完整藏文原文 · 德格版页 当前仅加载第 90 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཐམས་ཅད་ཀྱང་འཐབ་པ་སྐྱེ་བ་དང་མཚང་འདྲུ་བ་སྐྱེ་བ་དང་རྩོད་པ་སྐྱེ་བར་འགྱུར། རྫོགས་པ་དང་འགྱེད་པར་འགྱུར་བ་དང་གཟའ་དང་ནད་རྣམ་པ་སྣ་ཚོགས་ཡུལ་དུ་འབྱུང་བར་འགྱུར། ཕྱོགས་ཐ་དད་པ་ནས་སྐར་མདའ་ལྟུང་བར་འགྱུར། གཟའ་དང་རྒྱུ་སྐར་རྣམས་
D557.090.0025a01.01ཀྱང་ཕན་ཚུན་མི་མཐུན་པར་གདའ་བར་འགྱུར། དགུང་ཟླ་འཆར་བ་དེའང་ཉི་མ་ལྟ་བུར་གདའ་བར་འགྱུར། ཟླ་བའི་གཟའ་དང་ཉི་མའི་གཟའ་འབྱུང་བར་འགྱུར། ཉི་མ་དང་ཟླ་བ་ནམ་མཁའ་ལ་གནས་པ་ཡང་རྟག་པར་རྒྱུན་དུ་སྒྲ་གཅན་གྱི་གནོད་པ་དང་ལྡན་པར་འགྱུར། དུས་དུས་སུ་ནམ་
D557.090.0025a02.01མཁའ་ལ་འཇའི་ཁ་དོག་ལྟ་བུ་འཁྱིལ་བར་འགྱུར། ས་ཡང་གཡོ་བར་འགྱུར། ས་ལ་གནས་པའི་ཁྲོན་པ་ཡང་སྒྲ་འབྱིན་པར་གྲག་པར་འགྱུར། ཡུལ་དུ་རླུང་དྲག་པོ་ལྡང་བར་འགྱུར། ཆར་དྲག་པོ་འབབ་པར་འགྱུར། ཡུལ་དུ་མུ་གེའི་དགོན་པ་འབྱུང་བར་འགྱུར། ཕ་རོལ་གྱི་དམག་
D557.090.0025a03.01ཚོགས་ཀྱིས་ཡུལ་འཇོམས་པར་འགྱུར། ཡུལ་དེ་ཕུང་བར་འགྱུར། སེམས་ཅན་དེ་དག་ཀྱང་ཉོན་མོངས་པ་མང་བར་འགྱུར། ཡུལ་དེ་ཉམས་མི་དགའ་བར་འགྱུར་རོ། །བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞི་དཔུང་དང་གཡོག་ཏུ་བཅས་པ་དང་། གནོད་སྦྱིན་
D557.090.0025a04.01བརྒྱ་སྟོང་ཕྲག་དུ་མ་དང་ཡུལ་ན་གནས་པའི་ལྷ་དང་ཀླུ་རྣམས་ཀྱིས་ཡུལ་དེ་ཡལ་བར་བོར་ན། ཡུལ་དེར་འདི་ལྟ་བུའི་གནོད་པ་རྣམ་པ་སྣ་ཚོགས་བརྒྱ་དང་གནོད་པ་སྣ་ཚོགས་སྟོང་འབྱུང་བར་འགྱུར་རོ། །བཙུན་པ་བཅོམ་ལྡན་འདས་གང་ལ་ལ་ཞིག་མིའི་རྒྱལ་པོར་གྱུར་ལ། དེ་བདག་ཉིད་
D557.090.0025a05.01ལ་ཀུན་ཏུ་བསྲུང་བ་ཆེན་པོ་བགྱིད་འཚལ་བར་འགྱུར། རྒྱལ་པོའི་བདེ་བ་སྣ་ཚོགས་ཡུན་རིང་པོར་མྱོང་བར་འཚལ་བར་འགྱུར། བདེ་བ་ཐམས་ཅད་བསྟབས་པའི་སེམས་ཀྱིས་རྒྱལ་པོ་ཉིད་བགྱིད་འཚལ་བར་འགྱུར། ཡུལ་ན་གནས་པའི་སེམས་ཅན་ཐམས་ཅད་བདེ་བར་བགྱིད་འཚལ་
D557.090.0025a06.01བར་འགྱུར། ཕ་རོལ་གྱི་དམག་ཚོགས་ཐམས་ཅད་ཕམ་པར་བགྱིད་འཚལ་བར་འགྱུར། ཡུལ་ཐམས་ཅད་ཡུན་རིང་དུ་ཡོངས་སུ་སྐྱོང་འཚལ་བར་འགྱུར། ཆོས་ཀྱི་རྒྱལ་པོ་ཉིད་བགྱིད་འཚལ་བར་འགྱུར། རང་གི་ཡུལ་ཡང་འཇིགས་པ་དང་གནོད་པ་དང་ནད་འགོ་བ་དང་འཁྲུག་པ་
D557.090.0025a07.01