完整藏文原文 · 德格版页 当前仅加载第 90 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
མྱ་ངན་ལས་འདས་ནས་དམ་པའི་ཆོས་ནུབ་པར་གྱུར་ཏེ་དམ་པའི་ཆོས་ལྟར་བཅོས་པར་གྱུར་པ་ན་རྒྱལ་པོ་ལྷའི་དབང་ཕྱུག་འོད་ཅེས་བྱ་བ་ཆོས་ཅན་ཆོས་ཀྱི་རྒྱལ་པོ་ཆོས་ཀྱི་རྒྱལ་སྲིད་སྐྱོང་གིས་ཆོས་མ་ཡིན་པས་ནི་མ་ཡིན་ཏེ་ཡུལ་ཐམས་ཅད་ན་གནས་པའི་སེམས་ཅན་རྣམས་ཀྱི་ཕ་མ་
D557.090.0047a01.01ལྟ་བུར་གྱུར་པ་ཞིག་བྱུང་ངོ་། །རིགས་ཀྱི་ལྷ་མོ་དེའི་ཚེ་དེའི་དུས་ན། རྒྱལ་པོ་ལྷའི་དབང་ཕྱུག་འོད་ཀྱི་ཡུལ་དུ་ཚོང་དཔོན་རལ་པ་འཛིན་ཅེས་བྱ་བ་སྨན་པ་གསོ་བར་བྱེད་པ། ཁམས་ལ་མཆོག་ཏུ་མཁས་པ། ཚེའི་རིག་བྱེད་ཡན་ལག་བརྒྱད་ཀྱི་རྒྱུད་དང་ལྡན་པ་ཞིག་བྱུང་བར་གྱུར་ཏོ། །ཀྱེ་
D557.090.0047a02.01རིགས་ཀྱི་ལྷ་མོ་དེའི་ཚེ་དེའི་དུས་ན་ཚོང་དཔོན་རལ་པ་འཛིན་ཅེས་བྱ་བ་དེའི་བུ་ཆུ་འབེབས་ཞེས་བྱ་བ། གཟུགས་བཟང་བ། མཛེས་པ་བལྟ་ན་སྡུག་པ། ཁ་དོག་བཟང་པོ་རྒྱས་པ་མཆོག་དང་ལྡན་པ། བསྟན་བཅོས་སྣ་ཚོགས་ལ་མཁས་པ། བསྟན་བཅོས་ཐམས་ཅད་རྟོགས་པར་ཁོང་དུ་
D557.090.0047a03.01ཆུད་པ། ཡི་གེ་དང་གྲངས་དང་ལག་རྩིས་དང་། རྩིས་རྣམས་ཤིན་ཏུ་བསླབས་པར་གྱུར་པ་ཞིག་བྱུང་ངོ་། །རིགས་ཀྱི་ལྷ་མོ་དེའི་ཚེ་དེའི་དུས་ན་རྒྱལ་པོ་ལྷའི་དབང་ཕྱུག་འོད་དེའི་ཡུལ་དེ་ན་སེམས་ཅན་བརྒྱ་སྟོང་ཕྲག་དུ་མ་ནད་སྣ་ཚོགས་ཀྱིས་བཏབ་པར་གྱུར་ཅིང་། ནད་སྣ་ཚོགས་ཀྱིས་
D557.090.0047a04.01ཡོངས་སུ་གཟིར་ཏེ། སྡུག་བསྔལ་མི་བཟད་པ་རྩུབ་པ་དྲག་པ་ཡིད་དུ་མི་འོང་བའི་ཚོར་བ་རྣམས་མྱོང་བར་གྱུར་ཏོ། །རིགས་ཀྱི་ལྷ་མོ་དེའི་ཚེ་དེའི་དུས་ན་ཚོང་དཔོན་གྱི་བུ་ཆུ་འབེབས་དེ། སེམས་ཅན་ནད་སྣ་ཚོགས་ཀྱིས་བཏབ་པ། ནད་སྣ་ཚོགས་ཀྱིས་གཟིར་བ། བརྒྱ་སྟོང་ཕྲག་དུ་
D557.090.0047a05.01མ་དེ་དག་གི་དོན་གྱི་ཕྱིར། སྙིང་རྗེ་ཆེན་པོའི་སེམས་སྐྱེས་པར་གྱུར་ཏོ། །སེམས་ཅན་བརྒྱ་སྟོང་ཕྲག་དུ་མ་དེ་དག་ནི་ནད་སྣ་ཚོགས་ཀྱིས་བཏབ་ཅིང་ནད་སྣ་ཚོགས་ཀྱིས་གཟིར་བ། དེ་ལྟར་སྡུག་བསྔལ་མི་བཟད་པ་རྩུབ་པ་དྲུག་པོ་ཡིད་དུ་མི་འོང་བའི་ཚོར་བ་རྣམས་མྱོང་ལ། བདག་གི་ཕ་ཚོང་དཔོན་
D557.090.0047a06.01རལ་པ་འཛིན་སྨན་པ་གསོ་བར་བྱེད་པ། ཁམས་ལ་མཆོག་ཏུ་མཁས་པ། ཚེའི་རིག་བྱེད་ཡན་ལག་བརྒྱད་ཀྱི་རྒྱུད་དང་ལྡན་པ་འདི་ནི་རྒས་འཁོགས་གཏུགས་ལམ་དུ་ཞུགས། ན་ཚོད་རྗེས་སུ་ཐོབ་པ། འཁར་བ་ལ་བརྟེན་ཅིང་འདར་ཏེ། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་།
D557.090.0047a07.01