完整藏文原文 · 德格版页 当前仅加载第 97 函德格 326a 版页；藏文 NFD、目录标记与异常页序保留在来源切片中，重复版页行以稳定序号区分。
ཟིལ་ལྟ་བུའི་ཁ་དོག་ལ། །སྦྲུལ་ནག་སྟོང་གིས་རབ་བརྒྱན་པའི། །གཤོག་པ་མཁའ་ལ་གདེངས་པ་བསྒོམ། །ཀླུ་རྣམས་དང་ནི་སྤྲིན་དག་ལ། །རྡོ་རྗེ་ཚིག་ཏུ་བསྒོ་བ་ནི། །ཆར་ཆེན་ཕོབ་ལ་མེ་སོད་ཅེས། །ཐོས་ནས་སྤྲིན་ཚོགས་བུམ་པ་
D830.097.0326a01.01ཡི། །ཆར་གྱིས་མེ་ཡང་གསོད་པར་འགྱུར། །གཤོག་པས་མེ་ཉིད་བཀབ་ནས་སུ། །མཆུས་བརྐོས་ཆུས་ནི་མཚམས་བཅད་ན། །བསྐལ་པའི་མེས་ཀྱང་འཚིག་མི་ནུས། །ཨོཾ་བཛྲ་ན་ར་ཡ་ཎ། ནི་རྦ་བ་ཡ་ཏི་ན་བྃ་བུ་མེ་གྷེ་ཧཱུྃ་ཞེས་གསུངས་སོ། །དེ་ལ་འདི་ནི་ཐོག་
D830.097.0326a02.01བཟློག་པའི་ཐབས་སོ། །ནམ་མཁའ་དབྱིངས་ཀྱི་དབུས་སུ་ནི། །བདེ་བ་ཆེན་པོ་ཞེས་བྱ་བ། །ཞལ་གསུམ་ཕྱག་བཞིར་རྣམ་པར་གནས། །སྟོན་ཀའི་ཟླ་བའི་མདོག་འདྲ་བ། །སྙེམས་མ་དང་ནི་བྱམས་མ་དང་། །ཆུ་སྲིན་རྒྱལ་མཚན་ཞེས་བྱ་བ། །མེ་ཏོག་
D830.097.0326a03.01རོལ་པ་ཞེས་བྱ་ཡི། །ལྷ་མོ་བཞི་ཡིས་རྣམ་པར་བསྐོར། །གཡས་པའི་ཕྱག་གིས་རྡོ་རྗེ་གསོར། །གཡོན་པའི་དྲིལ་བུ་དཀུར་བརྟེན་པ། །ཕྱག་གཉིས་མདའ་གཞུ་འགེངས་པ་སྟེ། །སྐུ་ལས་སེམས་དཔའ་འབྱུང་བའི་སྤྲིན། །ཐོར་ཚུགས་གསལ་བ་རྣམ་པར་བསྒོམ། །
D830.097.0326a04.01ནམ་མཁའ་ལས་ནི་བབས་པ་ཡི། །ཐོག་ནི་རང་རིག་སྔགས་ཀྱིས་བཟློག །ཨྃ་མ་ཧཱ་སུ་ཁ་བཛྲ་ཆེ་གེ་མོ་ཛ། ཨོྃ་སུ་ར་ཏ་བནྡྷ་ཧཱུྃ་ཕཊ་ཅེས་གསུངས་སོ། །དེ་ལ་འདི་ནི་གཞན་གྱི་ལྕེ་གནོན་པའི་ཐབས་སོ། །མར་གྱི་ཚེས་བརྒྱད་བཅུ་བཞི་ལ། །དུར་ཁྲོད་སོལ་བ་བླངས་
D830.097.0326a05.01ནས་སུ། །སྔགས་ཀྱི་བདག་པོར་བསྒོམས་ནས་སུ། །དབང་ཆེན་དཀྱིལ་འཁོར་སྟེང་དུ་ནི། །མི་སྙན་སྨྲ་བའམ་ཤགས་རྒོལ་བའི། །ལྕེ་ཡི་གཟུགས་སུ་བྲིས་པ་ཡི། །སྟེང་དུ་ཟླ་བའི་དཀྱིལ་འཁོར་ལ། །རྡོ་རྗེ་རྒྱ་གྲམ་བསྒོམས་པ་ཡི། །དབུས་སུ་རི་རབ་བསྐྱེད་
D830.097.0326a06.01པར་བྱ། །དེ་སྟེང་བདག་གིས་མནན་བསམས་ན། །ཚིག་དབང་ལྷ་ཡང་དབང་འགྱུར་ན། །ཤགས་ལ་སོགས་པ་སྨོས་ཅི་དགོས། །ཞེས་གསུངས་སོ། །དེ་ལ་འདི་ནི་པྲ་དབབ་པ་བསྒྲུབ་པའི་ཐབས་སོ། །ལོ་གྲངས་བཅུ་གཉིས་ལོན་པ་ཡི། །ཁྱེའུ་བུ་མོ་གང་ཡང་རུང་། །
D830.097.0326a07.01