完整藏文原文 · 德格版页 当前仅加载第 86 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
གསུང་། །ལས་དང་ཆོས་དང་འཇིགས་བྱེད་འཛིན། །ཐོག་མ་ཐ་མ་མེད་ཞི་བ། །མ་རུངས་ཁྲོ་དང་བཟོད་པ་ཆེ། །གནོད་སྦྱིན་སྲིན་པོ་དམ་པ་བརྟན། །གཟི་ཆེན་དཔའ་བོ་ཁྱབ་བདག་ཆེ། །ཨུ་མའི་བདག་པོ་སྐྱེ་དགུའི་མགོན། །འཇུག་སྲེད་རྒྱལ་འདོད་ཐུབ་པ་ཆེ། །
D493.086.0121a01.01འཇིག་རྟེན་སྐྱོང་དང་མཁའ་དང་ས། །འཇིག་རྟེན་གསུམ་དང་ཁམས་གསུམ་པ། །འབྱུང་ཆེན་སེམས་ཅན་དོན་རབ་མཛད། །ཐམས་ཅད་སེམས་ཅན་ཕ་ཆེན་པོ། །འཁོར་བ་མྱ་ངན་འདས་དང་བརྟག །ཡང་དག་མཚོ་དང་མཆོད་ཆེན་པོ། །སངས་རྒྱས་དག་པ་ཐེག་པ་ཆེ། །སྲིད་པ་
D493.086.0121a02.01གསུམ་པོའང་དེ་ཡིན་ནོ། །དེ་དག་ལ་སོགས་པའི་ཡོན་ཏན་བྱེ་བ་བརྒྱ་སྟོང་དུ་མ་དང་ལྡན་པའི་བྱང་ཆུབ་སེམས་དཔའ་བྱེ་བ་བརྒྱ་སྟོང་ཕྲག་དུ་མས་ཡོངས་སུ་བསྐོར་ཏེ་དཀྱིལ་འཁོར་ཆེན་པོ་དེ་ལ་བཞུགས་ནས་ཆོས་སྟོན་པར་མཛད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་
D493.086.0121a03.01གཤེགས་པ་ཐམས་ཅད་ཀྱི་བདག་པོ་བཅོམ་ལྡན་འདས་རྣམ་པར་སྣང་མཛད་ཀྱི་སྤྱན་སྔར་ཟླ་བའི་དཀྱིལ་འཁོར་ལ་བརྟེན་ཏེ་འཁོད་ནས་ཐོག་མ་དང་ཐ་མ་མེད་པའི་བཅོམ་ལྡན་འདས་ལ་གསོལ་པ། བཅོམ་ལྡན་འདས་མཆོག་ཏུ་གསང་བ་ཆེན་པོའི་ཐིག་ལེ་ཞེས་བགྱི་བའི་ཏིང་ངེ་འཛིན་གྱི་ཁྱད་པར་
D493.086.0121a04.01བཀའ་སྩལ་དུ་གསོལ། གང་གིས་སེམས་ཅན་རྣམས་ལ་གསང་བའི་དེ་ཁོ་ན་ཉིད་ཀྱི་དམ་ཚིག་དེ་བདག་གིས་བཤད་པར་བགྱི་ལགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྣམ་པར་སྣང་མཛད་ཆེན་པོས་གསང་བའི་བདག་པོ་ལག་ན་རྡོ་རྗེ་ལ་འདི་སྐད་
D493.086.0121a05.01ཅེས་བཀའ་སྩལ་པ། ལག་ན་རྡོ་རྗེ་གསང་བའི་དམ་པ་གང་གིས་སེམས་ཅན་ཐམས་ཅད་ངེས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་བ་དེ་བཤད་པར་བྱའོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་ཡང་བཅོམ་ལྡན་འདས་ལ་གསོལ་པ། བཅོམ་
D493.086.0121a06.01ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་གང་གིས་བདག་གསང་བའི་བདག་པོར་འགྱུར་བ་བཀའ་སྩལ་དུ་གསོལ། དེ་ནས་དེ་བཞིན་གཤེགས་པ་དེ་དག་ཐམས་ཅད་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ཀར་ཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་
D493.086.0121a07.01