོལ་དབང་པོ་ཀུན། །དྲངས་ཏེ་ཟོས་པར་རབ་བསྒོམས་ན། །དགྲ་རྣམས་འཆི་བར་ངེས་པ་སྟེ། །དེ་ལྟར་རབ་ཏུ་བསྒོམས་ན་ནི། །རྒྱལ་བ་རྡོ་རྗེ་འཛིན་པ་ཡང་། །ཟླ་བ་ཕྱེད་ཀྱིས་འཆི་འགྱུར་ན། །དམ་ཚིག་ཉམས་པ་སྨོས་ཅི་དགོས། །ཞེས་གསུངས་སོ། །དེ་ལ་འདི་ནི་
D830.097.0324a05.01སྐྱེ་འགྲོ་འདུལ་བའི་ཕུར་བུ་བསྒྲུབ་པའི་ཐབས་སོ། །སྡིག་པ་བྱེད་དམ་གནོད་བྱེད་པ། །རྡོ་རྗེ་ཕུར་བུས་གདུལ་བར་བྱ། །དུར་ཁྲོད་གནས་སམ་རྐང་གཅིག་ཏུ། །བདུད་རྩི་འཁྱིལ་པའམ་ཀི་ལིའམ། །གང་ཡང་རུང་བར་གནས་བྱས་ལ། །རྡོ་རྗེ་ཕུར་བུ་རབ་ཏུ་བསྒོམ། །
D830.097.0324a06.01མེ་སྟག་འཕྲོ་བའི་འོད་འཕྲོ་བས། །རི་རབ་གླིང་བཞིའི་གཟུགས་བྱས་ལ། །རང་གི་སྔགས་ཀྱིས་གདབ་པར་བྱ། །དེ་ལྟར་རབ་ཏུ་གདབ་བྱས་ན། །འགྲོ་དང་མི་འགྲོ་ཐམས་ཅད་ཀུན། །དུལ་བར་གྱུར་པར་གདོན་མི་ཟ། །ཞེས་གསུངས་སོ། །དེ་ལ་འདི་ནི་གཞན་གྱི་རིག་
D830.097.0324a07.01