完整藏文原文 · 德格版页 当前仅加载第 86 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱོར་བས་གཞལ་དུ་མེད་པ་བྱེ་བ་ཕྲག་བརྒྱ་སྟོང་བགྲང་བ་ལས་འདས་པའི་སངས་རྒྱས་ཉིད་དུ་འགྱུར་ཏེ། རྒྱུ་དེས་ན་སློབ་དཔོན་འདི་སངས་རྒྱས་ཉིད་དུ་བཤད་དོ། །ཡང་ན་སྔགས་པ་འགའ་ཞིག་བདག་ཉིད་བྷ་གའི་དབུས་སུ་སྒོམ་པར་མི་ནུས་ན་འོན་ཀྱང་རྩ་དེ་རྣམས་འཛག་པ་དང་ལྡན་
D493.086.0134a01.01པའི་དམར་པོ་དང་། དཀར་པོ་དང་། སེར་པོ་དང་། སྔོན་པོའི་རྣམ་པར་བསམས་པས་དེ་ནས་ལས་ཐམས་ཅད་ཀྱི་དངོས་གྲུབ་ཇི་ལྟར་རིགས་པར་ཐོབ་པར་འགྱུར་རོ། །ཡང་ན་དེ་ཡང་མ་ནུས་ན་འོན་ཀྱང་རང་གི་ཚུལ་ཁོ་ནའི་རིགས་པས་བུད་མེད་དེ་རྣམས་རང་གི་ལྷ་མོའི་གཟུགས་སུ་བསམས་ཏེ།
D493.086.0134a02.01བུད་མེད་དེ་དེ་དག་གི་ཞུ་བ་བཏུང་ཞིང་འཐུང་དུ་བཅུག་པས་དེ་ནས་ངེས་པར་སངས་རྒྱས་ཉིད་བྱེད་པར་འགྱུར་རོ། །ལག་ན་རྡོ་རྗེ་དེའི་ཕྱིར་གསང་བའི་སྦྱོར་བ་དོར་ནས་གཞན་པས་སངས་རྒྱས་ཉིད་མ་ཡིན་ནོ། །ལག་ན་རྡོ་རྗེ་དེའི་ཕྱིར་རང་གི་ཏིང་ངེ་འཛིན་གྱིས་ཚུལ་འདི་ཉིད་ཀྱི་སྦྱོར་བས་རིག་པའི་ལྷ་
D493.086.0134a03.01མོ་ཐམས་ཅད་ཀྱང་བསྒྲུབ་པར་བྱ་སྟེ་འདི་ལ་ཐེ་ཚོམ་མི་བྱའོ། །ཡང་ན་ལག་ན་རྡོ་རྗེ་གལ་ཏེ་རང་གི་བཟང་མོ་མ་རྙེད་ན་གཞན་གྱིའང་མཐའ་གཅིག་ཏུ་བཟུང་སྟེ་ཞུ་བ་བཏུང་བ་ལ་སོགས་པ་བྱ་སྟེ། དེ་ནས་དེ་འགྲུབ་པར་འགྱུར་རོ། །ཡང་ན་ཡུལ་གྱི་གཟུགས་འཚོང་མ་ལ་བདག་གིས་ཚུལ་འདིས་བསྟེན་
D493.086.0134a04.01པར་བྱའོ། །གལ་ཏེ་དེའང་མ་རྙེད་ན་དེ་ནས་རང་གི་སྙིང་གའི་རིག་པའི་ལྷ་མོ་བསམས་ཏེ། བསྟེན་པས་གལ་ཏེ་དེ་བསམས་པ་ན་སྔགས་པ་དེའི་ཞུ་བ་རེད་པར་གྱུར་ན་དེ་ནས་དངོས་གྲུབ་འཐོབ་པར་ཤེས་པར་བྱའོ། །གལ་ཏེ་ཞུ་བ་བརྟན་པར་གྱུར་པ་ནའང་སྐྱེས་བུ་དེས་འགྲུབ་པར་ཤེས་པར་བྱའོ། །བརྗོད་
D493.086.0134a05.01པ་འདི་ཕྱི་རོལ་གྱི་ཚུལ་ཅན་ལ་བཤད་པར་མི་བྱ་སྟེ་ཆེར་བྱོལ་བར་འགྱུར་རོ། །མཆོག་ཏུ་གསང་བའི་མཛོད་རྟོག་པའི་རྒྱལ་པོ་ཆེན་པོ་ལས་ལྷ་མོའི་རྒྱུད་ཀྱི་ཆོ་ག་རྒྱས་པ་ཡོངས་སུ་རྫོགས་{སྷོ,སོ}།། །།དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་དེ་བཞིན་གཤེགས་པ་ཐམས་ཅད་ཀྱི་
D493.086.0134a06.01བདག་པོ། དེ་བཞིན་གཤེགས་པ་ཐམས་ཅད་ཀྱི་ཡབ། དེ་བཞིན་གཤེགས་པ་ཐམས་ཅད་ཀྱིས་བསྟེན་པ། རེ་བ་ཐམས་ཅད་ཡོངས་སུ་རྫོགས་པར་བྱེད་པ། སེམས་ཅན་ཐམས་ཅད་ལ་ཕན་པ་རྗེས་སུ་མཛད་པ། དེ་བཞིན་གཤེགས་པ་ཐམས་ཅད་ཀྱི་མཛད་པ་པོ་དེས་ཕྱོགས་བཅུ་ན་རྣམ་པར་བཞུགས་
D493.086.0134a07.01