完整藏文原文 · 德格版页 当前仅加载第 97 函德格 322b 版页；藏文 NFD、目录标记与异常页序保留在来源切片中，重复版页行以稳定序号区分。
སྲིད་གསུམ་སེམས་ཅན་ཐམས་ཅད་ཀྱི། ཤ་ཆེན་ཇི་སྙེད་ཡོད་པ་ཀུན། །ཨོྃ་གྱི་འཕྲོ་འདུས་བསྡུས་ནས་ནི། །སྤྱོད་ཚེ་བདག་ལ་ཐིམ་པར་བསྒོམ། །གླང་པོ་དག་གི་ཤ་རྣམས་ལ། །ཧཱུྃ་ལྕེའི་དམ་ཚིག་རྡོ་རྗེ་ལ། །རྡོ་རྗེ་ཅན་གྱི་ཧཱུྃ་དུ་བསྒོམ། །ཡེ་ཤེས་
D830.097.0322b01.01ལྔ་ཡི་སྦྱོར་བ་ཡིས། །ཟོས་ན་དམ་ཚིག་སྐུ་གསུང་ཐུགས། །རྡོ་རྗེ་ཐོབ་པར་གདོན་མི་ཟ། །ཕྱག་ན་རྡོ་རྗེའི་མཐུ་སྟོབས་འགྲུབ། །ཆོ་ག་{གོ་རིམས་,གོ་རིམ་}དེ་ཡིས་ནི། །གླང་པོ་དག་གི་ཤ་རྣམས་ལ། །ཧཱུྃ་གི་འཕྲོ་འདུས་རབ་སྦྱངས་ཏེ། །ཟོས་ན་མངོན་ཤེས་ལྔ་ཐོབ་འགྱུར། །
D830.097.0322b02.01རྟ་ཤ་དག་ནི་ཐམས་ཅད་ལ། །སྭ་ཡི་འཕྲོ་འདུས་རབ་སྦྱངས་ཏེ། །ཟོས་ན་མི་སྣང་ཀུན་གྱི་མཆོག །ཁྱི་ཤ་དག་ནི་ཐམས་ཅད་ལ། །ཧ་ཡི་འཕྲོ་འདུས་རབ་སྦྱངས་ན། །དངོས་གྲུབ་རབ་འབྲིང་ཐ་མ་ཀུན། །ཡིད་བཞིན་ནོར་བུ་ལྟ་བུར་འགྱུར། །གཉིད་ཀྱི་དགྲ་ཡང་
D830.097.0322b03.01མོད་ལ་འཇོམས། །བ་གླང་ཤ་ནི་ཐམས་ཅད་ལ། །ཨྃ་གྱི་འཕྲོ་འདུས་སྦྱང་བྱས་ཏེ། །ཆོ་ག་བཞིན་དུ་ཟོས་ན་ནི། །སངས་རྒྱས་ཀུན་གྱི་ལོངས་སྤྱོད་འཕྲོག །མཐུ་ཆེན་ཀུན་གྱི་བུ་མོ་ཡང་། །སྤྱོད་པར་འགྱུར་བ་གདོན་མི་ཟ། །ཞེས་གསུངས་སོ། །དེ་ལ་འདི་ནི་
D830.097.0322b04.01རྡོ་རྗེ་མངོན་པར་ཤེས་པ་ལྔ་བསྒྲུབ་པའི་ཐབས་སོ། །རབ་ཏུ་དབེན་པའི་གནས་དག་ཏུ། །བདག་ཉིད་རྣམ་པ་ཀུན་ལྡན་པའི། །སྔགས་ཀྱི་ལུས་སུ་རྣམ་སྦྱངས་ནས། །མིག་གི་དབང་པོ་ཐམས་ཅད་ལ། །ཡིག་འབྲུ་ལྔ་ཡིས་རབ་སྦྱངས་ཏེ། །འོད་ཟེར་ལྔར་ནི་འཕྲོ་
D830.097.0322b05.01བ་ལས། །སངས་རྒྱས་སེམས་ཅན་ཐམས་ཅད། །མིག་གི་མངོན་ཤེས་ཀུན་བསྡུས་ནས། །དབང་པོ་དེ་ལ་ཐིམ་པ་དང་། །ཟོས་སམ་མིག་ལ་རྟག་བསྐུས་ན། །སངས་རྒྱས་སེམས་ཅན་ཐམས་ཅད་ཀྱི། །སྤྱོད་ཡུལ་ཇི་སྙེད་ཡོད་པ་ཀུན། །ཤིང་ཐོག་
D830.097.0322b06.01ལག་ཏུ་བཞག་པ་བཞིན། །རྡོ་རྗེ་མིག་གི་གསལ་བར་མཐོང་། །ཆོ་ག་གོང་མའི་ཚུལ་གྱིས་ནི། །རྣ་བའི་དབང་པོ་ཐམས་ཅད་ལ། །སངས་རྒྱས་སེམས་ཅན་ཐམས་ཅད་ཀྱི། རྣ་བའི་མངོན་ཤེས་ཀུན་བསྡུས་ནས། །ཟོས་སམ་རྣ་བའི་ནང་བཞག་ན། །སངས་རྒྱས་
D830.097.0322b07.01