完整藏文原文 · 德格版页 当前仅加载第 90 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
ལྔ་པའོ།། །།དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །བསམ་གྱིས་མི་ཁྱབ་མདོ་རྣམས་གཞན་དག་ཏུ། །སྟོང་པའི་ཆོས་རྣམས་རབ་ཏུ་རྒྱས་བཤད་དེ། །དེ་ལྟ་བས་ན་མདོ་མཆོག་དམ་པ་འདིར། །སྟོང་པའི་ཆོས་རྣམས་མདོ་ཙམ་
D557.090.0013b01.01བཤད་པ་ཡིན། །སེམས་ཅན་བློ་ཆུང་རྣམ་པར་མི་ཤེས་པས། །ཆོས་རྣམས་ཐམས་ཅད་ཤེས་པར་མི་ནུས་ཏེ། །དེ་ལྟ་བས་ན་མདོ་མཆོག་དམ་པ་འདིར། །སྟོང་པའི་ཆོས་རྣམས་མདོ་ཙམ་རབ་ཏུ་བཤད། །སེམས་ཅན་ཀུན་གྱིས་ཅི་ནས་ཤེས་འགྱུར་དང་། །སེམས་ཅན་འབྱུང་
D557.090.0013b02.01བྱའི་ཕྱིར་ནི་སྙིང་རྗེའི་དབང་། །ཐབས་དང་ཚུལ་དང་རྒྱུ་གཞན་རྣམས་ཀྱིས་ནི། །མདོ་མཆོག་དམ་པ་དབང་པོ་འདི་བཤད་དོ། །ལུས་འདི་གྲོང་ཁྱིམ་སྟོང་པ་ཇི་བཞིན་ཏེ། །དབང་པོ་རྣམས་ནི་དམག་དང་ཆོམ་རྐུན་འདྲ། །དེ་དག་ཐམས་ཅད་གྲོང་གཅིག་གནས་མོད་ཀྱི། །དེ་དག་
D557.090.0013b03.01ཕན་ཚུན་རྣམ་པར་མི་ཤེས་སོ། །མིག་གི་དབང་པོ་གཟུགས་གྱུར་རྣམས་ལ་རྒྱུག །རྣ་བའི་དབང་པོ་སྒྲ་ལ་རྣམ་པར་སྤྱོད། །སྣ་ཡི་དབང་པོ་སྣ་ཚོགས་དྲི་རྣམས་འཕྲོག །ལྕེ་ཡི་དབང་པོ་རྟག་ཏུ་རོ་ལ་རྒྱུག །ལུས་ཀྱི་དབང་པོ་རེག་པ་དག་ལ་རྒྱུག །ཡིད་ཀྱི་དབང་པོ་ཆོས་རྣམས་
D557.090.0013b04.01རྣམ་པར་སྤྱོད། །དབང་པོ་དྲུག་པོ་འདི་དག་ཕན་ཚུན་དུ། །རང་རང་ཡུལ་ལ་རབ་ཏུ་འཇུག་པར་བྱེད། །སེམས་ནི་སྒྱུ་མ་ལྟ་བུར་གཡོ་བ་ཡིན། །དབང་པོ་དྲུག་ནི་ཡུལ་ལ་རྣམ་སྤྱོད་དེ། །ཇི་ལྟར་མི་ཞིག་གྲོང་སྟོང་རྒྱུག་པ་དང་། །དམག་དང་ཆོམ་རྐུན་དག་དང་གནས་པ་བཞིན། །ཇི་
D557.090.0013b05.01ལྟར་སེམས་ནི་ཡུལ་དྲུག་གནས་བཅས་ཤིང་། །དབང་པོའི་སྤྱོད་ཡུལ་དག་ཀྱང་རབ་ཤེས་པ། །དེ་ལྟར་སེམས་ནི་ཡུལ་དྲུག་གནས་བཅས་ཏེ། །དབང་པོའི་སྤྱོད་ཡུལ་རྣམས་ཀྱང་རབ་ཏུ་ཤེས། །གཟུགས་དང་སྒྲ་དང་དེ་བཞིན་དྲི་རྣམས་དང་། །རོ་དང་རེག་བྱ་དེ་བཞིན་སྤྱོད་ཡུལ་ཆོས། །
D557.090.0013b06.01སེམས་ནི་དབང་པོ་དྲུག་པོ་ཐམས་ཅད་ལ། །དབང་པོར་བཞུགས་པ་བྱ་བཞིན་གཡོ་བར་འགྱུར། །དབང་པོ་གང་དང་གང་དུ་གནས་བཅས་པ། །དབང་པོ་དེ་ནི་ཤེས་པར་བདག་ཉིད་བྱེད། །ལུས་ནི་གཡོ་བ་མེད་ཅིང་བྱེད་པ་མེད། །སྙིང་པོ་མེད་ཅིང་རྐྱེན་ལས་བྱུང་བ་ཡིན། །ཡང་དག་མ་ཡིན་ཡོངས་
D557.090.0013b07.01