完整藏文原文 · 德格版页 当前仅加载第 97 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་ཀྱི་དངོས་གྲུབ་དང་། གསང་སྔགས་ཀྱི་གྲུབ་པའི་གནས་དང་། གསང་སྔགས་ཀྱི་བཟླས་པ་དང་། གསང་སྔགས་ཀྱི་ཕྱག་རྒྱ་དང་། གསང་སྔགས་ཀྱི་ཏིང་ངེ་འཛིན་དང་། གསང་སྔགས་ཀྱི་ལྟ་བ་དང་། གསང་སྔགས་ཀྱི་ཆོ་འཕྲུལ་ལོ། །སྨྲ་བའི་སེང་
D830.097.0298b01.01གེ་དེ་དག་གི་དཔེར་བརྗོད་པ་ཡང་རྣམ་པ་བཅུ་སྟེ། སྒྱུ་མ་དང་། སྨིག་རྒྱུ་དང་། རྨི་ལམ་དང་། གཟུགས་བརྙན་དང་། དྲི་ཟའི་གྲོང་ཁྱེར་དང་། བྲག་ཅ་དང་། ཆུ་ཟླ་དང་། ཆུའི་ཆུ་བུར་དང་། མིག་འཁྲུལ་དང་། མགལ་མེ་བསྐོར་བ་ལྟ་བུའི་རྣམ་པར་སྣང་ངོ་། །སྨྲ་བའི་
D830.097.0298b02.01སེང་གེ་དེ་ཡང་ཇི་ལྟ་ཞེ་ན། སྒྱུ་མ་ཞེས་བྱ་བའི་མཚན་ཉིད་ནི་སྐྱེས་བུའི་རྩོལ་བ་དང་། སྨན་དང་སྦྱོར་སྔགས་ཀྱི་སྦྱོར་བ་ལས། དབང་པོའི་ཡིད་འཕྲོག་པའི་རྣམ་པ་ཅིར་ཡང་སྣང་ཡང་སླུ་བའི་བདག་ཉིད་ཅན་དེ་སྣང་བ་མེད་དོ། །དེ་བཞིན་དུ་གསང་སྔགས་སྒྲུབ་པའི་
D830.097.0298b03.01མཚན་ཉིད་ཀྱང་ཏིང་ངེ་འཛིན་དང་ཡིག་འབྲུ་དང་རྫས་ཀྱི་སྦྱོར་བ་ལས་གྲུབ་པའི་རྟགས་དག་སྣང་ཡང་དེ་ལ་རང་བཞིན་མེད་དོ། །སྨིག་རྒྱུ་ཞེས་བྱ་བའི་མཚན་ཉིད་ཀྱང་འགྲོ་བ་སྐོམ་གྱིས་གདུངས་པའི་དུས་སུ་ཉི་མ་དྲོ་བ་ལས་སྨིག་རྒྱུ་ལ་ཆུར་མཐོང་ཡང་དེ་ལ་ཆུའི་རང་
D830.097.0298b04.01བཞིན་མེད་དོ། །དེ་བཞིན་དུ་གསང་སྔགས་མིང་གི་ཁྱད་པར་ཡང་གདགས་པའི་གཞི་མེད་པ་ལ་མིང་དང་ཐ་སྙད་བཏགས་པ་ཡང་མིང་ཉིད་དམིགས་སུ་ག་ལ་ཡོད། རྨི་ལམ་ཞེས་བྱ་བའི་མཚན་ཉིད་ནི་སྐྱེས་བུ་གཉིད་ལོག་པའི་ཚེ་བདེ་སྡུག་གི་རྣམ་པ་མང་པོ་རྨིས་
D830.097.0298b05.01ཀྱང་སངས་ནས་ཅི་ཡང་དམིགས་སུ་མེད་དོ། །དེ་བཞིན་དུ་གསང་སྔགས་ཀྱི་སྤྱོད་པ་ཡང་ཇི་ལྟར་སྤྱད་ན་ཡང་སྤྱད་པའི་དམིགས་པ་ཀུན་དང་བྲལ་ལོ། །གཟུགས་བརྙན་ཞེས་བྱ་བའི་མཚན་ཉིད་ཀྱང་ཆུའམ་མེ་ལོང་ངམ་འབྲུ་མར་ལ་བརྟེན་ནས་བཞིན་གྱི་གཟུགས་
D830.097.0298b06.01སུ་སྣང་ཡང་བཞིན་དེ་ཉིད་དུ་འཕོས་པ་མེད་དོ། །དེ་བཞིན་དུ་གསང་སྔགས་ཀྱི་དངོས་གྲུབ་ཀྱང་བསྒྲུབ་པ་དང་། ཏིང་ངེ་འཛིན་དང་། ཡོ་བྱད་ལ་བརྟེན་ནས་འབྱུང་ཡང་དམིགས་པ་དང་བྲལ་ལོ། །དྲི་ཟའི་གྲོང་ཁྱེར་ཞེས་བྱ་བའི་མཚན་ཉིད་ནི་བར་སྣང་ན་དྲི་ཟ་གང་ན་
D830.097.0298b07.01