完整藏文原文 · 德格版页 当前仅加载第 86 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
ལག་ན་རྡོ་རྗེ་ཟླ་བའི་དཀྱིལ་འཁོར་དེ་ལ་ནམ་མཁའི་ཁམས་ཐམས་ཅད་རབ་ཏུ་རྒྱས་པའི་ཚད་ཀྱི་རྡོ་རྗེ་རྩེ་མོ་ལྔ་པ་ཞི་བ་འོད་ཟེར་དང་བཅས་པ་བསྒོམ་པར་བྱའོ། །དེ་ནས་ཡང་གསང་བའི་བདག་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རྡོ་རྗེ་དེ་ཇི་ལྟར་བསྒོམ་པར་
D493.086.0124b01.01བགྱི། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་སེམས་དཔའ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་དང་གཅིག་ཏུ་མཛད་ནས་བྱང་ཆུབ་སེམས་དཔའ་
D493.086.0124b02.01ཆེན་པོ་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་རྡོ་རྗེ་དེ་སེམས་དཔའ་རྡོ་རྗེའི་གཟུགས་སུ་བསྒོམ་པར་བྱ་སྟེ། ནམ་མཁའི་ཁམས་ཐམས་ཅད་རབ་ཏུ་རྒྱས་པའི་ཚད་ཀྱི་རྡོ་རྗེ་འབར་བས་རྣམ་པར་བརྒྱན་པ། རྒྱན་ཐམས་ཅད་ཀྱིས་རྣམ་པར་བཀླུབས་པ། ལུས་ཐམས་ཅད་སངས་རྒྱས་ཀྱི་གཟུགས་
D493.086.0124b03.01བརྙན་གྱི་ཚུལ་གྱིས་གང་ཞིང་དང་བ། ལག་པ་གཡོན་པས་དྲིལ་བུ་འཛིན་པ། གཡས་པའི་ལག་པས་རྡོ་རྗེ་སྙིང་གར་བརྟེན་པ། ཞལ་ཅུང་ཟད་བཞད་པར་སྔགས་པས་བསམ་པར་བྱའོ། །དེ་ནས་ཡང་བཅོམ་ལྡན་འདས་ཀྱིས་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །སྔགས་ནི་འདི་ཡིན་
D493.086.0124b04.01ཏེ། ཨོཾ་བཛྲ་ཨཱཏྨ་ཀོ྅ཧྃ། དེ་ནས་ཡང་བཅོམ་ལྡན་འདས་ཀྱིས་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །དེ་ནས་སེམས་དཔའ་རྡོ་རྗེའི་གཟུགས་དེ་བཞིན་གཤེགས་པའི་སྐུར་སྔགས་པས་སྔགས་འདིས་བསྒོམ་པར་བྱ་སྟེ། ཨོཾ་ཡ་ཐཱ་སརྦྦ་ཏ་ཐཱ་ག་ཏཱ་སྟ་ཐཱ་ཨ་ཧྃ། དེ་ནས་སུྃ་གྱི་ཡི་གེ་ལས་
D493.086.0124b05.01སྔགས་པས་རི་རབ་བསམས་ལ་སྟེང་དང་འོག་གི་སྒོར་སུྃ་དགོད་པར་བྱའོ། །དེ་ནས་ཧཱུྃ་གི་ཡི་གེ་ལས་ཁང་པ་བརྩེགས་པ་བསམ་པར་བྱ་སྟེ། གྲུ་བཞི་པ་ལ་སྒོ་བཞི་པ། །རྡོ་རྗེ་འབར་བ་ཡང་དག་ལྡན། །ཁ་དོག་སྣ་ཚོགས་དག་དང་བཅས། །སྣ་ཚོགས་ཀ་བས་ཉེ་བར་མཛེས། །དྲ་བ་དྲ་བ་
D493.086.0124b06.01ཕྱེད་པས་སྤྲས། །ཟླ་བ་ཟླ་བ་ཕྱེད་པས་སྤུད། །ནོར་བུ་དང་མུ་ཏིག་གི་ཕྲེང་བས་ཉེ་བར་མཛེས་པ། རིན་པོ་ཆེའི་རྒྱན་དུ་མ་དང་། དར་དང་། འཕན་དང་། མེ་ཏོག་གི་ཆུན་པོས་ཉེ་བར་སྤུད་པ། དེ་དག་ལ་སོགས་པའི་ཡོན་ཏན་གྱིས་ཁྱད་པར་དུ་འཕགས་པའི་ཁང་པ་བརྩེགས་པ་སྔགས་པས་
D493.086.0124b07.01