完整藏文原文 · 德格版页 当前仅加载第 90 函德格 39a 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །སེམས་ཅན་རྣམས་ནི་མདོག་ངན་ཞིང་། །མཐུ་ཆུང་ཤིན་ཏུ་རིད་པར་འགྱུར། །ཁ་ཟས་མང་པོ་ཟོས་ཀྱང་ནི། །ཚིམ་པར་འགྱུར་བ་མ་ཡིན་ནོ། །སྟོབས་དང་མཐུ་དང་བརྩོན་འགྲུས་དང་། །དེ་ཡི་འོག་ཏུ་མེད་པར་འགྱུར། །སེམས་ཅན་བརྩོན་འགྲུས་ཉམས་པ་
D557.090.0039a01.01དག །ཡུལ་རྣམས་སུ་ནི་འབྱུང་བར་འགྱུར། །སྣ་ཚོགས་ནད་ཀྱིས་གཟིར་བ་ཡི། །སེམས་ཅན་ནད་མང་འབྱུང་བར་འགྱུར། །སྲིན་པོ་སྣ་ཚོགས་ལས་གྱུར་པའི། །གཟའ་དང་རྒྱུ་སྐར་འབྱུང་བར་འགྱུར། །ཆོས་མིན་ཕྱོགས་ལ་རབ་གནས་ཏེ། །རྒྱལ་པོ་ཆོས་དང་མི་ལྡན་པས། །
D557.090.0039a02.01འཇིག་རྟེན་གསུམ་གྱི་དཀྱིལ་འཁོར་ན། །ཁམས་གསུམ་རྣམ་པར་འཇིག་པར་འགྱུར། །གང་ཚེ་རྒྱལ་པོའི་ཕྱོགས་གནས་ཏེ། །ཉེས་བྱེད་ཡལ་བར་འདོར་བའི་ཚེ། །འདི་འདྲའི་ཉེས་པ་དུ་མ་དག །ཡུལ་རྣམས་སུ་ནི་འབྱུང་བར་འགྱུར། །དགོས་པ་གང་ཕྱིར་ལྷ་དབང་གིས། །
D557.090.0039a03.01རྒྱལ་པོ་བྱིན་གྱིས་བརླབས་པ་ཡི། །རྒྱལ་པོ་ཉིད་ནི་མི་བྱེད་ཅིང་། །ཉེས་བྱེད་ཡལ་བར་འདོར་ན་ནི། །ལེགས་པར་བྱས་པས་སེམས་ཅན་རྣམས། །ལྷ་ཡི་གནས་སུ་ལྷར་ཡང་སྐྱེ། །ཉེས་པར་བྱས་པས་{ཡི་དགས་,ཡི་དྭགས་}དང་། །སེམས་ཅན་དམྱལ་དང་དུད་འགྲོར་སྐྱེ། །གང་ཚེ་
D557.090.0039a04.01རྒྱལ་པོ་ཡུལ་རྣམས་ན། །ཉེས་བྱེད་ཡལ་བར་འདོར་བའི་ཚེ། །སུམ་ཅུ་རྩ་གསུམ་ལྷ་གནས་ནས། །ཉེས་པར་བྱས་པས་ལྟུང་བར་འགྱུར། །རྒྱལ་པོ་ཉིད་ནི་མི་བྱེད་ན། །དེ་ནི་བུ་ཡང་མ་ཡིན་ལ། །ལྷ་ཡི་རྒྱལ་པོ་ཕ་རྣམས་ཀྱིས། །གནས་ལ་ཉེས་དང་བཅས་པར་འགྱུར། །
D557.090.0039a05.01གཡོ་ནི་ཤིན་ཏུ་མི་བཟད་པས། །གང་ཚེ་ཡུལ་འཁོར་འཇིག་འགྱུར་བ། །དེ་ཕྱིར་ལྷ་ཡི་དབང་པོ་ཡི། །མི་གནས་རྒྱལ་པོ་བྱིན་གྱིས་བརླབས། །ཉེས་པ་བྱས་ཞི་བྱ་བའི་ཕྱིར། །ལེགས་པར་བྱེད་ལ་འཛུད་པ་སྟེ། །ཚེ་འདི་ལ་ནི་སེམས་ཅན་ལ། །རྣམ་སྨིན་བསྐྱེད་པ་རྒྱལ་པོ་
D557.090.0039a06.01ཡིན། །ལེགས་བྱས་དང་ནི་ཉེས་བྱས་ཀྱི། །ལས་ཀྱི་རྣམ་པར་སྨིན་པའི་འབྲས། །རྣམ་པ་ཐ་དད་བསྟན་པའི་ཕྱིར། །བྱེད་པ་གང་ཡིན་རྒྱལ་པོར་བརྗོད། །བདག་གི་དོན་དང་གཞན་དོན་དང་། །ཡུལ་གྱི་ཆོས་ཀྱི་དོན་གྱི་ཕྱིར། །ལྷ་ཚོགས་རྣམས་ཀྱི་བྱིན་གྱིས་བརླབས། །ལྷ་རྣམས་
D557.090.0039a07.01