完整藏文原文 · 德格版页 当前仅加载第 90 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་རྟོག་ལས་བྱུང་། །གྲོང་སྟོང་ལས་ཀྱི་འཁྲུལ་འཁོར་འདྲ་བར་གནས། །ས་དང་མེ་དང་ཆུ་དང་རླུང་རྣམས་ནི། །གཞན་དུ་གནས་ཏེ་ཕྱོགས་དང་ཕྱོགས་ན་གནས། །དཔེར་ན་སྦྲུལ་གདུག་གནས་གཅིག་ཇི་བཞིན་ཏེ། །རྟག་ཏུ་ཕན་ཚུན་མཐུན་པ་མ་ཡིན་བཞིན། །ཁམས་
D557.090.0014a01.01ཀྱི་སྦྲུལ་རྣམས་བཞི་པོ་དེ་དག་ཀྱང་། །གཉིས་ནི་སྟེང་འགྲོ་གཉིས་ནི་ཐུར་དུ་འགྲོ། །ཕྱོགས་དང་ཕྱོགས་མཚམས་རྣམས་སུ་གཉིས་གཉིས་ཏེ། །ཁམས་སྦྲུལ་དེ་དག་ཐམས་ཅད་འཇིག་པར་འགྱུར། །ས་ཡི་སྦྲུལ་དང་ཆུ་ཡི་སྦྲུལ་དག་དང་། །འདི་གཉིས་འོག་ཏུ་ཟད་པར་འགྱུར་བ་ཡིན། །
D557.090.0014a02.01མེ་ཡི་སྦྲུལ་དང་རླུང་གི་སྦྲུལ་དག་དང་། །འདི་གཉིས་སྟེང་གི་ནམ་མཁར་འགྲོ་བ་ཡིན། །ཇི་ལྟར་སྔོན་ཆད་བྱས་པའི་ལས་རྣམས་ཀྱིས། །སེམས་དང་རྣམ་ཤེས་ཀུན་ཏུ་གནས་ནས་དོང་། །ལྷ་དང་མི་དང་ངན་སོང་གསུམ་དག་ཏུ། །ཇི་ལྟར་བྱས་པའི་ལས་ཀྱིས་སྲིད་པར་སྐྱེ། །བད་ཀན་
D557.090.0014a03.01རླུང་དང་མཁྲིས་པ་ཟད་གྱུར་ན། །ལུས་ནི་གཅིན་དང་ངན་སྐྱུགས་རྣམས་ཀྱིས་གང་། །མངོན་པར་མི་དགའ་སྲིན་བུའི་ཕུང་པོར་གྱུར། །དུར་ཁྲོད་དག་ན་འཐོར་བ་ཤིང་བཞིན་གྱུར། །ལྷ་མོ་ཁྱོད་ནི་ཆོས་འདི་རྣམས་ལ་ལྟོས། །འདི་ལ་སེམས་ཅན་དེ་བཞིན་གང་ཟག་དང་། །ཆོས་རྣམས་
D557.090.0014a04.01འདི་དག་ཐམས་ཅད་སྟོང་པ་སྟེ། །མ་རིག་པ་ཡི་རྐྱེན་ལས་བྱུང་བ་ཡིན། །འབྱུང་བ་ཆེན་པོ་འདི་དག་ཆེ་འབྱུང་མིན། །མ་བྱུང་བ་ལས་བྱུང་ཞིང་མི་འབྱུང་སྟེ། །གང་གི་ཕྱིར་ནི་འབྱུང་བ་མི་འབྱུང་བ། །དེ་ཕྱིར་འབྱུང་བ་ཆེ་ཞེས་ངས་བརྗོད་དོ། །ཡོད་པ་མིན་ཞིང་གཞར་ཡང་ཡོད་མིན་ལ། །
D557.090.0014a05.01མ་རིག་པ་ཡི་རྐྱེན་ལས་བྱུང་བ་ཡིན། །མ་རིག་འདི་ནི་ཡོད་པ་མ་ཡིན་ཏེ། །དེ་བས་ངས་ནི་མ་རིག་འདི་བཤད་དོ། །འདུ་བྱེད་རྣམ་ཤེས་མིང་དང་གཟུགས་བཅས་དང་། །སྐྱེ་མཆེད་དྲུག་དང་རེག་དང་ཚོར་བ་དང་། །སྲེད་དང་ལེན་དང་དེ་བཞིན་སྲིད་པ་དང་། །སྐྱེ་དང་རྒ་ཤི་མྱ་ངན་གནོད་པ་རྣམས། །
D557.090.0014a06.01འཁོར་བའི་སྡུག་བསྔལ་བསམ་གྱིས་མི་ཁྱབ་པ། །འཁོར་བའི་འཁོར་ལོ་ཇི་ལྟར་གནས་པ་དག །མ་བྱུང་བ་ལས་བྱུང་དང་མི་འབྱུང་དང་། །ཚུལ་བཞིན་མ་ཡིན་སེམས་ཀྱིས་རྣམ་དཔྱད་དང་། །བདག་གི་ལྟ་བར་གྱུར་པར་བཅད་པར་གྱིས། །ཡེ་ཤེས་རལ་གྲིས་ཉོན་མོངས་རྒྱ་མོ་གྲོལ། །ཕུང་
D557.090.0014a07.01