完整藏文原文 · 德格版页 当前仅加载第 97 函德格 336a 版页；藏文 NFD、目录标记与异常页序保留在来源切片中，重复版页行以稳定序号区分。
དམ་ཚིག་ཡིན་པར་གསུངས། །དེ་ལ་འདི་ནི་དམ་ཚིག་ཉམས་པ་ལྟུང་བའི་གནས་སོ། །རྩ་བ་ཉམས་པའི་སྐྱོན་ཆེན་ཡང་། །བསྐལ་པ་གྲངས་མེད་བགྲངས་པར་ཡང་། །དམྱལ་བའི་གནས་སུ་ལྟུང་བར་འགྱུར། །རྡོ་རྗེ་བླ་མའི་སྐུ་སྨད་ན། །
D830.097.0336a01.01དུས་གསུམ་སངས་རྒྱས་བརྙས་པ་ཡིན། །བྱང་ཆུབ་སེམས་ལ་སྐུར་པས་ན། །དེ་ཡི་སྡིག་པ་བརྗོད་མི་ལང་། །དཔེར་ན་འཇིག་རྟེན་ས་ཡི་རྡུལ། །གྲངས་ཀྱིས་བགྲང་བར་ཤེས་ཀྱང་སྲིད། །རྒྱ་མཚོ་ཆེན་པོའི་ཆུ་ཐིགས་ཀྱང་། །གྲངས་ཀྱིས་བགྲང་ཞིང་ཤེས་སུ་
D830.097.0336a02.01རུང་། །འདི་ཡི་སྡིག་པ་བརྗོད་མི་ནུས། །ཤིན་ཏུ་མི་བཟད་སྡུག་བསྔལ་ལས། །ཐར་བར་ནམས་ཀྱང་མི་འགྱུར་ཏེ། །སྲིད་གསུམ་སེམས་ཅན་གསད་པས་ནི། །བླ་མའི་བཀའ་བཅག་ཆར་མི་ཕོད། །རྡོ་རྗེ་སྤུན་ལ་སྨད་པ་ནི། །ཉམས་པའི་སྐྱོན་ཡང་བརྗོད་
D830.097.0336a03.01པར་དཀའ། །བསྐལ་པ་གཅིག་གི་བར་དག་ཏུ། །དམྱལ་བ་ཆེན་པོར་ལྟུང་བར་འགྱུར། །ཚེ་འདིར་བསྒྲུབ་པ་ལོག་པ་དང་། །འབད་པའི་འབྲས་བུ་མེད་པར་འགྱུར། །གསུང་གི་དམ་ཚིག་ཉམས་གྱུར་ན། །དབྱིངས་དང་རྣམ་པར་ཐར་པ་ཡི། །སྒོ་རྣམས་ཉམས་
D830.097.0336a04.01པར་གྱུར་པས་ན། །བསྒྲུབ་པ་ཐམས་ཅད་ལོག་པར་འགྱུར། །{ཡི་དགས་,ཡི་དྭགས་}གནས་སུ་ཡུན་རིང་སྟེ། །ལྐུགས་པའི་གནས་སུ་གྱུར་པ་ཡིན། །ཐུགས་ཀྱི་དམ་ཚིག་ཉམས་གྱུར་ན། །{ཡི་དགས་,ཡི་དྭགས་}ཀྱི་ནི་ལུས་སུ་སྐྱེ། །ཐོང་གཤོལ་འབར་བ་ལྔ་བརྒྱ་ཡིས། །དེ་ཡི་ལྕེ་
D830.097.0336a05.01ལ་གཤོག་པར་བྱེད། །བསྐལ་པ་དུ་མར་མྱོང་བ་དང་། །དངོས་གྲུབ་འབྲས་བུ་མེད་པར་འགྱུར། །མདོར་ན་རྩ་བ་ཉམས་གྱུར་ན། །འབྲས་བུ་མེད་ཅིང་ངན་སོང་ལྟུང་། །རྡོ་རྗེ་སེམས་དཔའ་བདག་ཉིད་ཀྱང་། །དེ་ཡི་སྙིང་ཁྲག་འཐུང་བར་ངེས། །མི་སྤོང་དམ་ཚིག་
D830.097.0336a06.01ཉམས་གྱུར་ན། །དངོས་གྲུབ་ཐམས་ཅད་སྤངས་པར་འགྱུར། །མི་དོར་དམ་ཚིག་ཉམས་གྱུར་ན། །དངོས་གྲུབ་འབྲས་བུ་མི་འཐོབ་ཅིང་། །{ཡི་དགས་,ཡི་དྭགས་}སྤྲེའུའི་གནས་སུ་སྐྱེ། །སྤྱད་པའི་དམ་ཚིག་ཉམས་གྱུར་ན། །འདུ་ཤེས་མེད་པའི་འགོག་པར་ལྟུང་། །ཤེས་
D830.097.0336a07.01