完整藏文原文 · 德格版页 当前仅加载第 90 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་སྐྱོང་བ་རྫུ་འཕྲུལ་ཆེན་པོ་ལ། །བཞི་པོ་དག་གིས་ཀུན་ཏུ་བསྲུངས་པ་ཡིན། །ཕྱོགས་བཅུ་དག་ན་སངས་རྒྱས་རྣམས་ཀྱིས་ཀྱང་། །མདོ་སྡེའི་དབང་པོ་འདི་ནི་རྟག་ཏུ་དགོངས། །མདོ་སྡེའི་དབང་པོ་འདི་ནི་བཤད་པ་ན། །སངས་རྒྱས་རྣམས་ཀྱིས་ལེགས་ཞེས་
D557.090.0028a01.01བརྗོད་པ་བྱིན། །གནོད་སྦྱིན་བྱེ་བ་སྟོང་ཕྲག་བརྒྱ་རྣམས་ཀྱིས། །ཕྱོགས་བཅུ་དག་ཏུ་ཡུལ་ཡང་སྲུང་བར་བྱེད། །རབ་ཏུ་དགའ་ཞིང་རབ་ཏུ་མགུ་སེམས་ཀྱིས། །མདོ་སྡེའི་དབང་པོ་འདི་ནི་ཉན་པར་བྱེད། །འཛམ་བུའི་གླིང་ན་གནས་པར་གྱུར་པ་ཡི། །ལྷ་ཡི་ཚོགས་རྣམས་
D557.090.0028a02.01བསམ་གྱིས་མི་ཁྱབ་པ། །ལྷ་ཚོགས་དེ་དག་ཀུན་ཀྱང་རབ་དགའ་བས། །མདོ་སྡེའི་དབང་པོ་འདི་ནི་ཉན་པར་བྱེད། །ཆོས་རྣམས་མཉན་པར་བྱ་བ་འདི་ཡིས་ནི། །གཟི་བརྗིད་དང་ནི་སྟོབས་དང་བརྩོན་འགྲུས་ཐོབ། །གཟི་བརྗིད་ཆེན་པོ་ཡི་ནི་ལྷ་ཡི་ལུས། །ཤིན་ཏུ་རྒྱས་ཤིང་
D557.090.0028a03.01རྣམ་པར་འཕེལ་བར་འགྱུར། །དེ་ནས་རྒྱལ་པོ་ཆེན་པོ་བཞིས་བཅོམ་ལྡན་འདས་ལ་ཚིགས་སུ་བཅད་པ་འདི་ལྟ་བུ་འདི་དག་ཐོས་པ་དང་ངོ་མཚར་དུ་གྱུར་རྨད་དུ་བྱུང་བར་གྱུར་དགའ་བར་གྱུར་ཏེ། དེ་དག་ཆོས་ཀྱི་ཤུགས་ཀྱིས་ཡུད་ཙམ་ཞིག་ངུས་ནས་མཆི་མ་ཕྱིས་ཏེ། དེ་དག་ལུས་
D557.090.0028a04.01འཕར་ཡན་ལག་འདར་ཞིང་དགའ་བ་དང་བདེ་བ་དང་ཡིད་བདེ་བ་བསམ་གྱིས་མི་ཁྱབ་པ་དང་ལྡན་པར་གྱུར་ནས་ཀྱང་བཅོམ་ལྡན་འདས་ལ་ལྷའི་མེ་ཏོག་མན་དཱ་ར་བ་དག་གིས་གཏོར་མངོན་པར་གཏོར་ཏོ། །གཏོར་མངོན་པར་གཏོར་ནས་ཀྱང་སྟན་ལས་ལངས་ཏེ་གོས་ཕྲག་པ་གཅིག་ཏུ་
D557.090.0028a05.01བགོས་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞི་རྒྱལ་པོ་ཆེན་པོ་རེ་རེ་ཡང་གནོད་སྦྱིན་ལྔ་
D557.090.0028a06.01བརྒྱ་ལྔ་བརྒྱ་དང་ཆོས་སྨྲ་བ་དེ་བསྲུང་བ་དང་ཡོངས་སུ་བསྐྱང་བའི་སླད་དུ་རྟག་ཏུ་དགེ་སློང་ཆོས་སྨྲ་བའི་སླད་བཞིན་འབྲང་བར་བགྱིའོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། རྒྱལ་པོ་ཆེན་པོ་བཞིའི་ལེའུ་ཞེས་བྱ་བ་སྟེ་བདུན་པའོ།། །།དེ་ནས་ལྷ་མོ་ཆེན་མོ་
D557.090.0028a07.01