完整藏文原文 · 德格版页 当前仅加载第 90 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་གནས་ལ་སྟོང་པར་གྱུར་པར་ལྟོས། །བྱང་ཆུབ་ཡོན་ཏན་རྒྱ་ཆེན་རེག་པར་གྱིས། །ངས་ནི་བདུད་རྩི་གྲོང་ཁྱེར་སྒོ་ཡང་ཕྱེ། །བདུད་རྩི་ཁུ་བའི་སྣོད་ཀྱང་ཀུན་ཏུ་བསྟན། །ང་ནི་བདུད་རྩིའི་གྲོང་ཁྱེར་གནས་དེར་འཇུག །ངས་ནི་བདུད་རྩིའི་ཁུ་བས་བདག་ཚིམ་བྱས། །ངས་ནི་ཆོས་ཀྱི་རྔ་ཆེན་དམ་
D557.090.0014b01.01པ་བརྡུངས། །ངས་ནི་ཆོས་ཀྱི་དུང་གི་མཆོག་ཀྱང་བུས། །ངས་ནི་ཆོས་ཀྱི་སྒྲོན་མ་མཆོག་འབར་བྱས། །ངས་ནི་ཆོས་ཀྱི་ཆར་པ་དམ་པ་ཕབ། །ང་ནི་ཉོན་མོངས་དགྲ་མཆོག་རྣམས་ལས་རྒྱལ། །ངས་ནི་ཆོས་ཀྱི་རྒྱལ་མཚན་དམ་པ་བསྒྲེང་། །སྲིད་པའི་མཚོ་ལས་སེམས་ཅན་རབ་ཏུ་བསྒྲལ། །
D557.090.0014b02.01ངས་ནི་ངན་སོང་གསུམ་གྱི་ལམ་རྣམས་བཀག །སེམས་ཅན་ཉོན་མོངས་མེ་ཡིས་གདུངས་གྱུར་པ། །རྟེན་མེད་གྱུར་ཅིང་དཔུང་གཉེན་མེད་པ་དག །སྲོག་ཆགས་ཉོན་མོངས་མེས་གདུངས་ཞི་བྱས་ནས། །བདུད་རྩིའི་ཁུ་བ་བསིལ་བས་ཚིམ་པར་བྱས། །གང་ཕྱིར་བསྐལ་པ་
D557.090.0014b03.01དུ་མར་སྔོན་ཆད་ངས། །འདྲེན་པ་བསམ་གྱིས་མི་ཁྱབ་མཆོད་པ་བྱས། །ཆོས་ཀྱི་སྐུ་དེ་ཡོངས་སུ་ཚོལ་བ་ན། །བརྟུལ་ཞུགས་བརྟན་པས་བྱང་ཆུབ་ཕྱིར་སྤྱད་དེ། །ལག་པ་དང་ནི་མིག་དང་རྐང་པ་དང་། །ཡན་ལག་མཆོག་དང་བུ་སྡུག་བུ་མོ་དང་། །ནོར་དབྱིག་ནོར་བུ་མུ་ཏིག་
D557.090.0014b04.01རྒྱན་དང་གསེར། །བཻ་ཌཱུརྱ་དང་རིན་ཆེན་སྣ་ཚོགས་བཏང་། །སྟོང་གསུམ་ཤིང་ལྗོན་ཐམས་ཅད་དང་། །རྩྭ་དང་རྩྭ་རྣམས་ཐམས་ཅད་དང་། །ནགས་ཚལ་དག་དང་ས་ལས་ནི། །སྐྱེ་བ་ཐམས་ཅད་བཅད་གཏུབས་ཏེ། །དེ་དག་ཐམས་ཅད་ཕྱེར་བརླག་ནས། །རབ་ཏུ་ཕྲ་བའི་རྡུལ་
D557.090.0014b05.01འདྲར་བྱས། །ནམ་མཁའི་དཀྱིལ་འཁོར་ཇི་ཙམ་པར། །ཕྱེ་མའི་ཕུང་པོ་སྤུངས་ནས་ནི། །འདི་ལ་ཆ་གསུམ་དབྱེ་བར་ནུས། །ས་ལ་རྡུལ་ནི་ཡོད་པ་རྣམས། །སྟོང་གསུམ་དག་ནི་ཐམས་ཅད་ཀྱི། །རྡུལ་ཁམས་བསམ་གྱིས་མི་ཁྱབ་པ། །སེམས་ཅན་ཀུན་གྱི་ཤེས་པ་གང་། །
D557.090.0014b06.01དེ་ནི་སེམས་ཅན་གཅིག་གིར་གྱུར། །ཤེས་པ་དེ་ཡིས་རྡུལ་རྣམས་ཀྱི། །ཕྱེ་མ་བགྲང་བར་བྱེད་ན་ནི། །སེམས་ཅན་ཀུན་ལས་རབ་འཕགས་པ། །ཡེ་ཤེས་རབ་ལྡན་མི་རྣམས་ཀྱིས། །ཐམས་ཅད་བགྲང་བར་ནུས་སྲིད་ཀྱི། །རྒྱལ་བའི་མཁྱེན་ལ་མི་ནུས་སོ། །ཐུབ་པ་ཆེན་པོའི་
D557.090.0014b07.01