完整藏文原文 · 德格版页 当前仅加载第 90 函德格 38a 版页；藏文 NFD、目录标记与异常页序保留在来源切片中，重复版页行以稳定序号区分。
སྡིག་པ་ཅན་གྱི་སྐྱེ་བོ་ལ། །མཐུན་པའི་ཆད་པས་མི་གཅོད་ཅིང་། །ཉེས་པར་བྱས་པ་ཡལ་བོར་བ། །དེ་ཚེ་ཆོས་མིན་ཤིན་ཏུ་འཕེལ། །འཐབ་མོ་དང་ནི་གཡོ་རྣམས་ཀྱང་། །ཡུལ་འཁོར་དེ་ནི་ཕྱིར་ཕྱིར་འབྱུང་། །སུམ་ཅུ་རྩ་གསུམ་ཁང་པ་ན། །ལྷ་ཡི་དབང་པོ་
D557.090.0038a01.01འཁྲུག་པར་འགྱུར། །ཡུལ་ན་ཉེས་བྱེད་གནས་པ་དག །གང་ཚེ་རྒྱལ་པོས་ཡལ་བོར་བ། །དེ་ཚེ་གཡོ་ནི་མི་བཟད་པ། །དྲག་པོ་རྣམས་ཀྱིས་ཡུལ་འཇོམས་འགྱུར། །ཕ་རོལ་དམག་ཚོགས་ལྷགས་ནས་སུ། །ཡུལ་འཁོར་དེ་ནི་རྣམ་པར་འཇིག །ལོངས་སྤྱོད་རྣམས་དང་
D557.090.0038a02.01རིགས་ཀྱང་འཇིག །གང་གིས་ནོར་བསགས་ཡོད་པ་ཡང་། །གཡོ་བྱེད་རྣམ་པ་མང་པོ་ཡིས། །ཕན་ཚུན་དུ་ནི་འཕྲོག་པར་འགྱུར། །བྱ་བ་གང་གིས་རྒྱལ་པོ་ཉིད། །བྱ་བ་དེ་ནི་མི་བྱེད་ན། །གླང་ཆེན་དབང་པོས་རྫིང་བུ་བཞིན། །རང་གི་ཡུལ་འཁོར་རྣམ་པར་འཇིག །མ་
D557.090.0038a03.01རུངས་པ་ཡི་རླུང་ལྡང་ཞིང་། །མ་རུངས་པ་ཡི་ཆར་པ་འབབ། །ཉི་མ་དང་ནི་ཟླ་བ་དང་། །གཟའ་དང་རྒྱུ་སྐར་མ་རུངས་འགྱུར། །རྒྱལ་པོས་ཡལ་བར་བོར་ན་དེར། །ས་བོན་ལོ་ཏོག་མེ་ཏོག་འབྲས། །ལེགས་པར་སྨིན་པར་མི་འགྱུར་ཞིང་། །མུ་གེ་དག་ཀྱང་འབྱུང་བར་འགྱུར། །
D557.090.0038a04.01ཡུལ་ན་ཉེས་བྱེད་གནས་པ་དག །གང་ཚེ་རྒྱལ་པོས་ཡལ་བོར་བ། །དེ་ཚེ་ལྷ་རྣམས་ཁང་པ་ན། །ཡིད་ནི་དགའ་བར་མི་འགྱུར་རོ། །ལྷ་རྒྱལ་དབང་པོས་དེ་དག་ཀུན། །རྒྱལ་འདི་ཆོས་དང་མི་ལྡན་ཏེ། །ཆོས་མིན་ཕྱོགས་ལ་གནས་པ་ཞེས། །ཕན་ཚུན་དུ་ནི་སྨྲ་བར་
D557.090.0038a05.01འགྱུར། །རྒྱལ་འདིས་རིང་པོར་མི་ཐོགས་པར། །ལྷ་རྣམས་འཁྲུག་པར་བྱེད་པར་འགྱུར། །ལྷ་རྣམས་རབ་ཏུ་འཁྲུགས་པས་ན། །དེ་ཡི་ཡུལ་ནི་རྣམ་པར་འཇིག །ཡུལ་དུ་ཆོས་མིན་འབྱུང་འགྱུར་ཞིང་། །མཚོན་ཆས་ཀྱང་ནི་འཇིག་པར་འགྱུར། །གཡོ་རྣམས་དང་ནི་
D557.090.0038a06.01འཐབ་མོ་དང་། །ནད་ཀྱང་ཀུན་ཏུ་འབྱུང་བར་འགྱུར། །ལྷ་ཡི་དབང་པོ་རབ་ཁྲོས་ཤིང་། །ལྷ་རྣམས་ཀྱིས་ཀྱང་ཡལ་བར་འདོར། །ཡུལ་འཁོར་དེ་ནི་འཇིག་པར་འགྱུར། །རྒྱལ་པོ་དེ་ནི་མྱ་ངན་རྙེད། །སྤུན་ནམ་ཡང་ན་བུ་ཡང་རུང་། །སྡུག་པ་རྣམས་དང་བྲལ་བར་འགྱུར། །
D557.090.0038a07.01