完整藏文原文 · 德格版页 当前仅加载第 86 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་མཆིས་ཏེ་སྔགས་པ་དེས་བདག་པོ་བགྱིས་ཏེ་བདག་དེའི་རྗེས་སུ་མཆི་བར་བགྱིའོ། །དེ་ནས་གསེར་གྱི་མིག་ཅན་ཞེས་བྱ་བའི་རྣལ་འབྱོར་མའི་དབང་ཕྱུག་གིས་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་གིས་བདག་བྷ་གའི་དབུས་སུ་བདག་ཉིད་ཞུགས་ནས་རྟག་ཏུ་བསྟེན་པར་བགྱིད་ན་བདག་
D493.086.0150b01.01དེའི་བྲན་མོར་གྱུར་ཏེ། རྟག་ཏུ་དེར་གནས་པར་བགྱི་ཞིང་ནམ་དུ་ཡང་འོང་བ་དང་འགྲོ་བར་མི་བགྱི་ལགས་སོ། །དེ་ནས་སྐྱེ་བོ་ཐམས་ཅད་ཀྱི་ཡིད་དུ་འོང་བ་ཞེས་བྱ་བའི་རྣལ་འབྱོར་མའི་དབང་ཕྱུག་གིས་བཅོམ་ལྡན་འདས་ཐོག་མ་དང་ཐ་མ་མེད་པ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་
D493.086.0150b02.01གིས་བདག་རྟག་ཏུ་གསང་བའི་ཚུལ་གྱིས་སེམས་ཤིང་དྲན་པར་འགྱུར་བའམ། དྲན་པར་བགྱིད་ན་དེ་ལ་བདག་གདོན་མི་ཟ་བར་སངས་རྒྱས་ཉིད་སྟེར་བར་གྱུར་ཅིག །དེ་ནས་ཕྱག་ན་རྡོ་རྗེས་རྣལ་འབྱོར་མའི་དབང་ཕྱུག་དེ་རྣམས་ལ་འདི་སྐད་ཅེས་བཀའ་སྩལ་ཏོ། །སེམས་ཅན་གང་ཐེག་པ་ཆེན་པོའི་
D493.086.0150b03.01ཚུལ་འདི་ལ་ཞུགས་པར་གྱུར་པ་དེ་ལ་བཅུད་ལེན་གྱི་སྦྱོར་བ་འདིས་སྟོབས་དང་ལྡན་པར་བྱའོ། །ལྕགས་ཀྱི་ཕྱེ་མ་དང་། ཨ་ཏི་བ་ལ་མ་ཧཱ་བ་ལའི་རྩ་བ་འོ་མ་དང་ལྷན་ཅིག་སྦྱར་ལ་ཀ་ར་དང་ལྡན་པར་བྱས་ཏེ་འཚོ་བར་བྱའོ། །དེ་ནས་ཆོ་གས་རྣལ་འབྱོར་པས་བཟའ་བར་བྱའོ། །ཤ་དང་མར་གྱི་
D493.086.0150b04.01བཟའ་བ་བྱའོ། །དེ་ནས་སྟོབས་ཆེན་པོ་དང་ལྡན་པར་གྱུར་ནས་སྡིག་པས་གོས་པར་མི་འགྱུར་རོ། །ད་ནི་གཞན་ཡང་བཤད་པར་བྱ་སྟེ། ནམ་མཁའི་ཡུལ་ལམ་ཡུལ་གཞན་དུ་རྡོ་རྗེའི་འཁོར་ལོ་རྡོ་རྗེ་བརྒྱད་དང་ལྡན་པ་བདུད་རྩིའི་རང་བཞིན་ཟླ་བའི་དཀྱིལ་འཁོར་ལྟ་བུར་བདག་ཉིད་སྟོབས་དང་ལྡན་
D493.086.0150b05.01པར་བྱ་བའི་དོན་དུ་བསྒོམ་པར་བྱ་སྟེ། དེས་སྟོབས་ཆེན་པོ་དང་ལྡན་པར་འགྱུར་རོ། །དེ་ནས་གསད་པའི་དོན་དུ་རྡོ་རྗེའི་འཁོར་ལོ་དེ་ཉིད་འབར་ཞིང་གསལ་བའི་རྣམ་པ་མེ་སྟག་འཕྲོ་བ་ཅན་དེའི་ཁང་པའི་ཡུལ་ལམ་གྲོང་ཁྱེར་དུ་བབ་པར་བསྒོམ་པར་བྱའོ། །དེ་ནས་དེའི་སྐད་ཅིག་ལ་རིགས་དང་བཅས་
D493.086.0150b06.01པ་བརླག་པར་འགྱུར་རོ། །དེ་ནས་དབང་དུ་བྱ་བའི་དོན་དུ་འཁོར་ལོ་དེ་ཉིད་ཁ་དོག་དམར་པོ་བནྡུ་ཀའམ། ཛ་བའི་མེ་ཏོག་གི་ཁ་དོག་ལྟ་བུའི་ཕྱོགས་ཐམས་ཅད་ཁྱབ་པ་པོ་འདིས་བསྒྲུབ་བྱ་བཀུག་པར་བསྒོམས་པས་དབང་དུ་འགྱུར་རོ། །རྡོ་རྗེ་འཁོར་ལོའི་སྦྱོར་བ་འདི་ཉིད་ཀྱིས་རྒྱལ་པོ་དང་། བློན་
D493.086.0150b07.01