完整藏文原文 · 德格版页 当前仅加载第 90 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ཀྱང་རྗེས་ཡི་རང་། །ཡུལ་འཁོར་རྣམས་ན་སྐྱེ་བོ་ནི། །སྡིག་ཅན་གཡོན་ཅན་འདུལ་བ་དང་། །ཡུལ་གྱི་ཆོས་ཀྱི་དོན་གྱི་ཕྱིར། །སྲོག་དང་རྒྱལ་སྲིད་རྣམས་ཀྱང་བཏང་། །ཆོས་མ་ཡིན་པས་བཟོད་བྱེད་ཅིང་། །ཤེས་བཞིན་ཡལ་བར་འདོར་བ་ནི། །ཡུལ་ན་འཇིགས་པ་
D557.090.0039b01.01མི་བཟད་པ། །དེ་འདྲ་གཞན་ནི་ཡོད་མ་ཡིན། །ཇི་ལྟར་གཡོ་རྣམས་བྱུང་བ་ལ། །གཡོ་བྱེད་ཆད་པས་མ་བཅད་ན། །ཡུལ་དུ་ཤིན་ཏུ་མི་བཟད་པའི། །གཡོ་རྣམས་ཕྱིར་ཞིང་འབྱུང་བར་འགྱུར། །གླང་ཆེན་རྣམས་ཀྱི་རྫིང་ཆེན་བཞིན། །ཡུལ་འཁོར་དེ་ནི་རྣམ་པར་འཇིག །
D557.090.0039b02.01ལྷ་དབང་རྣམས་ཀྱང་ཁྲོ་བར་འགྱུར། །ལྷ་ཡི་གནས་ནི་རྣམ་པར་འཇིག །ཡུལ་དུ་དངོས་པོ་ཐམས་ཅད་ནི། །མ་རུངས་པར་ཡང་འགྱུར་བས་ན། །དེ་ཕྱིར་སྡིག་པ་བྱེད་པ་རྣམས། །ཉེས་པའི་རིམ་བཞིན་གདུལ་བར་བྱ། །ཆོས་ཀྱིས་ཡུལ་འཁོར་བསྐྱང་བར་བྱ། །ཆོས་མ་
D557.090.0039b03.01ཡིན་པ་སྤྱད་མི་བྱ། །སྲོག་ཀྱང་ཡོངས་སུ་གཏང་བྱ་ཞིང་། །ཉེ་འཁོན་བྱ་བར་མི་བྱའོ། །སྐྱེ་བོ་གཉེན་དང་སྐྱེ་བོ་གཞན། །ཡུལ་འཁོར་སྐྱེ་བོ་ཐམས་ཅད་ལ། །རྒྱལ་པོས་ཕྱོགས་ཀྱང་གཅིག་བྱ་ཡི། །ཕྱོགས་སུ་ལྷུང་བར་གྱུར་ཏ་རེ། །རྒྱལ་པོ་ཆོས་དང་ལྡན་པ་ཡི། །
D557.090.0039b04.01གྲགས་པ་འཇིག་རྟེན་གསུམ་གང་སྟེ། །སུམ་ཅུ་གསུམ་གྱི་གནས་རྣམས་ན། །ལྷ་ཡི་དབང་པོ་དགར་འགྱུར་ཏེ། །འཛམ་བུའི་གླིང་ན་ངེད་ཀྱི་བུ། །འདི་ལྟར་ཆོས་ལྡན་རྒྱལ་པོ་ཡིན། །ཆོས་ཀྱི་ཡུལ་འཁོར་དེར་བསྟན་ནས། །ལེགས་པར་བྱེད་ལ་སྐྱེ་བོ་བཀོད། །རྒྱལ་པོ་དེ་
D557.090.0039b05.01ནི་ལེགས་བྱེད་པས། །སྐྱེ་བོ་དག་ནི་འདིར་འགྱེད་དེ། །ལྷ་དང་ལྷ་ཡི་བུ་རྣམས་ཀྱིས། །ལྷ་གནས་གང་བར་བྱེད་སྙམ་མོ། །ཆོས་ཀྱི་ཡུལ་འཁོར་དེར་བསྟན་པས། །རྒྱལ་པོ་རྣམས་ནི་རབ་ཏུ་དགའ། །ལྷ་དབང་རབ་ཏུ་དང་གྱུར་པས། །མི་ཡི་རྒྱལ་པོ་དེ་ལ་བསྲུང་། །ཉི་ཟླ་
D557.090.0039b06.01དང་ནི་དེ་བཞིན་དུ། །རྒྱུ་སྐར་ལེགས་པར་རྒྱུ་བར་འགྱུར། །རླུང་ཡང་དུས་སུ་ལྡང་འགྱུར་ཞིང་། །ཆར་པའང་དུས་སུ་འབབ་པར་འགྱུར། །ལྷ་གནས་རྣམས་དང་དེ་བཞིན་དུ། །ཡུལ་འཁོར་རྣམས་སུ་ལོ་ལེགས་བྱེད། །ལྷ་དང་ལྷ་ཡི་བུ་རྣམས་ཀྱིས། །ལྷ་ཡི་གནས་རྣམས་གང་
D557.090.0039b07.01