完整藏文原文 · 德格版页 当前仅加载第 97 函德格 343a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ལྟ་བུ་མངོན་དུ་ཕྱུང་སྟེ་ཆོ་འཕྲུལ་རྣམ་པར་འཕྲུལ་པས་སྣོད་བཅུད་དང་སའི་ཁྱད་པར་ཐམས་ཅད་ལ་སྣང་བར་མཛད་པའོ། །དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་མཆོད་པ་རྒྱས་པ་དེ་ཁོ་ན་ཉིད་ཀྱིས་མངོན་པར་མཆོད་དེ་བརྐྱང་
D830.097.0343a01.01ཕྱག་འཚལ་ནས་གསོལ་བ་བཏབ་པ། ཨེ་མའོ་གསང་མཆོག་དག་པའི་བདག །ཡེ་ཤེས་ཤེས་བགྱི་ཇི་ལྟར་ལགས། །རྔམ་པ་ཞེས་ནི་གང་ལ་བགྱི། །གློག་ཕྲེང་ཞེས་པ་ཇི་ལྟར་ལགས། །འཁོར་ལོ་ཞེས་པ་ཇི་ལྟ་བུ། །མདོ་ཡི་དོན་ནི་ཇི་ལྟར་ལགས། །
D830.097.0343a02.01བཅོམ་ལྡན་འདས་ཀྱིས་བཤད་དུ་གསོལ། །ཞེས་གསོལ་བ་བཏབ་པ། གསང་བ་མཆོག་གི་བདག་པོས་གསོལ་བ་བཏབ་པ་ཐུགས་སུ་ཆུད་ནས་ཡེ་ཤེས་སྙིང་པོ་ཅན་རྣམས་ཉོན་ཅིག །ཡེ་ཤེས་ཡེ་ཤེས་ཞེས་བྱ་བ། །ཤེས་དང་ཤེས་བྱ་ཐ་དད་མིན། །རིག་
D830.097.0343a03.01པའི་ངོ་བོ་རྣམ་པ་ལྔ། །སྟོང་ཉིད་སྙིང་རྗེ་དབྱེར་མེད་པས། །བྱང་ཆུབ་སེམས་སུ་རྒྱལ་བས་གསུངས། །དྲེགས་པ་འདུལ་ཞིང་ནན་ཐུར་གྱིས། །ཐོགས་ཆགས་མེད་པའི་བརྟུལ་ཞུགས་པས། །སྔགས་སྤྱོད་རྔམ་པའི་ཁྱད་པར་དེ། །རྔམ་པས་རྔམ་པའི་མཚན་
D830.097.0343a04.01ཉིད་ཡིན། །གློག་ནི་མྱུར་དུ་འཇུག་པའི་ཕྱིར། །འཇུག་པའི་ཡན་ལག་བཞི་དག་དང་། །སྡོམ་དང་ལས་བཞིའི་ཁྱད་པར་གྱིས། །དངོས་གྲུབ་ལས་ལ་མྱུར་འཇུག་པའོ། །རང་བཞིན་ཏིང་འཛིན་གཟུགས་བརྙན་དང་། །ཕྱག་རྒྱ་དངོས་གྲུབ་འབྲེལ་བཅས་
D830.097.0343a05.01ནི། །འཁོར་ལོ་ཞེས་སུ་རྒྱལ་བས་གསུངས། །དེ་བས་མིང་ནི་དོན་མཐུན་གྲགས། །རིག་ཅིང་གསལ་བའི་ངོ་བོ་པས། །ཡེ་ཤེས་ཞེས་སུ་བརྗོད་པ་ཡིན། །རྔམ་པ་ཞེས་པ་དྲག་ཤུལ་སྤྱོད། །མྱུར་ཞིང་བར་ཆད་མེད་པས་ན། །ལོག་གི་ཕྲེང་བ་ཞེས་
D830.097.0343a06.01སུ་བྱ། །སྐོར་དང་གཅོད་དང་རྒྱུན་མི་གཅད། །འཁོར་ལོ་ལྟ་བུའི་རྣམ་པ་དེར། །གསང་བ་ཀུན་འདུས་མདོ་བྱའོ། །ཞེས་གསུངས་སོ། །དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་གསོལ་པ། རྒྱུད་ཅེས་བགྱི་བ་ཇི་ལྟ་བུ། མདོ་འདི་
D830.097.0343a07.01