完整藏文原文 · 德格版页 当前仅加载第 90 函德格 58a 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་ཀྱིས། །ནགས་མཆོག་ཆེན་པོ་དེར་བལྟས་ན། །སེམས་ཅན་ཆེན་པོ་མ་རྙེད་ནས། །ཤིན་ཏུ་མྱ་ངན་ཟུག་རྔུའི་སྙིང་། །དྲན་མེད་ནགས་ཀྱི་ནང་ན་རྒྱུ། །ནུ་བོ་དེ་ནི་ཡོངས་ཚོལ་ཞིང་། །གདོང་ལ་མཆི་ཟག་ནགས་ཁྲོད་རྒྱུ། །སྒྲ་ཆེན་དེ་བཞིན་ལྷ་ཆེན་པོ། །
D557.090.0058a01.01རྒྱལ་བུ་གཞོན་ནུ་དེ་དག་གཉིས། །སྟག་མོ་ཉམ་ཆུང་གར་ཉལ་བ། །དེར་ནི་ཉེ་བར་སོང་བ་དང་། །སྟག་མོ་དང་ནི་སྟག་ཕྲུག་གི །སྟག་གི་མཆུ་ལ་ཁྲག་ཆགས་མཐོང་། །སྐྲ་དང་རུས་པ་ཅུང་ཟད་ཅིག །ས་ལ་རྣམ་པར་འཐོར་བ་མཐོང་། །དེ་ཡི་ཁྲག་གི་ཐིགས་པ་ནི། །
D557.090.0058a02.01ཉུང་ཞིག་ས་ལ་ཡོད་པར་གྱུར། །རྒྱལ་པོའི་བུ་ནི་དེ་གཉིས་ཀྱིས། །ཁྲག་ཆགས་པ་ཡི་ས་དེ་མཐོང་། །རབ་ཏུ་བརྒྱལ་ཏེ་ས་དེ་ལ། །འགྱེལ་ནས་ཡིད་ནི་ཉམས་པར་གྱུར། །ལུས་རྣམས་ལ་ནི་རྡུལ་གྱིས་གོས། །དྲན་དབང་ཉམས་ཤིང་སེམས་ཀྱང་མྱོས། །དེ་དག་
D557.090.0058a03.01གི་ནི་འཁོར་རྣམས་ཀྱང་། །སྙིང་རྗེར་ངུ་ཞིང་མྱ་ངན་ནོན། །དེ་དག་ཆུས་ནི་རབ་འཐོར་ཞིང་། །ལག་པ་སྒྲེང་སྟེ་ངུ་ཞིང་གནས། །དེ་ནི་འགྱེལ་མ་ཐག་ཏུ་ཡང་། །བཙུན་མོ་གཅེས་མཆོག་སྐྱེད་པའི་མ། །བུད་མེད་དག་ནི་ལྔ་བརྒྱ་དང་། །ཕོ་བྲང་ནང་ན་བདེར་འདུག་པ། །ནུ་
D557.090.0058a04.01སོར་གཉིས་ཀའི་རྩེ་མོ་ནས། །འོ་མ་ཁྲག་ཏུ་འབྱུང་ཞིང་འཛག །དེ་ཡི་ལུས་དང་ཡན་ལག་ཀུན། །ཁབ་ཀྱིས་གཙགས་པ་བཞིན་དུ་ཚ། །སྙིང་ནི་རབ་ཏུ་མྱ་ངན་གང་། །བུ་བྲལ་མྱ་ངན་དྲག་མདས་ཕོག །རྒྱལ་པོའི་གན་དུ་ཉེར་སོང་སྟེ། །མྱ་ངན་རབ་གདུངས་ཡིད་མི་དགའ། །
D557.090.0058a05.01སྙིང་རྗེའི་སྒྲ་ཡིས་རབ་ངུ་ཞིང་། །རྒྱལ་པོ་ཤིང་རྟ་ཆེ་ལ་སྨྲས། །མི་དབང་རྒྱལ་པོ་བདག་ལ་གསོན། །བདག་ལུས་མྱ་ངན་མེ་ཡིས་ཚིག །བདག་གི་ནུ་སོར་རྩེ་གཉིས་ནས། །འོ་མ་ཁྲག་ཏུ་རབ་ཏུ་འབྱུང་། །བདག་ལུས་ཁབ་ཀྱིས་གཙགས་བཞིན་ཚ། །བདག་གི་སྙིང་ཡང་གས་
D557.090.0058a06.01ལ་ཐུག །ཇི་ལྟར་སྡུག་པའི་བུ་རྣམས་ནི། །ཕྱིན་ཅད་མི་མཐོང་འདི་འདྲའི་ལྟས། །བདག་གི་བུ་རྣམས་དེ་ལྟར་འཚལ། །ཐུགས་རྗེ་མཛོད་དེ་བདག་སྲོག་སྩོལ། །དེ་རིང་བདག་གི་རྨི་ལམ་ན། །ཐི་བ་ཕྲུག་གུ་གསུམ་རྙེད་ན། །བདག་གི་ཐི་བ་ཕྲུག་གུ་ནི། །སྡུག་ཅིང་ཡིད་འོང་གང་ལགས་
D557.090.0058a07.01