完整藏文原文 · 德格版页 当前仅加载第 86 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སྒྲོ་བསྐོར་ན་དེ་ནས་ནམ་མཁའ་ལ་གནས་པའི་ལྷ་ཐམས་ཅད་བསྟན་པར་བྱའོ། །སྒྲོ་ནམ་མཁའ་ལ་སྟེང་དུ་གཟུང་ན་ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་ལ་སོགས་པ་དང་། བརྒྱ་བྱིན་དང་། ཟླ་བ་དང་། གནོད་སྦྱིན་དང་། སྲིན་པོ་དང་། ལྷ་མ་
D493.086.0144a01.01ཡིན་དང་། ནམ་མཁའ་ལྡིང་དང་། མི་འམ་ཅི་ལ་སོགས་པ་ཁང་{བཟངས་,བཟང་}དུ་མས་གང་བ་ནམ་མཁར་བསྟན་པར་བྱའོ། །ལག་ན་རྡོ་རྗེ་སྒྲོ་དེ་སྟེང་དུ་གཟུང་ན་སྦྱོར་བ་དེ་དག་ཕྱེད་པར་འགྱུར་རོ། །ལག་ན་རྡོ་རྗེ་སྦྱོར་བ་གཞན་ཡང་བཤད་པར་བྱ་སྟེ། ཆུ་ཁྱོར་བ་གང་ལ་རིག་པ་འདི་ཡོངས་སུ་
D493.086.0144a02.01བཟླས་ཏེ། དེ་ནམ་མཁའ་ལ་གཏོར་ནས་སྤྲིན་འབབ་པ་བསྟན་པར་བྱའོ། །སྒྲོ་སྟེང་དུ་བསྐོར་ན་སླར་དེ་དག་ཐམས་ཅད་མེད་པར་འགྱུར་རོ། །གཞན་ཡང་བཤད་པར་བྱ་སྟེ། ཐལ་བ་ལ་ཅུང་ཟད་བཟླས་ཏེ་གྲོང་དང་གྲོང་ཁྱེར་ལ་སོགས་པའི་དབུས་སུ་གཏོར་ན་གྲོང་ལ་སོགས་པ་བསྲེག་པ་བསྟན་
D493.086.0144a03.01པར་བྱའོ། །སྒྲོ་སྟེང་དུ་བསྐོར་ན་སླར་ཞི་བར་འགྱུར་རོ། །ལག་ན་རྡོ་རྗེ་གཞན་ཡང་བཤད་པར་བྱ་སྟེ། གང་གི་ཚེ་སྔགས་པ་མཐའ་གཅིག་ཏུ་སོང་སྟེ་ཆོམ་རྐུན་ལ་སོགས་པ་མཐོང་བ་ན་དེ་ནས་བྱེ་མ་སྤར་བར་བླངས་ལ་རིག་པ་ཅུང་ཟད་ཅིག་བཟླས་ཏེ་ཕྱོགས་བཞིར་གཏོར་བར་བྱའོ། །དཔུང་གི་
D493.086.0144a04.01ཚོགས་གླང་པོ་དང་། རྟ་ལ་སོགས་པ་སྟོང་ཕྲག་མཐོང་བར་འགྱུར་རོ། །དེ་ནས་ཆོམ་རྐུན་ལ་སོགས་པའི་སེམས་ཅན་གདུག་པ་ཅན་དོགས་པ་དང་བཅས་པས་ཉེ་འཁོར་དུ་འོང་བར་མི་འགྱུར་རོ། །སྒྲོ་སྟེང་དུ་བསྐོར་ན་དེ་ནས་མེད་པར་འགྱུར་རོ། །ལག་ན་རྡོ་རྗེ་སྒྲོ་དེ་ཉིད་ཀྱིས་ཕ་རོལ་གྱི་བུད་
D493.086.0144a05.01མེད་བཀུག་ལ་འདོད་པར་བྱའོ། །ལག་ན་རྡོ་རྗེ་གལ་ཏེ་གདུག་པ་གསད་པར་འདོད་ན་སྒྲོ་དེ་ཉིད་ཀྱི་སྦྱོར་བས་ཁྲོ་བ་དང་བཅས་པས་དེའི་མིང་ནས་བརྗོད་ཅིང་བསྐོར་བས་འཆི་བར་འགྱུར་ཞིང་སླར་ཡང་འཆི་བར་འགྱུར་རོ། །སྒྲོ་དེ་ཉིད་ཀྱིས་ཇི་ལྟར་བསམས་པའི་རྫས་འོང་བར་འགྱུར་རོ། །དེ་ཉིད་ཀྱིས་
D493.086.0144a06.01ཕ་རོལ་གྱི་སྔགས་རེངས་པར་བྱེད་དོ། །ཡང་སྒྲོ་དེ་ཉིད་སྟེང་དུ་བསྐོར་བས་གྲོལ་བར་འགྱུར་རོ། །འདི་ཉིད་ཀྱིས་གང་ཡིད་ལ་འདོད་པའི་བུད་མེད་འགུགས་པར་བྱེད་དོ། །ལྟོས་འགྲོ་ཆེན་པོས་ཟོས་པ་ཡང་འབེབས་པར་འགྱུར་ཞིང་འཚོ་བར་བྱེད་དོ། །སྦྲུལ་ནག་པོས་ཟོས་པ་ཡང་སློང་ཞིང་མི་བཟད་
D493.086.0144a07.01