完整藏文原文 · 德格版页 当前仅加载第 97 函德格 294b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ཚུལ་གྱིས་གར་མཛད་ཅིང་། །དགའ་མཆོག་རྡོ་རྗེའི་བྱང་ཆུབ་སེམས་ཆེན་དེ། །འཛུམ་ཞིང་འཁྱིལ་པའི་པདྨའི་གནས་སུ་ཕོབ་ཧོ། །ཨེ་མའོ། །དཀར་ལ་འཚེར་བའི་བྱང་ཆུབ་སེམས་སྤྲིན་དང་། །ཆགས་པ་དམར་པོ་དབང་གི་རང་བཞིན་དུ། །གཉིས་མེད་འཕྲོས་
D830.097.0294b01.01པའི་བྱིན་བརླབས་བསམ་ཡས་ལས། །ཡེ་ཤེས་ལྷ་ཚོགས་སྤྲུལ་སྐུ་བསམ་ཡས་འཐོན། །མ་རིག་མུན་པས་ལྡོངས་པས་དོན་གྱིས་ཕྱེ། །དགོན་གདུངས་གནས་ནས་བྱང་ཆུབ་མྱུ་གུ་སྐྱེད། །ཞི་བ་འགོག་པའི་ས་ལས་རྣམ་པར་སློང་། །ཞེས་རྣམ་པར་བསྐུལ་བས་
D830.097.0294b02.01གཉིས་སུ་མེད་པའི་རྣམ་པར་རོལ་པས་རོལ་ཞིང་བརྗིད་པ་དང་བཅས་ནས་གར་མཛད་པ་དང་། ཞལ་འཛུམ་པ་དང་། འདོར་བ་དང་། སྐུམ་པ་དང་། འགྱིང་བ་དང་། སྤྱན་མཛེས་པའི་སྨིན་རིང་བསྐྱོད་ཅིང་སྒྱུར་བ་དང་། དུང་གི་ཕུར་པས་གཡན་པ་སློང་བ་དང་། འདོར་
D830.097.0294b03.01ཞིང་སྐུམ་པ་དང་། འཇོག་ཅིང་འདེག་པ་དང་། རྣམ་པར་འདོར་བའི་རོལ་པའི་གར་གྱིས་ནམ་མཁའི་ཁམས་ཀུན་དུ་ཁྱབ་པར་མཛད་དོ། །རྣམ་པར་རོལ་པ་དེས་འབྱུང་བ་དང་། འབྱུང་བ་ལས་གྱུར་པ་ཐམས་ཅད་ལ་ཁྱབ་པར་མཛད་དོ། །དེས་སེམས་དང་
D830.097.0294b04.01སེམས་ལས་བྱུང་བ་ཀུན་ལ་ཁྱབ་པར་མཛད་པས་བཅོམ་ལྡན་འདས་ཀྱི་བྱང་ཆུབ་ཀྱི་སེམས་ཞི་ཞིང་འཁྱིལ་བས་རོལ་པའི་ཆར་མངོན་པར་ཕབ་པས་སྣོད་ཀྱི་ཁམས་དང་། བཅུད་ཀྱི་ཁམས་དང་། བསམ་གཏན་པ་དང་། འགོག་པ་པ་དང་། སའི་ཁྱད་པར་
D830.097.0294b05.01ཐམས་ཅད་དང་། བྱང་ཆུབ་ཀྱི་རོལ་པ་སྣ་ཚོགས་སྒེག་པ་དང་། སྟེག་པ་དང་། སྦྱོར་བ་དང་། འཁྱུད་པ་དང་། སྡོམ་པ་དང་། བསྟིམ་པ་དང་། མཉེས་པ་དང་། གསོལ་བ་དང་། མྱང་བ་དང་། བཅའ་བ་དང་། བདེ་བ་དང་། སྤྲོད་པ་དང་། འཇོག་པ་ལ་སོགས་
D830.097.0294b06.01པ་བཅོམ་ལྡན་འདས་ཀུན་དུ་བཟང་པོའི་རྡོ་རྗེ་འཛིན་གྱིས་ཀུན་དུ་རྒྱས་པར་བྱས་ཏེ་ཡང་དག་པར་གནས་སོ། །དེ་ནས་དེའི་ཚེ་ཐུགས་རྣམ་པར་དག་པའི་མཁའ་ཀློང་ནས་རིག་པ་བྱང་ཆུབ་ཀྱི་སེམས་ཀྱི་འོད་ཟེར་བརྗོད་ཀྱིས་མི་ལང་བ་འབྱམ་ཀླས་པ་ཤར་བ་དེ་ལས་གསུང་
D830.097.0294b07.01