完整藏文原文 · 德格版页 当前仅加载第 90 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
ར་བའི་ཆར་ཆེན་པོ་ཕབ་སྟེ། དེ་ཉིད་དུ་མི་སྣང་བར་གྱུར་ནས་སླར་ཡང་ལྷའི་གནས་སུ་དོང་སྟེ། དེ་ན་འདོད་པའི་ཡོན་ཏན་ལྔ་པོ་དག་གིས་དགའ་ཞིང་རྩེ་སྟེ། དགའ་མགུར་སྤྱོད་ཅིང་དཔལ་དང་སྐལ་བ་བཟང་པོ་ཆེན་པོ་དག་ཀྱང་མྱོང་ངོ་། །འཛམ་བུའི་གླིང་དུ་ནམ་ལངས་པ་དང་
D557.090.0052a01.01དེ་ནས་རྒྱལ་པོ་ལྷའི་དབང་ཕྱུག་འོད་ཀྱིས་ལྟས་དེ་དག་བྱུང་བ་མཐོང་ནས། སྐར་མཁན་དང་བློན་པོ་ཆེན་པོ་རྣམས་ལ་སྨྲས་པ། ཅིའི་ཕྱིར་མདང་སུམ་ལྟས་འདི་དག་བྱུང་། དེ་དག་གིས་སྨྲས་པ། ལྷ་མཁྱེན་པར་མཛད་དུ་གསོལ། ཚོང་དཔོན་གྱི་ཁྱེའུ་ཆུ་འབེབས་ཀྱི་ཁྱིམ་དུ་མུ་ཏིག་གི་སེ་
D557.090.0052a02.01མོ་དོ་བཞི་ཁྲིའི་ཆར་བབ་ཅིང་ལྷའི་མེ་ཏོག་མན་དཱ་ར་བའི་ཆར་ཡང་འབབ་པོ་ཞེས་བྱས་པ་དང་། རྒྱལ་པོ་ལྷའི་དབང་ཕྱུག་འོད་ཀྱིས་བློན་པོ་རྣམས་ལ་སྨྲས་པ། ཁྱེད་དེང་ལ་ཚོང་དཔོན་གྱི་བུ་ཆུ་འབེབས་ལ་སྙན་པའི་ཚིག་གིས་བོས་ཤིག །དེ་ནས་སྐར་མཁན་དང་བློན་པོ་ཆེན་པོ་རྣམས་ཆུ་
D557.090.0052a03.01འབེབས་ཀྱི་ཁྱིམ་ག་ལ་བ་དེར་དོང་སྟེ་ཕྱིན་ནས། ཚོང་དཔོན་གྱི་ཁྱེའུ་ཆུ་འབེབས་ལ་འདི་སྐད་ཅེས་སྨྲས་སོ། །རྒྱལ་པོ་ལྷའི་དབང་ཕྱུག་འོད་འདི་ཁྱོད་ལ་འབོད་དོ། །དེ་ནས་ཚོང་དཔོན་གྱི་ཁྱེའུ་ཆུ་འབེབས་བློན་པོ་ཆེན་པོ་རྣམས་དང་ལྷན་ཅིག་ཏུ་རྒྱལ་པོ་ལྷའི་དབང་ཕྱུག་འོད་ག་ལ་བ་དེར་
D557.090.0052a04.01དོང་བ་དང་། རྒྱལ་པོས་སྨྲས་པ། བུ་ཆུ་འབེབས་མདང་སུམ་དེ་འདྲ་བའི་ལྟས་བྱུང་བ། དེ་ཅིའི་ལྟས་ཡིན་ཤེས་སམ། དེ་ནས་ཚོང་དཔོན་གྱི་ཁྱེའུ་ཆུ་འབེབས་ཀྱིས་རྒྱལ་པོ་ལྷའི་དབང་ཕྱུག་འོད་ལ་འདི་སྐད་ཅེས་སྨྲས་སོ། །ལྷ་བདག་གིས་འཚལ་ཏེ་ཉ་ཁྲི་པོ་དེ་དག་འཆི་བའི་དུས་
D557.090.0052a05.01བགྱིས་པར་ངེས་སོ། །རྒྱལ་པོས་སྨྲས་པ། ཇི་ལྟར་ཤེས་ཆུ་འབེབས་ཀྱིས་སྨྲས་པ། ལྷ་ཆུའི་གོས་རྫིང་དེར་ཉ་ཁྲི་པོ་དེ་དག་གུམ་མམ་མ་གུམ་ལྟར་སྩལ་ཏོ། །རྒྱལ་པོས་སྨྲས་པ། དེ་ལྟར་གྱིས་ཤིག །དེ་ནས་ཚོང་དཔོན་གྱི་ཁྱེའུ་ཆུ་འབེབས་ཀྱིས་ཁྱེའུ་ཆུའི་གོས་ལ་འདི་སྐད་
D557.090.0052a06.01ཅེས་སྨྲས་སོ། །བུ་སོང་ལ་དགོན་པ་ན་ཡོད་པའི་རྫིང་བུའི་ཉ་ཁྲི་པོ་དེ་དག་ཤི་འམ་མ་ཤི་ལྟོས་ཤིག །དེ་ནས་ཁྱེའུ་ཆུའི་གོས་མྱུར་བ་མྱུར་བར་དགོན་པ་ན་ཡོད་པའི་རྫིང་ཆེན་པོ་ག་ལ་བ་དེར་སོང་བ་དང་། ཉ་ཁྲི་པོ་དེ་དག་ཤི་བའི་དུས་སུ་གྱུར་ཅིང་མེ་ཏོག་མན་དཱ་ར་བའི་ཆར་ཆེན་པོ་བབ་པ་
D557.090.0052a07.01