完整藏文原文 · 德格版页 当前仅加载第 97 函德格 335b 版页；藏文 NFD、目录标记与异常页序保留在来源切片中，重复版页行以稳定序号区分。
བླང་བར་གསུངས། །སེམས་ཅན་ཐམས་ཅད་གསད་བྱ་བ། །རྡོ་རྗེ་སེམས་དཔའི་དམ་ཚིག་ཡིན། །བུད་མེད་རྣམས་ལ་ཆགས་བྱ་བ། །སྣང་བ་མཐའ་ཡས་དམ་ཚིག་སྟེ། །གཞན་གྱི་ནོར་འཕྲོག་རྣམ་སྣང་གིས། །རིན་ཆེན་འབྱུང་བའི་{བརྫུན་,རྫུན་}ཕྲ་མ། །
D830.097.0335b01.01ངག་རྩུབ་གདོན་མི་ཟ་འགྲུབ་པའི། །དམ་ཚིག་ཡིན་པར་རྒྱལ་བས་གསུངས། །དེ་བས་སྤྱད་པར་བྱ་བའོ། །གཟུགས་སུ་སྣང་བ་རྣམ་སྣང་མཛད། །ཚོར་བ་རིན་ཆེན་འབྱུང་ལྡན་གཙོ། །འདུ་ཤེས་སྣང་བ་མཐའ་ཡས་ཏེ། །འདུ་བྱེད་གདོན་མི་ཟ་གྲུབ་
D830.097.0335b02.01པ། །རྣམ་ཤེས་རྡོ་རྗེ་སེམས་དཔའོ། །ས་ནི་རྡོ་རྗེ་ཞེས་སུ་བཤད། །རིན་ཆེན་ཆུ་སྟེ་པདྨ་མེ། །ཐོགས་མེད་རླུང་གི་རང་བཞིན་ཏེ། །ནམ་མཁའི་ཁམས་ནི་རྣམ་སྣང་མཛད། །མིག་གི་དབང་པོ་རྣམ་སྣང་མཛད། །རྣ་བ་རིན་ཆེན་འབྱུང་བའི་ཚུལ། །སྣང་
D830.097.0335b03.01བ་མཐའ་ཡས་སྣ་ཞེས་གྲགས། །ལྕེ་ནི་གདོན་མི་ཟ་གྲུབ་པ། །ལུས་ནི་མི་བསྐྱོད་པ་རུ་བཤད། །གཟུགས་ནི་རྣམ་པར་སྣང་མཛད་ཚུལ། །སྒྲ་ནི་རིན་ཆེན་འབྱུང་བ་སྟེ། །དྲི་ནི་སྣང་བ་མཐའ་ཡས་སོ། །རོ་ནི་དོན་ཡོད་གྲུབ་པ་ཡིན། །རེག་རྣམས་མི་
D830.097.0335b04.01བསྐྱོད་པ་རུ་བཤད། །དེ་བཞིན་དཀར་པོ་རྡོ་རྗེའི་རིགས། །སེར་པོ་བདེར་གཤེགས་རིགས་སུ་བཤད། །མཐིང་ག་རིན་ཆེན་དམར་པོ་ཆོས། །ལྗང་གུ་ལས་ཀྱི་རིགས་སུ་བཤད། །དེ་ཕྱིར་ཤེས་པར་བྱ་བ་ཡི། །དམ་ཚིག་ཡིན་པར་དཔའ་བོས་
D830.097.0335b05.01གསུངས། །བསྒྲུབ་པར་བྱ་བའི་འབྲས་བུ་ཡང་། །རིགས་ལྔ་ཉིད་དུ་གྲུབ་པས་ན། །དེ་གྲུབ་པ་ཡི་དམ་ཚིག་ཡིན། །དམ་ཚིག་འདི་ནི་རྨད་པོ་ཆེ། །ཡན་ལག་དམ་ཚིག་འདའ་བའོ། །ཞེས་གསུངས་སོ། །ཡན་ལག་གི་དམ་ཚིག་མདོ་རྒྱས་པའོ། །དེ་
D830.097.0335b06.01ལ་འདི་ནི་དབྱེ་བའོ། །རྩ་བ་ཡན་ལག་དམ་ཚིག་རྣམས། །བསྲུང་བ་རྟོག་པ་གཉིས་སུ་དབྱེ། །དེ་དག་དངོས་སུ་བསྲུང་བས་ན། །མི་འདའ་བསྲུང་བའི་སྡོམ་བཅས་ཡིན། །རྣམ་པར་དག་པའི་ངང་ཉིད་དུ། །དེ་དག་རྟོགས་པས་ཁྱད་པར་དུ། །རྟོགས་པའི་
D830.097.0335b07.01