完整藏文原文 · 德格版页 当前仅加载第 86 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་གསང་བ་དེའི་རང་བཞིན་མ་འཚལ་བས་ཅི་ཞིག་ལགས། དེ་ནས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྣམ་པར་སྣང་མཛད་ཆེན་པོས་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་འདིས་ཆོས་མ་བསྟན་ཅིང་ཅུང་ཟད་ཀྱང་མ་བཤད་དོ། །འོན་
D493.086.0128a01.01ཀྱང་ལག་ན་རྡོ་རྗེ་རང་གི་ཤེས་རབ་ཀྱི་ཚུལ་དང་། ཤེས་རབ་ཀྱི་ཁྱད་པར་གྱིས་བདག་ཉིད་གསང་བ་བསྙེན་པ་བརྩམ་པར་བྱའོ། །དེ་ནས་གསང་བ་བརྟེན་པ་ལས་གང་དག་འོ་མའི་ཐིགས་པ་འོད་ཟེར་དང་བཅས་པར་གྱུར་པ་དང་། དེ་ནས་འོད་ཟེར་གྱི་ཕྲེང་བ་ལས་དེ་བཞིན་གཤེགས་པ་ཐམས་ཅད་
D493.086.0128a02.01ཀྱི་སྐུ་རྣམས་རྣམ་པར་ཕྱུང་སྟེ། དེ་བཞིན་གཤེགས་པའི་སྐུ་དེ་རྣམས་ལས་འོད་ཟེར་གྱི་ཕྲེང་བ་འཁྲུགས་པའི་རྡོ་རྗེའི་གཟུགས་དང་། ཁྲོ་བོའི་གཟུགས་རྣམས་དབྱུང་བར་བྱའོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
D493.086.0128a03.01དེ་ལྟ་ནའང་གསང་བ་དེ་བསྟེན་པ་ཉིད་ཇི་ལྟ་བུའི་རྣམ་པས་འགྲུབ་པ་ལགས། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྣམ་པར་སྣང་མཛད་ཆེན་པོས་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་དང་པོ་རེ་ཞིག་ཇི་ལྟར་བྱ་བ་ངས་ཁྱོད་ལ་བཤད་པར་བྱ་ཡིས་ཉོན་
D493.086.0128a04.01ཅིག །སྔགས་པས་རེ་ཞིག་བདག་གི་ཏིང་ངེ་འཛིན་སྔོན་དུ་འགྲོ་བར་བྱ་སྟེ། བདག་ཉིད་བསྐྱེད་ནས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ལྷ་མོ་ཆེན་མོ་དང་། རིག་པའི་རྒྱལ་མོ་ཐམས་ཅད་བསྒྲུབ་པར་བྱའོ། །དེ་ནས་ཕྱིས་གསང་བ་ཉིད་བསྟེན་པར་བྱའོ། །དེ་ནས་བྱང་ཆུབ་སེམས་
D493.086.0128a05.01དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ཐོག་མ་དང་ཐ་མ་མེད་པ་ལ་འདི་སྐད་ཅེས་གསོལ་ཏོ། །ཇི་ལྟ་བུའི་རྣམ་པས་ལྷ་མོ་དེ་རྣམས་བསྒྲུབ་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། སེམས་ཅན་འགའ་ཞིག་དད་པ་དང་ལྡན་པ་ཡོད་པ་དེ་དག་ནི་རྩེ་གཅིག་པའི་སེམས་ཀྱིས་བདག་
D493.086.0128a06.01སྒྲུབ་པར་འདོད་ལ། དེ་དག་སྦྱོར་བ་མི་ཤེས་ཤིང་ནུས་པ་དང་མི་ལྡན་པས་དེ་རྣམས་ཀྱི་ཚེ་ཟད་པར་གྱུར་ཀྱང་ལྷ་མོ་རྣམས་ཀྱི་ཐུགས་རྗེའི་ཐུགས་སྐྱེ་བར་མི་འགྱུར་ཞིང་སེམས་ཀྱི་གསལ་བ་ཡང་མི་བྱེད་པ་དེས་ན་ལག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོས་སྦྱོར་བ་ཤེས་པར་བྱའོ། །དེ་
D493.086.0128a07.01