完整藏文原文 · 德格版页 当前仅加载第 97 函德格 339b 版页；藏文 NFD、目录标记与异常页序保留在来源切片中，重复版页行以稳定序号区分。
དྲུག་ཟུར་བརྒྱ་དམ། །པདྨ་འམ་རིན་ཆེན་དབྱིབས་འདྲ་བ། །རྒྱས་པའི་ལས་ལ་ཤིས་པའོ། །ཟླ་བ་ཁམ་དང་གཞུ་ཡི་དབྱིབས། །པདྨོ་སྨྱུང་པོའམ་མཁའ་འདྲ་བ། །དབང་དུ་བྱ་བའི་ལས་ཡིན་ནོ། །གྲུ་གསུམ་མམ་ནི་གྲུ་ཆད་དམ། །རྡོ་རྗེའི་དབྱིབས་དང་མདའ་
D830.097.0339b01.01འདྲ་བར། །བྱས་པ་རྡོ་རྗེ་དྲག་པོ་ལའོ། །དཀར་པོ་ཞི་བ་སེར་པོ་རྒྱས། །དམར་པོ་དབང་ལ་ནག་པོ་དྲག །ལྗང་གུ་སྤྱི་ཡི་ལས་སུ་གསུངས། །སེར་སྐྱ་ཞི་རྒྱས་ལས་ཡིན་ཏེ། །དམར་སྐྱ་ཞི་བ་དབང་གི་ལས། །སྔོ་སྐྱ་ཞི་བ་དྲག་པོའི་ལས། །རྒྱས་དང་དབང་དང་དྲག་
D830.097.0339b02.01པོ་ལའང་། །ཞི་བའི་ཚུལ་དུ་སྦྱར་བར་བྱ། །དེས་ན་ལས་རྣམས་རེ་རེ་ལའང་། །བཞི་བཞི་དག་ཏུ་རྒྱལ་བས་གསུངས། །ཟླུམ་པོའི་ཐབ་ཁུང་རྡོ་རྗེ་ཡིས། །བརྒྱན་པ་ཞི་བའི་དཀྱིལ་འཁོར་ཡིན། །པདྨ་གྲུ་བཞི་རིན་པོ་ཆེས། །བརྒྱན་པ་རྒྱས་པའི་ལས་སུ་ཤིས། །
D830.097.0339b03.01ཟླ་གམ་ཁུང་བུ་མདའ་གཞུས་བརྒྱན། །དབང་དུ་བསྡུ་བའི་དཀྱིལ་འཁོར་ཡིན། །གྲུ་གསུམ་རྩང་ཐོད་ཀྱིས་བརྒྱན་པ། །དྲག་པོ་སྤྱོད་པའི་དཀྱིལ་འཁོར་ཡིན། །ལྗོན་པ་མ་དང་ལྕུག་ཕྲན་མ། །སྡོད་ཅིག་མ་དང་མེ་རེག་མ། །སྤྱན་དང་མཱ་མ་གོས་དཀར་སྒྲོལ། །བྱིན་
D830.097.0339b04.01གྱིས་བརླབ་པའི་གནས་བྱས་ཏེ། །དད་བྱམས་སྙིང་རྗེ་དང་བ་དང་། །དགའ་ཆགས་བཏང་སྙོམས་ཁྲོས་པ་ཡི། །ཏིང་འཛིན་དག་གིས་ཞི་དང་རྒྱས། །དབང་དྲག་སོ་སོའི་འཕྲོ་འདུ་བྱ། །བྱང་དུ་བལྟས་ཏེ་ཞི་བ་བྱ། །རྒྱས་པའི་ཚེ་ན་ཤར་དུ་བལྟ། །དབང་ལ་ནུབ་ཏུ་
D830.097.0339b05.01དྲག་པོ་ལྷོ། །ཞི་བ་ཀུ་ཤའི་ཁྲི་སྟེངས་སུ། །རྫོགས་པའི་སྐྱིལ་མོ་ཀྲུང་དུ་གནས། །པདྨའི་སྟེང་དུ་སེམས་དཔའ་ཡི། །སྐྱིལ་མོ་ཀྲུང་གིས་རྒྱས་པར་བྱ། །ཁྲི་སྟེང་དག་ཏུ་ཕྱེད་སྐྱིལ་གྱིས། །དབང་དུ་བསྡུ་བའི་ལས་བྱའོ། །ས་གཞི་གྲུ་གསུམ་ཉིད་ལ་ནི། །རུས་
D830.097.0339b06.01སྦལ་གྱི་ནི་རྒྱས་བཏབ་ཀྱིས། །མངོན་པར་སྤྱོད་པ་བརྩོན་པར་བྱ། །ཟླུམ་པོ་གྲུ་བཞི་ཟླ་གམ་དང་། །ཟུར་གསུམ་ཐོ་བའི་གཏུན་ཚོགས་ཀྱིས། །ལས་བཞི་ཡུམ་གྱི་གཏུན་ཁུང་དུ། །གཏི་མུག་ང་རྒྱལ་འདོད་ཆགས་དང་། །ཞེ་སྡང་མཚན་མ་རྡུལ་དུ་བརྡུང་། །
D830.097.0339b07.01