完整藏文原文 · 德格版页 当前仅加载第 86 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱི་བདག་པོས་ཟླ་བའི་དཀྱིལ་འཁོར་དེ་ལ་བཞུགས་ནས་དཔའ་བོའི་ཏིང་ངེ་འཛིན་ལ་ཞུགས་ཏེ། དེ་བཞིན་གཤེགས་པ་དང་། རྡོ་རྗེ་སེམས་དཔའ་དང་། ལག་ན་རྡོ་རྗེ་ལ་སོགས་པ་དེ་དག་ཐམས་ཅད་ཉིད་ཀྱི་ཐུགས་ཀ་ནས་ཕྱུང་སྟེ། དེ་ནས་དེའི་རྗེས་སུ་དེ་བཞིན་གཤེགས་པ་དེ་དག་ཐམས་ཅད་ཀྱིས་བཅོམ་
D493.086.0126b01.01ལྡན་འདས་རྣམ་པར་སྣང་མཛད་ཆེན་པོ་ཐོག་མ་དང་ཐ་མ་མེད་པ་ལ་མཚན་བརྒྱ་རྩ་བརྒྱད་པ་འདིས་གསོལ་བ་བཏབ་པར་གྱུར་ཏོ། །རྡོ་རྗེ་སེམས་དཔའ་སེམས་དཔའ་ཆེ། །རྡོ་རྗེ་དེ་བཞིན་གཤེགས་པ་ཀུན། །རྡོ་རྗེ་དང་པོ་ཀུན་ཏུ་བཟང་། །ཕྱག་ན་རྡོ་རྗེར་ཕྱག་འཚལ་བསྟོད། །རྡོ་རྗེ་རྒྱལ་པོ་བློ་
D493.086.0126b02.01བཟང་མཆོག །རྡོ་རྗེ་ལྕགས་ཀྱུ་དེ་བཞིན་གཤེགས། །དོན་ཡོད་རྒྱལ་པོ་རྡོ་རྗེ་མཆོག །རྡོ་རྗེ་འགུགས་ལ་ཕྱག་འཚལ་བསྟོད། །རྡོ་རྗེ་ཆགས་པ་བདེ་བ་ཆེ། །རྡོ་རྗེ་མདའ་སྟེ་དབང་དུ་བྱེད། །འདོད་པ་ཆེན་པོ་རྡོ་རྗེ་ཆེ། །རྡོ་རྗེ་གཞུ་ལ་ཕྱག་འཚལ་བསྟོད། །རྡོ་རྗེ་སེམས་དཔའ་སེམས་དཔའ་མཆོག །
D493.086.0126b03.01རྡོ་རྗེ་ཚིམ་པ་ཆེར་དགྱེས་པ། །རབ་དགྱེས་རྒྱལ་པོ་རྡོ་རྗེ་མཆོག །རྡོ་རྗེ་དགྱེས་པར་ཕྱག་འཚལ་བསྟོད། །རྡོ་རྗེ་རིན་ཆེན་དོན་བཟང་མཆོག །རྡོ་རྗེ་ནམ་མཁའ་ནོར་བུ་ཆེ། །ནམ་མཁའི་སྙིང་པོ་རྡོ་རྗེ་ཕྱུག །རྡོ་རྗེ་སྙིང་པོར་ཕྱག་འཚལ་བསྟོད། །རྡོ་རྗེ་གཟི་བརྗིད་ཆེར་འབར་བ། །རྡོ་རྗེ་ཉི་མ་རྒྱལ་
D493.086.0126b04.01བའི་འོད། །རྡོ་རྗེ་འོད་ཟེར་གཟི་བརྗིད་ཆེ། །རྡོ་རྗེ་སྒྲོན་མར་ཕྱག་འཚལ་བསྟོད། །སེམས་ཅན་དོན་རབ་རྡོ་རྗེ་ཏོག །རྡོ་རྗེ་རྒྱལ་མཚན་ལེགས་ཚིམ་པ། །རྡོ་རྗེ་ཏོག་སྟེ་རྡོ་རྗེ་ཆེ། །ཕྱག་འཚལ་རྡོ་རྗེ་སྐུ་ཁྱོད་ལ། །རྡོ་རྗེ་གད་མོ་གད་རྒྱངས་ཆེ། །རྡོ་རྗེ་འཛུམ་པ་ངོ་མཚར་ཆེ། །དགའ་ཞིང་རབ་དགྱེས་རྡོ་
D493.086.0126b05.01རྗེ་མཆོག །ཕྱག་འཚལ་རྡོ་རྗེ་དགྱེས་ཁྱོད་ལ། །སེམས་ཅན་དོན་རབ་རྡོ་རྗེ་ཆོས། །རྡོ་རྗེ་པདྨ་ལེགས་དག་པ། །འཇིག་རྟེན་དབང་ཕྱུག་རྡོ་རྗེའི་སྤྱན། །ཕྱག་འཚལ་རྡོ་རྗེ་སྤྱན་ཁྱོད་ལ། །རྡོ་རྗེ་རྣོན་པོ་ཐེག་པ་ཆེ། །རྡོ་རྗེ་མཛོད་སྟེ་མཚོན་ཆ་ཆེ། །འཇམ་དཔལ་རྡོ་རྗེ་ཟབ་མོ་སྟེ། །རྡོ་རྗེ་བློ་གྲོས་ཁྱོད་ཕྱག་
D493.086.0126b06.01འཚལ། །རྡོ་རྗེ་རྒྱུ་སྟེ་སྙིང་པོ་ཆེ། །རྡོ་རྗེ་འཁོར་ལོ་ཚུལ་ཆེན་པོ། །རབ་བསྐོར་རྡོ་རྗེ་ལས་སྐྱེས་པ། །ཕྱག་འཚལ་རྡོ་རྗེ་རྒྱན་ཁྱོད་ལ། །རྡོ་རྗེ་སྨྲ་བ་རིགས་བཟང་མཆོག །རྡོ་རྗེ་བཟླས་པ་ལེགས་གྲུབ་གསོལ། །མི་སྨྲ་རྡོ་རྗེ་དངོས་གྲུབ་མཆོག །ཕྱག་འཚལ་རྡོ་རྗེ་གསུང་ཁྱོད་ལ། །རྡོ་རྗེ་ལས་རབ་
D493.086.0126b07.01