完整藏文原文 · 德格版页 当前仅加载第 97 函德格 355b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་ཚོམ་བུ་འབུམ་དང་བཅས་པ་གསང་བ་རྒྱ་ཆེར་སྤྱོད་པ་ལས། དེའི་འཁོར་ན་བུད་མེད་བཟང་ལྡན་ཞེས་བྱ་བའི་རྣལ་འབྱོར་མ་ཞིག་ཚོགས་སྦྱོར་བའི་གིང་དུ་བསྐོས་པ་ལས། ཡོ་བྱད་ཕུན་སུམ་ཚོགས་པ་ལ་སེར་སྣའི་དབང་གིས་གསོག་འཇོག་བྱས་སོ། །
D830.097.0355b01.01དེའི་ཚེ་དེའི་རྣམ་པར་སྨིན་པས་{ཡི་དགས་,ཡི་དྭགས་}ཀྱི་ལུས་སུ་སྐྱེས་ནས་ལོངས་སྤྱོད་ཀྱིས་བྲེལ་ཞིང་ཕོངས་པར་གྱུར་ཏོ། །དེ་བས་ན་དེ་བཞིན་དུ་ཤེས་པར་བྱའོ། །དེ་ནས་ཡང་སྨྲ་བའི་སེང་གེས་གསོལ་པ། གལ་ཏེ་གང་ཟག་ལ་ལ་དག་རྣལ་འབྱོར་གྱི་ཚོགས་
D830.097.0355b02.01ལོག་པར་སྤྱོད་ཅིང་། ལྟ་བ་ལོག་པ་ཅན་གྱི་སྤྱི་བརྟོལ་དང་། ཁྲོ་གཏུམ་ཆེ་བའི་སྡིག་པ་སྤྱོད་ཅིང་། དོན་དང་མི་ལྡན་ཡང་བདག་རྣལ་འབྱོར་པའོ་ཞེས་བབ་ཅོལ་དུ་བཀའ་རྐུ་ཞིང་སླུ་བར་བྱེད་པ་དེའི་རྣམ་པར་སྨིན་པ་ཇི་ལྟ་བུ་ལགས། གསང་བ་
D830.097.0355b03.01མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་ལྟ་སྤྱོད་ལོག་པས་རྣལ་འབྱོར་དུ་ཁས་འཆེས་པ་དེ་ནི་མུ་སྟེགས་ཆེན་པོའི་རིགས་སུ་སྐྱེ་བར་འགྱུར་རོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ་
D830.097.0355b04.01དོན་ལ་མི་མཁས་པའི་དགེ་སློང་བླ་མ་དེ་བ་ཞེས་བྱ་བ་ཞིག་གིས། བདག་ནི་ཡང་དག་པའི་ལམ་ལ་མཁས་པའོ་ཞེས་ཀུན་ལ་བསྒྲགས་ནས་ཚོགས་ནི་བསྐྱངས། སྤྱི་བརྟོལ་དང་ཁྲོ་གཏུམ་གྱིས་སྡིག་པ་སྤྱད་པའི་རྣམ་པར་སྨིན་པས་མུ་སྟེགས་ཀྱི་
D830.097.0355b05.01སྤྱོད་པའི་ཁམས་སུ་ལྷུང་བར་གྱུར་ཏོ། །དེ་བས་ན་དེ་བཞིན་དུ་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གལ་ཏེ་གང་ཟག་ལ་ལ་དག་དོན་ལ་ནི་རྨུགས། ཐ་ཚིག་ནི་ཉམས། དྲེགས་པའི་ང་རྒྱལ་གྱིས་རྡོ་རྗེ་རྒྱལ་པོའི་ས་འཛིན་པར་
D830.097.0355b06.01འདོད་པའི་རྣམ་པར་སྨིན་པ་ཇི་ལྟ་བུར་འགྱུར། གསང་བ་མཆོག་གི་བདག་པོས་བཀའ་སྩལ་པ། ཁྲེལ་མེད་པའི་སྤྱི་བརྟོལ་གྱིས་མུན་སྤྲུལ་དུ་བྱེད་པ་དེ་ནི་གཏི་མུག་ཕག་གི་ལུས་སུ་སྐྱེས་ཏེ། དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་
D830.097.0355b07.01