完整藏文原文 · 德格版页 当前仅加载第 90 函德格 49a 版页；藏文 NFD、目录标记与异常页序保留在来源切片中，重复版页行以稳定序号区分。
ཐེག་པ་ཆེན་པོའི་མདོ། བམ་པོ་ལྔ་པ་སྟེ་ཐ་མ། རིགས་ཀྱི་ལྷ་མོ་གཞན་ཡང་རྒྱལ་པོ་ལྷའི་དབང་ཕྱུག་འོད་ཀྱི་ཡུལ་དུ། ཚོང་དཔོན་གྱི་བུ་ཆུ་འབེབས་ཀྱིས་སེམས་ཅན་ཐམས་ཅད་ཀྱི་ནད་མེད་པར་བྱས་པས། ན་བ་ཉུང་ཞིང་སྔ་མཁོ་བཞིན་དུ་སྤྲོ་བ་དང་སྟོབས་དང་ལྡན་པའི་
D557.090.0049a01.01ལུས་སུ་གྱུར་ཏོ། །རྒྱལ་པོ་ལྷའི་དབང་ཕྱུག་འོད་ཀྱི་ཡུལ་ན་སེམས་ཅན་ཐམས་ཅད་དགའ་ཞིང་རྩེ་ལ་དགའ་མགུར་སྤྱོད་དེ་སྦྱིན་པ་དག་ཀྱང་སྦྱིན། བསོད་ནམས་དག་ཀྱང་བྱེད་དེ། ཚོང་དཔོན་གྱི་ཁྱེའུ་ཆུ་འབེབས་ལའང་། ཚོང་དཔོན་གྱི་བུ་ཆུ་འབེབས་རྒྱལ་བར་གྱུར་ཅིག །རྒྱལ་བར་གྱུར་
D557.090.0049a02.01ཅིག །སྨན་པའི་རྒྱལ་པོ་སེམས་ཅན་ཐམས་ཅད་ཀྱི་ནད་གསོ་བ་མངོན་སུམ་དུ་བྱང་ཆུབ་སེམས་དཔར་ངེས་པ། ཚེའི་རིག་བྱེད་ཡན་ལག་བརྒྱད་པ་ཐམས་ཅད་རྟོགས་པ་ཞེས་མངོན་པར་འདུ་བྱེད་དོ། །རིགས་ཀྱི་ལྷ་མོ་ཚོང་དཔོན་གྱི་བུ་ཆུ་འབེབས་དེ་ལ་ཆུང་མ་ཆུའི་པདྨའི་སྙིང་པོ་ཞེས་བྱ་བ་ཞིག་
D557.090.0049a03.01ཡོད་དེ། རིགས་ཀྱི་ལྷ་མོ་ཆུང་མ་ཆུའི་པདྨའི་སྙིང་པོ་དེ་ལ་ཁྱེའུ་གཉིས་ཡོད་དེ། གཅིག་གི་མིང་ནི་ཆུའི་གོས་ཞེས་བྱ། གཅིག་གི་མིང་ནི་ཆུའི་སྙིང་པོ་ཞེས་བྱའོ། །རིགས་ཀྱི་ལྷ་མོ་དེ་ནས་ཚོང་དཔོན་གྱི་བུ་ཆུ་འབེབས་ཁྱེའུ་དེ་གཉིས་དང་ལྷན་ཅིག་ཏུ་མཐར་གྱིས་གྲོང་དང་། གྲོང་ཁྱེར་དང་།
D557.090.0049a04.01གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་རྣམས་སུ་འགྲོའོ། །རིགས་ཀྱི་ལྷ་མོ་དེ་ནས་དུས་གཞན་ཞིག་ན། ཚོང་དཔོན་གྱི་བུ་ཆུ་འབེབས་འབྲོག་དགོན་པ་ཞིག་ཏུ་ཕྱིན་ཏེ། དེ་ནས་འབྲོག་དགོན་པ་དེར་ཤ་ཟ་བའི་ཁྱི་དང་། སྤྱང་ཀི་དང་། ཝ་དང་། ཁྭ་
D557.090.0049a05.01དང་། བྱ་དག་གང་ན་དགོན་པ་ན་རྫིང་ཞིག་ཡོད་པ་དེར་རྒྱུག་པར་མཐོང་ནས་དེ་འདི་སྙམ་དུ་སེམས་ཏེ། ཅིའི་ཕྱིར་ཤ་ཟ་བའི་ཁྱི་དང་། སྤྱང་ཀི་ནས་བྱའི་བར་འདི་དག་ཕྱོགས་འདིར་རྒྱུག་སྙམ་མོ། །དེ་ཡང་འདི་སྙམ་དུ་སེམས་ཏེ། བདག་ཁྱི་དང་། སྤྱང་ཀི་དང་། ཝ་དང་། ཁྭ་དང་། བྱ་
D557.090.0049a06.01རྣམས་ཕྱོགས་གང་དང་གང་དུ་རྒྱུག་པའི་ཕྱོགས་དེར་འགྲོ་བར་བྱའོ་སྙམ་མོ། །རིགས་ཀྱི་ལྷ་མོ་དེ་ནས་ཚོང་དཔོན་གྱི་བུ་ཆུ་འབེབས་མཐར་གྱིས་རྒྱུ་ཞིང་སོང་སྟེ། དགོན་པ་ན་རྫིང་ཞིག་ཡོད་པ་དེ་དག་ག་ལ་བ་དེར་ཕྱིན་ཏོ། །རྫིང་ཆེན་པོ་དེ་ན་ཉ་ཁྲི་ཞིག་གནས་ཏེ་དེས་དེར་ཉ་ཁྲི་ཕྲག་མང་པོ་ཞིག་
D557.090.0049a07.01